#香港兒童探索博物館 #放手讓孩子體驗探索真樂趣 好地方
阿娘一直想同奶油仔去家附近嘅香港兒童探索博物館，睇到 Miracle Yoga Kong 靚媽Facebook先知原來北角地址做埋二月，即係今個星期😱即刻快快手去網上預約先！
睇網站相見有個玩水area（水之源）💧，阿娘已預計到超沈迷水嘅奶油仔，應該9成時間會留係個度🤣
雖然阿娘內心會諗俾得錢入（$120一大一細）會想玩多啲展品（或唔睇望下都好🙈）。不過去得個叫✨兒童探索✨嘅地方，就一於將 #探索嘅主導權 俾哂奶油仔😁
的確係限定個半鐘嘅遊館時間內，我諗超過一個鐘都係水之源🤣除左有一次比較多小朋友，我就引左佢去樹屋玩（樹屋係佢第二最愛！）其餘時間，阿娘主要係一位觀察者👀同一開始講解場館規矩～呢樣好重要！先 #協定要守規矩 ，費事到時先話佢咁冇癮。
其實有啲moment想介紹下/引導/示範佢知點玩，因為所有展品都好有教育意義，好適合從中講解下...但見佢 #好專心就無打斷佢，佢就繼續不停將啲小船執返去同一個位🧐
係最後10分鐘，我話要預備返屋企，佢終於問我：「啲船去哂個度嘅？」原來佢想啲船停係「上游」嘅小噴泉，佢重覆左n次就發現啲船點都會跟水流向下，到一個無水流嘅位（佢叫個度做停船場）。
雖然可以係阿娘好簡單放隻船仔再加句：「你睇下，水流係向下架，船仔都係跟住水流～」不過又無學習進度要趕，等佢 #慢慢透過探索去發現 都唔錯😁
呢個博物館仲有好多野等住大家去探索👀今轉去唔切都唔洗失望，新址會於三月尾公佈。到時又可以去玩💕
*返到屋企睇影咗啲咩相，8成相都係企係同一個位嘅😅
香港兒童探索博物館 Hong Kong Children's Discovery Museum
#toddler #育兒 #親子 #hkmama #hkmum #hkbaby #香港媽媽 #親子blogger #toddlerlife #toddleractivities #toddlerfun #toddlerplay
