［預告先，遲下譯文］傻強講得幾好，我冇乜補充。— ＂「Bitcoin背後的人給外界的信念是『我們可以跨過政府、去中心化，政府出的銀紙沒有價值，因為他們亂出，我們做的才有價值。』這樣也好信？」陳家強稱，加密貨幣不可能是支付媒介，保值功能「單憑『信』字」，「你一個出Bitcoin，一個出Bitcoin cash、ether，誰來監管？」＂
不過正經啲講，加密貨幣，至少有三個價值（正經的，唔係抽水）：第一，就係一如啲Bitcoin撚所講，可以當貨幣用，買Pizza之類嘅價值。固然我覺得係唔會work，但，可能我錯嘛，可能專家都錯。另外，啲真係貨幣崩潰嘅地方，委內瑞拉之類，未必唔可以用加密貨幣。可能未必用你買嗰隻（一百幾十隻），但有千份一百份一機會用，在委內瑞拉用，或者畀啲罪犯用，就應該仲有少少價值，未必係零。
第二，作為好似商品咁嘅價值。Bitcoin 撚而家好似興講呢套，因為第一點嗰套已經呃唔到人，畀現實話畀大家知係唔得嘅。咁唔當貨幣，當好似一種商品咁，好似黃金咁—雖刖我唔知呢啲商品有乜用。黃金有工業用途，仲有裝飾用途。我暫時未想像到你印堆1010出嚟嫁女用。或者用Bitcoin畀禮金啦—你外父係Bitcoin撚嘅話 （當然信優生學嘅，Bitcoin 撚生嘅女仲應唔應該娶......可能正係咁先畀你昆到）
第三，好簡單，就係炒作嘅價值，希望嘅價值（即係，其實係冇價值）。我識唔少人，唔係盲毛，其實由頭到尾都唔信，或者半信半疑。但，總有人比我更笨嘛！總有人接火棒嘛。又或者，其實佢都知道唔work—但萬一自己錯呢？Fear of missing out。嗰啲人，拎一萬幾千嚟玩下，有乜問題？輸咗咪算，中咗可以做先知喎！可以同人講我有份參與呢場革命喎。係有咁嘅人。實不相瞞（好似從冇公開講），我幾乎都因為咁去買。係應該唔會work架-但萬一我錯呢? 輸就一千幾百....贏就.....好似冇限喎!
講咁多，我對加密貨幣嘅睇法一路冇變。但我其實從冇話佢一文不值（有嘅你更正我，可能當時講得盡咗）。基於以上三樣嘢，其實真係未必係價值為零。
Kenneth Rogoff在 Project Syndicate寫咗篇文（http://bit.ly/2rXgT2J Betting on Dystopia）。此人係猛人，猛我一萬倍一億倍。佢當然唔係bitcoin撚，但佢亦講返，又未必係一文不值。幾有趣嘅分析，有興趣自己去睇（免費的，最啱你）．搵原文都懶或唔想睇英文嘅，就等我得閒譯咗佢。而我啲譯本夠＂入屋＂，唔係一字一字咁譯（主要係懶，同埋有啲字唔識又唔肯查字典），又有時加自己見解，仲有時加幾句粗口。所以好似都幾多人鍾意睇。
等下啦。
去中心化政府 在 Libra 使用區塊鏈技術，可以去中心化 - Facebook 的推薦與評價
魯比尼表示，區塊鏈只是被美化的試算表，但它卻成為自由主義意識型態的代名詞，把政府、央行、金融機構和實體貨幣都視為必須摧毀的權力集合。 魯比尼說，區塊鏈雖自稱去 ... ... <看更多>