一，呢幾日好似有唔少人講返呢段 #咸豐年 嘅事。
二，咁講啦，#Nancies 最難面對嘅事實係：一直以來令佢哋 #又自卑又自大 嘅情意結，原來係因為讀書唔通，又唔肯自己去考證。
三，咸豐年間對清帝國影響最大，死最多人嘅事件，其實係太平天國。咸豐之後，死最多人嘅，係 1876 到 1879 嘅丁戊奇荒。丁戊奇荒嘅同時，清帝國鷹派左宗棠帶兵攻打今日嘅新疆。究竟丁茂奇荒同呢場戰爭有冇直接關係，有好多地方可以去辯證。
四，但得罪講句，Nancies 對於 #自己人殺自己人 嘅歷史，一係就聽到未聽過，你講畀佢哋聽佢哋都會話：「我讀書個陣都冇聽過。」係呀，宇宙間嘅真理，都係中學教晒你，所以 DSE 係咁重要。 #曲
五，之前嘅 post 另一個觀察係，好多 Nancies 接受唔到原來兩次中英戰爭之後，清帝國由鴉片進口國變成鴉片出口國。冇錯，清帝國話就禁煙，實情係地方貪官壟斷進口仲食埋人哋夾棍之後走數。呢啲史實，全部都有白紙黑字嘅紀錄，但 Nancies 又唔識睇文言文，教人情何以堪？
六，再講，十九世紀，又何止兩次中英戰爭？歐洲各國打到九彩，時至今日，雖然歐洲都有民族主義份子，但好少會有人，有咁多人，集體咁對咸豐年咁耐，而且自己唔係咁了解嘅事，咁上心，咁咬牙切齒。
七，又再講，又有人話林則徐係民族英雄。真係唔知嚇一跳；係日本歷史學家發現，最初捧林則徐做反殖英雄，就係日本人。係喎，所謂嘅中華民族，係1900前後嘅概念；林則徐年代，根本只有封建帝國同滿漢關係，同今日班 Nancies 對民族嘅理解好唔一樣。
八，日本人，又點解會咁得閒去捧反殖英雄呢，又？話說，第二次世界大戰，亞洲戰區，大東亞共榮圈，呢啲點都聽過下，係咪？大東亞共榮圈其實，就係打反殖反帝嘅旗幟去進行軍國殖民囉。Nancies 跟日本軍國主義嘅口水尾⋯⋯ 覺得讀書真係好緊要。
#講住咁多先 #有心情再寫
【歷史在笑】由咸豐年講起
一，「咸豐年咁耐嘅事仲攞返來講？」究竟咸豐年間發生過咩事呢？英法聯軍發燒圓明園，大家聽過喇啩？無錯，史稱第二次鴉片戰爭，就係發生響咸豐年間。
二，話說1842年清帝國簽署《南京條約》，講明永久割讓香港島予大英，並且承諾開放沿海五個港口，包括廣州、福州、廈門、寧波同上海。當然最重要係，清帝國同大英同意停戰。
三，大清雖然將香港島割畀英國，不過，十幾年間一直都冇完全履行開放五大商港嘅承諾。嘿原來早在1860年代，清政府已經將有史以來第一份「中英聯合聲明」當作「歷史文件」」。正所謂 fool me once, shame on you; fool me twice 呢？咪就係自己攞來。
四，藍朋友所讀嘅「已修正歷史」，將鴉片戰爭同南京條約，講到係國恥。不過，原來雍正早在1729年頒佈首個禁煙令，超過一世紀，清帝國越來越多人食鴉片；甚之連咸豐個老竇道光，據說都有鋪煙癮。
五，聰明嘅香港人一眼就睇得出，鴉片禁之不絕，最大原因係清帝國上有政策下有對策，沿海省份高官有走私鴉片生意；例如兩廣總督鄧廷楨嘅家族，就係當年廣州最大煙商。最諷刺係，鄧廷楨因為曾經同林則徐拍檔對戰英軍，被奉為「民族英雄」。
六，鴉片戰爭之後，清帝國將由官員權貴私幫嘅生意，變成要納稅嘅貿易。由1850年起，一直幫補清帝國嘅龐大軍費開支。再者，清帝國之後索性發展罌栗種植，提煉煙土。到光緒年間，清帝國已經有能力出口鴉片煙土去東南亞地區。
七，《南京條約》之後，清帝國同大英係咪世仇呢？原來當時對大清最大威脅，係一個有妄想症叫做洪秀全嘅癲佬。太平天國前後擾攘足足13年，做成過千萬人死亡。假如要我比喻，太平天國係中共同文革嘅原形；又或者應該話，中共同文革，完成咗太平天國未完成嘅破壞。
八，太平天國對清帝國嘅最大影響，就係令到漢族為主力嘅湘軍、淮軍冒起。漢人為主力嘅部隊，後來改革成北洋水師同新陸軍，之後再演變成北洋軍閥嘅格局。晚清幾乎出現「東南互保」嘅分裂情況，好大程度都係因為地方武裝勢力無論財政抑或人手，都唔需要聽令於北京；此為後話。
九，李鴻章曾經上奏同治皇帝寫：「三千年未有之變局」，其實想講嘅就係洋務運動；而洋務運動嘅重點，就係要用洋人嘅財經手段為軍隊同基建融資，改革軍隊。又話說，當年究竟要強化陸軍定建立海軍，又內耗過一輪。陸軍，其實係向西推進；海軍就係對日本同俄國。
十，另外，清帝國對付太平天國嘅時候，好依賴洋人僱傭兵。1860年美國人「華飛烈」（Frederick Townsend Ward）響上海創立一支只有二百人嘅「洋槍隊」，仲娶埋銀行家楊坊嘅女，放棄美國國籍，入籍大清，獲同治賜四品頂戴。可惜，華飛烈成立洋槍隊無幾耐，就戰死沙場。英國軍官戈登接手常勝軍，整頓軍紀，成為近代軍事史入面一個神話。
十一，另外，清帝國引入現代財政管理，完善關稅制度，要多得英國人赫德爵士（尖沙咀條赫德，就係以佢命名。）1859年赫德向英女王辭職，加入清帝國新成立嘅海關；幾年之後，官拜布政使，官階係從二品。赫德其實除咗係建立清帝國關稅制度，亦為清帝國處理外交問題。
十二，當然啦，大中華膠寫嘅歷史教科書，就只會講李鴻章，而絕口不提戈登、赫德等人。其實，洋務運動，又點只李鴻章？
十三，講返咸豐年嘅事：其實由1842年簽《南京條約》到1858年《天津條約》，再到1860年英法聯軍燒毀圓明園，其實清帝國同洋人唔算敵對，甚至乎應該話，當時唔係有洋人協助，清帝國可能早就被太平天國打到失去半壁江山。
十四，千錯萬錯，就要講返1858年《天津條約》之後咸豐皇帝反口唔認帳嘅一段歷史。話說大中華膠歷史教科書，無論點都會話《天津條約》係「不平等條約」，但無端端點解英法兩國會出兵呢？
十五，香港讀過多少書嘅知識份子，可能聽過 1856 年「亞羅號事件」。但法國籍天主教傳教士 Auguste Chapdelaine （後來被約望保祿二世封聖），1856年於廣西遇害，大家又聽過未？歷史書都話，呢兩件事引起英法聯軍打到大沽口，最終令清政府唔情願咁簽落《天津條約》。
十六，兩件事都發生於 1856年，唔係出於純粹嘅偶然。話說自 1853年太平天國攻下金陵，清帝國入面班官僚權貴將自己嘅無能同失敗，講到係洋人嘅錯；呢種仇外仇洋嘅情緒，好快成為清帝國主流權貴嘅想法。我亦唔排除兩廣地區有人因利失義，又或者借機向北京獻媚，要示忠。總之，歷史一直在重演；廿一世紀，一樣有人咁樣去諗問題。
十七，《天津條約》有幾不平等呢？其中英國嘅要求係「北京駐使、內地旅行、長江通商」。嘩，明益你啦，係咪？
十八，1859年英國駐華代表同法國駐華代表，奉命去北京簽約，順便想見下皇帝。你估下咸豐皇帝會點決定？佢叫蒙古大將僧格林沁偷襲並捉拿英法外交人員。
十九，咸豐同當時班京官抱住嘅思維，就係呢度係天朝大國，幾時到你哋班洋人說三道四。呢種口吻，係咪好熟口面？
二十，英法聯軍為咗救自己嘅外交官，就由天津打到去北京。雖然英法聯軍人數只有八千，僧格林沁部隊有三萬人；最終結果係咸豐走佬去承德避暑山莊，留低恭親王奕訢講數求和。
廿一，奕訢同英法聯軍代表講：「所有外交人員都冇事。」但唔肯放人，因為怕英法兩國唔走。點知，兩個星期後放人，39個被扣留嘅外交官，只有18人生還；當中有人被虐致死，在生嘅亦有人被打到殘廢。
廿二，英法聯軍見自己友被清帝國咁糟質，你話會唔會就咁收兵？英國部隊認為外交人員響圓明園受虐，就將呢個地方夷為平地啦。法國部隊，其實係諗住燒埋紫禁城。但最終覺得唔好禍及無辜嘅北京百姓，都係燒圓明園。而且仲要提早幾日貼晒告示；結果咩人入去搶掠搜奪奇珍異寶，你懂的。
廿三，火燒圓明園之後半年左右，咸豐就死於承德避暑山莊，終年30歲。
廿四，我成日話，今時今日北京班人同百幾年前北京班人，思維方式大同小異。重點包括：
（一）條約簽咗，轉個頭就變成「歷史文件」；
（二）國家有問題，一定係洋人靠害；
（三）學人哋個套，但其實又要學半套，仲要係冇用個半套；
（四）我哋國家嘅事，外人無權說三道四。
廿五，歷史會唔會重演？歷史唔會重演，但有一定嘅規律同模式，就正如我哋唔可能踩入同一條河兩次。不過，河水一樣係流，歷史嘅鬧劇，換下人物角色，同一個戲本，可以演完又演。師傅教落，歷史唯一嘅教訓，就係我哋從來都唔會從歷史吸取教訓。
廿六，今日中共正如當年清帝國，並唔係想同全世界為敵，亦都冇呢個條件，而且對內有大把問題未解決。你問我，中國2025，真係連洋務運動都不如。中共又借洋人嘅資本同技術，但又唔想開放市場畀外資公平競爭；加入世貿都就快廿年，好多改革，最終都冇下文。美國今次出手對付中共，我真係覺得有少少 déjà vu 嘅感覺。
廿七，更諷刺係，當年如果唔係有英國幫清帝國，清帝國早就玩完。到後來，美國亦為清帝國現代化出唔少力。庚子賠款，唔單止送返晒畀清帝國人民，除咗成立清華大學；上海嘅聖約翰大學，都係美國聖公會創立。今日班藍朋友，仲成日同人講話要讀多啲中國近代史。如果佢哋有認真讀過中國近代史，就一定唔會成日攞《南京條約》、《天津條約》同圓明園來講；因為真正嘅民族恥辱，係一班恩將仇報，是非不分嘅義和拳、藍朋友、小粉紅。
廿八，至於人權問題，宗教自由問題等，今日中共同當年滿清，同樣以為單憑武力就可以鎮壓，不過，中共同以前嘅所有統治者，從來都冇諗過，究竟長遠計代價有幾大。
廿九，1900年義和拳之亂引發八國聯軍，李鴻章、張之洞、劉坤一等以「亂命不奉偽詔」為由，勾結外國勢力實行「東南互保」，清帝國已經出現覆亡嘅先兆：對地區仕紳同武裝部隊失去絕對控制能力。失去共同利益，意味統治者失去威權。從更宏觀歷史角度分析，縱容地方武裝部隊勢力膨漲，以換取鎮壓民間嘅武力，先至係帝國覆亡最主要原因。1911年9月保路運動，各地仕紳為自身利益聯同武裝部隊起義政變，引發武昌起義嘅互動。清帝國政府唯有請求北洋新軍領袖嘅袁世凱復出；最終袁世凱亦成功促成宣統遜位。
三十，歷史上呢片土地上嘅集權統治者，只有極少案例被外族入侵者取代，平民革命雖然比較多發生，但亦唔算最常見。所謂更替規律，其實係仕紳與武裝部隊勾結奪權，時而形成割據分裂局面，各方勢力混戰後又出現集權。《三國演義》卷首「天下分久必合、合久必分」，亦應作如是觀。
最後，以上歷史分享，亦反映我對中共嘅睇法。
今日到此為止；假如你睇晒，梗係要share 畀朋友啦。
又自卑又自大 在 [閒聊] 主管自卑又自大- 看板TPC_Police - 批踢踢實業坊 的推薦與評價
拜讀了 前面前輩的文章 不管是官警鴻溝 或什麼警官搶人妻 有感而發
工作也幾年了 遇過不少個主管 有老的 也有年輕的 老的大部分都不錯 而且蠻
鼓勵 我們唸書考試 看我們就像父親看兒子 管理方面 蠻多都是基層上來的 大概也知
道基層在幹什麼 或基層想要的是什麼 管理就比較人性化一點 當然當上一個所的主管職
務 年紀偏大的 大概也可能是人生的最後一個職位 多半也想留得好名聲 跟大家相處也
不錯
年輕的主管 也有遇過好相處 大家像朋友一樣聊天 工作 沒架子 謙虛 有好官
但很少 少之又少 有些年輕的官是蠻臭屁的 耍官威 擺架子 相信各位學長姐看的比本
魯多
小魯的新主管是個年輕人 相處一段時間下來 卻沒有年輕人的好相處 反而是
處處官僚 擺個官架子
也不會體恤下屬 動不動就把處份掛在嘴上 觀察一段時間 發現對方喜歡人捧 怕底下的人
能力比他強 所以要得到歡心 就是裝笨 裝傻 處處像他請教 事事跟他報告 他就會很爽很
開心 出去大小跟民眾接觸場合 什麼座談會宣導 開場白一定要介紹這是我們新來的主管
主管就會龍心大悅 馬上掏出名片 跟對方交換 重點是基層還不能把主管風采搶走 否
則主管會記恨 偏偏有時人受歡迎 一到那個場合 婆婆媽媽都會圍上來 魯魯心想 靠別
害我阿
=.=||| 去跟所長聊天阿 去阿 最好是誇他年輕又帥 順便問他結婚沒? 他會更爽 別來找
我阿!!! 也因為主管這種自卑又自大的個性 發現單位裡 有些會送禮拍馬屁 或者是裝傻
處處事情都報備都請教主管 有時連大概生活知識 例如車沒油 去加滿油或者承辦一個
很簡單的業務做怎樣 每天都一直跟主管講一直行銷自己做了那些又那些 都要特別報告
在主管面前唯唯諾諾 就往往能得到喜歡 反而是工作能力強有績效做很多事情 考績吃乙
因為主管怕你比他強 特別是常常在看書的 他就認為你有企圖心 班就給你排很爛 讓你
沒時間看書跟休息 遇到這種主
管 還真是無奈又痛苦
最後想跟這些警大年輕的長官 說 放下你的自卑感 別因自卑而自大 動不動
就要用權力壓人 講不贏就翻臉 多點同理心 體諒別人 撐起這個工作的主力就是基層
沒有基層哪有你們 現行的制度保護你們 讓你們比別人少奮鬥20年 說穿了你們就是既得
利益者 隨著三等進警大制度 蠻多特考班的學歷又高 出過社會待過其他領域人能力
也不錯 很快的你們的優勢慢慢會衰去 甚至制度會改變 不如多跟基層打成一片 要當別
人的老大 也要有度量跟肩膀 不要只想魚肉基層 收人家的禮物 要吃要拿還要殺 人在
做天在看 不要老想交際應酬 看到民代就彎腰 就只想升官 想想警大教育給了你什麼
--
※ 發信站: 批踢踢實業坊(ptt.cc), 來自: 118.160.57.168
※ 文章網址: https://www.ptt.cc/bbs/TPC_Police/M.1436813339.A.B81.html
... <看更多>