下圖是我星期五已經收到的信息，證明早有預謀。
要了解元朗黑社會，首先要了解元朗背景、文化。
1. 班黑社會既大大佬其實就係唔同圍村既叔父，而佢地好多都有村代表身份、區議會議席，加上同民建聯相熟，有埋成個鄉議局係背後，勢力無人能阻。
2. 元朗警察局最大既警司級經常都要同呢班有各唔同「公職」身份既人開會，而佢本身以至低級少少既警察既升遷機會都好受呢班集團（村代表、鄉議局、建制派）影響。
3. 警察知法犯法的例子大家在新聞相信已見不少，但「警員吸毒」既報導相對唔多。元朗是毒品天堂，可樂（可卡因）、香水（K仔）、牛（大麻）、冰毒係元朗係有價有市，有穩定公價（市場夠大、供應及需求穩定）。古惑仔負責做零售，大大佬們負責做「PR」。吸毒既通常係咩人？工作受壓高、學歷低、同黑社會有接觸的人。低級警務人員就是例子。以我身邊人士的了解，很多警察放工後於娛樂場所都會向古惑仔「拎野」/「要野」，例如一小重量可卡因會稱為「一滴汽水」。
4. 大家都知，元朗係「全香港最黑」，其中之一個原因係圍村佬惡，連特首都搞唔到佢地，小小黑警當然敬而遠之。以我橫洲村為例，即使好多年前我因爲村問題報警，警察都要我行到去村口「帶」佢地入去。而我條村係「從來」無警察主動入過黎，我見過一次就係我報警個次。 然而，好多人誤解圍村的所有地都是私人地，這是錯的。很多圍村地地樓是用「逆權侵佔」法例去申建丁屋，而地本身是官地。村間的行人路、燈柱、很多學校、大部份未發展草叢等地都是政府土地，所以警察絕對有權巡邏。
背景
黑社會其實不過是利益團體，由於舊香港時私有產權界定不清晰，由其同村有關既鄉村勢力、土地權界定等連港英政府都無符既問題，最後都係由各村村長主持解決。 好多人唔知道香港除左有立會、區會議員選舉，仲有村代表，同原居民代表選舉。元朗警察局好多時都需要跟隨佢地既決定「協助」佢地解決村內及區內問題，因為當中好多人事關係只有佢地既傳統規則、村規則、幫派規則可以解決，而呢d規則慢慢演變成有系統既地下規則，而執法部門的制度沒有任何能力代替這些規則。 後來唔少舊式行業被淘汰，元朗既酒吧少左一大半，波樓關剩得一間、機舖都少左7成，黑社會勢力不如以往。但圍村人是很醒的，佢地早已經透過參與公職來鞏固勢力，維持控制元朗的力量。
正如前段提到，班村長就係黑社會之根源！ 佢地係利益集團，係元朗有酒吧，小巴站收數、桌球中心、一樓一等既商業利益，而元朗警察局被區議會、鄉議局、建制派騎住。 自從梁振英後，班鄉紳同政府高層有千絲萬縷關係。
另外，講到元朗警察，好多都係元朗人，元朗人當中，讀到書既入大學步步高陞，讀唔到但本身有鄉士背景既好多都考個警察。 很多人說「兵也是民」，係元朗呢個情況下可以理解為「警也是鄉民」，我說的當然只是一部份，但呢部份人足以破壞「警察中立」係元朗既情況。呢個係第三點。
加上班示威者本身係警察、黑社會、政府所仇恨既目標，當村民（黑社會龍頭們）提出要收拾佢地時，警察、政府心裡面開心都黎唔切，你打一拳我又打一拳，我地大家收一拳，散水，無人咩飛。
元朗橫洲原居民示
可樂可卡因 在 可卡因之禍害》 可樂係用黎飲 - Facebook 的推薦與評價
*可卡因俗稱「可樂」，食可樂就是吸食可卡因的意思。可卡因是一種強烈的中樞神經系統刺激物，可產生下列效果：異常歡欣的感覺、 ... ... <看更多>