關於 叱吒十大 專業推介 ，我們在網路上蒐集到這些相關的討論、資訊與評價

903專業推介叱吒十大：第4位 《Dream my Dreams》!!! 2019年頭寫既歌，係我地2020 年第一份最好既禮物🖤🖤🖤 恭喜你呀黃淑蔓 @feannasswag @vikichan 🎉🎉🎉 @mediaasiamusic 多謝903 @903music 同埋所有DJ朋友

【貼堂留言】
ff 聲畫面:
背景聲:專業推介，叱吒十大，第一位
林狗出場
林狗:每年中學放榜，大家一定會回顧娛樂圈嘅人當年會考分數，一定會有佢地3個加埋唔夠5分（觀眾尖叫），大家會取笑佢係樂壇小強，但過去一年，當大家都被人形容為小強嘅時候，作為樂壇小強嘅佢，站係小強嘅一方，對抗速龍。佢唔單止落去同小強s同在，仲揸車接放學，到今日放榜，大家一齊嚟陪佢拎成續表，佢終於成為放榜狀元（觀眾嗌到癲咗，有人大叫光復香港，有人和應時代革命）係你啦，阮民安~（觀眾大叫again ）

#903我由細聽到大 每年1月1號睇叱吒，係一種情意結。你會留意個Stage靚唔靚；你會好專心去聽歌手得獎感言；你聽DJ唱票時會緊張；你睇電視轉播時，會講：「頂！無線又Cut人歌」。明明邊個拎獎邊個喊，關你鬼事？不過商台Marketing功力的確叱吒一時，成功「造節」，創造一個屬於一個時代嘅「叱吒節」。

之但係，呢幾年睇叱吒，望住台上啲歌星，就好似拜年見親戚咁：「um⋯幾熟口面，不過其實唔係好識，好多名都叫唔出添，唔去？又唔係咁好嘅……係咁而去吓啦」就係咁，係咁而去吓，係咁而睇吓，大家又睇多幾年，然後鬧足幾年，然後下年叱吒會點玩，其實大家係預計到：

1：只要你聽過嘅歌，全部會入「叱吒十大」！
聽過嘅歌可能佔6首，你未必知歌名，但佢唱到時你會叫：「呀！呢隻我識！」親切感時時Up；另有一至兩首歌，你好似有啲印象；剩低嘅係你聽都未聽過。好唔好聽…叫得「專業推介」，你覺得唔好聽？音樂嘅嘢，你識啲咩。

2：一定會有雞蛋
有白就有黑；有光就有影；有蛋就有牆。有矛盾就點？有收視！依家全球興對立，仲要係極端對立！商台亦捉緊潮流，將歌手分為高牆同雞蛋兩派，然後雞蛋係一定會贏！今年嘅「雞蛋」係欣宜，下年呢？喂，佢做咗「女神」架啦，變成高牆啦，光環當然會掉下來，下年乖乖做「高牆」啦。

3：坤哥變返「雞蛋」
坤哥呢，上年係「雞蛋」，今年變「高牆」。不過，坤哥呀，放心，因為香港根本冇星，下年拍硬檔做返「雞蛋」。另外，相信坤哥今年一定有一首歌，以「雞蛋」做Theme。潮興真性情，咁先叫Marketing。

4：「獨立樂隊」湧出嚟
商台一向鋤強扶弱，只要你係「雞蛋」，勝算就會高過人！預期會有更多樂隊、甚至歌手宣佈「我要獨立、我有態度、我要做Indie」！

5：Eason會唱錯歌詞
每年叱吒，Eason都幾乎一定會唱錯歌詞，呢個應該係傳統嚟嘅，下年相信會係一樣

6：女歌手金獎無誤
一定一定一定一定一定一定一定一定一定一定一定係容祖兒！（拎11次所以有11個一定）

7：
曾經講過，「大家就以為『香港小姐』前面加香港兩隻字，就真係代表香港」；認真便輸了，拎「叱吒十大」，唔通隻歌真係叱吒風雲咩（如果係咁，2014年「今天我」早就應該拎獎了）。

你話想知一年邊十隻歌最受歡迎？每年Moov、KKBox都有年度排名，大數據來講比小圈子「選舉」來得更精準。以前大家鐘意睇叱吒，係因為商台好識Sell，Sell到大家可以喺電視睇到歌手罕有嘅「真性情」；今時今日，歌手要賣「真性情」，FB、IG自已都識「造」，而且來得貼地。

所以呢，叱吒頒獎禮早已變成一個純粹嘅情意結，仲會睇，好多時都係出於咁嘅心情：「係咁而，都睇吓啦」。

By千頌C@堆填區