關於 右面冇人住猜三個字 ，我們在網路上蒐集到這些相關的討論、資訊與評價

《無異之局》荒村異聞（七）
　　
你哋嘅一個 LIKE 同 SHARE，絕對可以加快連載速度喔～！
　
＝＝＝＝下為故事＝＝＝＝
　
「哈哈哈哈，我都估到你會好快會聯絡我㗎喇。」
　
電話另一面大笑緊嘅人就係老查。雖然未見過本人，但從聲音同語氣估計佢年紀應該都有返咁上下……至少都四十歲以上吧？
　
「『惡夢島』件事完咗都唔夠一個月你就搞壇咁大嘅嘢。老弟呀老弟……我就知你份人係坐唔定，但玩到殺幫主實在係太過刺激啦。」
　
「事實上兩單嘢都唔係我搞出嚟。」無二無奈咁講。佢打俾老查嘅時候開著咗喇叭，等我可以聽到成段對話，「我只係一個被迫行動嘅受害者。」
　　
「我當然信你啦，但你要說服嘅人唔係我，而係外面四圍刮緊你嗰班城寨人。聽講『九龍』全部都有行動，睇嚟呢單野真係棘手啦。」

從呢段話，更加可以肯定「九龍」係代表住九位高手，而陸孝忠就係其中之一。
　　　
＝＝＝＝＝＝＝＝＝
另一篇長故《扮工鬥室》Patreon 連載中！歡迎訂閱支持！
https://www.patreon.com/echoofheart
　
《荒村異聞》連載中：
https://www.facebook.com/pg/Echo.of.Heart/photos/?tab=album&album_id=2067100083421797&__tn__=-UC-R
　
《惡夢島》全集：
https://www.facebook.com/pg/Echo.of.Heart/photos/?tab=album&album_id=1861298627335278
　
《極樂謊園》全集：
https://www.facebook.com/pg/Echo.of.Heart/photos/?tab=album&album_id=1736011713197304
　
【廣告】《無異之初》、《無異之地》各大書局有售！
＝＝＝＝＝＝＝＝＝
　　
「話之佢咩龍，只要唔同佢哋正面衝突就得。」無二行近玻璃窗望向酒店下方，「老查，我要一架車，記住要夠低調，五點鐘左右泊喺大廈停車場。」
　
「你打嚟之前已經幫你搵好啦，包你滿意。」
　
「另外我仲想要個『指南針』。」
　
「搵『遊魂』個款？哦……原來係咁。」老查嘅語氣好似理解到某啲嘢，「冇問題喇，小菜一碟。」
　
「同埋我想你幫我聯絡一個人──上次喺船上面同你提到負責『看門口』嗰位。」
　
看門口？感覺又係我未曾聽過嘅人物……
　
「嘩，你真係打算搵佢？」老查好意外，「你覺得佢會肯幫手咩？」
　
「試下冇壞，當然情況唔係太差我都唔會行呢一步。你就同佢交代聲，話我可能會搵佢。」
　
「最衰你係俾人追殺，唔係我真係好有興趣睇晒全程發展。老弟，記住連埋今次你已經差我三次人情……」
　
「得喇，今次死唔去一定還俾你。」
　
「死？哈哈，唔好講笑喇，如果『城寨幫』班人真係清楚自己面對緊邊個……換轉係我早就買定機票走佬，冇一年半載都唔返嚟。」
　
「你咁講又太過侮辱人，至少我聽返嚟佢哋班人係好重情義……」
　
「我都重呀，但情義同條命二揀一我就肯定會揀後者。就咁喇，五點鐘，大廈停車場，鎖匙位置照舊。」
　
通話結束後，無二隨即轉身望過嚟，然後注意到我都拎住電話。
　
「睇你個樣，你應該係想打俾你女友？」無二猜測咁問。
　　
「嗯，」我點頭，「除咗如初，仲有我爸同熊哥，我驚佢哋會有事……」
　
「呢層你應該可以放心，『城寨幫』班人最鍾意講乜鬼仁義道德。而且冤有頭債有主，照計唔會用你親人嚟威脅我哋。」
　
應該──聽到呢兩個字我始終係唔放心。
　
「但監視同監聽就肯定走唔甩，所以你聯絡佢哋反而係更危險，隨時會曝露我哋嘅位置。」
　
「咁點解你同老查……」
　
「我哋合作咗咁多年，自然有一套安全嘅聯絡方式。」無二收好部電話再講落去：「聰，我知你係擔心佢哋，但魯莽行動有時係會帶嚟反效果。我哋而家唯一可以做嘅，就係盡快搵出真相再解開誤會。」
　
「但你話要等到五點……」
　
「冇計呀，遊魂就係要夜晚先出沒，我哋早去都係白等。」無二講完即刻躺喺床上面合埋雙眼休息，「趁有時間就抖下喇，之後就未必再有咁嘅機會。肚餓嘅話，電視下面個櫃應該有餅同杯麵。」
　
我聽完坐喺另一張床上面。換轉係平日呢個時間九成已經肚餓，但呢刻卻係完全冇胃口。可以嘅話，我真係想即刻趕去如初屋企，然後同佢有咁遠走咁遠，避開呢一切……
　
「如果你真係唔死心，一陣攞完車大可以兜去如初屋企樓下，睇下有冇事發生過。」
　
我考慮咗幾秒，最後係理性戰勝咗感情，搖搖頭回應：「都係照你做法……盡快解開誤會。」
　
「你識咁諗就好。」無二微笑道。
　
「頭先……」我想趁佢瞓著之前解開內心嘅疑問：「白老闆臨走前都提到如初……」
　
「嗯。」佢簡短咁回應。
　
「嗰陣我突然有個諗法，白老闆又係姓白，然後成件事又同『白湖村』有關……到底係咁啱定係所有嘢真係有關連？」
　
無二並冇回應，我仲隱約可以聽到好細嘅鼻鼾聲，睇嚟……呢啲疑問又只可以等到之後先得到答案。
　
*
　
時間一轉去到五點鐘，呢刻我同無二已經離開安全室，嚟到酒店附近嘅大廈停車場。
　
「呢個老查真係識玩。」無二盯住面前嘅一部的士，「好揀唔揀揀部的士，真係夠晒『低調』。」
　
佢喺前排右邊車轆嘅內側搵到老查留低嘅鎖匙。上到車，可以聞到車廂裡面有陣好似「貓屎」咁嘅氣味。
　
「『指南針』，有。」無二喺車頭搵到一個指南針，隨即向後遞俾我，「阿聰，呢個一陣就等你用。」
　
「吓？」我接上手，睇落同一般指南針冇咩分別。
　
「放心，呢段路我會教你點用……最後機會喇，兜唔兜去如初屋企？」
　
「唔洗。」我拎起電話一望，只要見到如初嘅最後上線時間有所改變，咁就已經足夠安心了，「直接去搵岳少。」
　
「好，」無二踩實油門開車，「關於指南針嘅用法、仲有一陣可能會面對嘅情況，你要認真聽清楚喇。」
　
可能係因為想「低調」，所以呢程車無二揸得特別穩陣，速度亦比起平時慢得多。而揸到半路，我注意到外面嘅景象突然變得好熟口面……
　
「呢條山路……咪我喺遊魂小巴嗰陣行過嗰條囉？」
　
因為當時係夜晚，而呢刻係黃昏，所以我先會咁遲先意識到。但嗰晚喺小巴上面發生過嘅事……我真係到而家都仲係歷歷在目。
　
「嗯，『白湖村』正正就喺呢座山嘅中心位置。」
　
「咪住先……」聽到呢度，我又忍唔住想追問了，「無二，其實我頭先都有問過，但你瞓著咗……」
　
「阿聰，我就直接講喇……你而家內心入面所有疑問，我都係唔會回應住。」
　
「吓？點解……」
　
「因為凡事都要做好最壞打算。」無二從倒後鏡望向我，「我唔想講太多嚇親你，但假如真係唔好彩發生『某種情況』，你到時就會明我點解會咁做。」
　
我當然聽到一頭霧水……到底，所謂嘅「情況」係確實存在，定只係佢作出嚟迴避問題？
　
無二搵咗個位停低架的士後。見天色已黑，我哋開始沿住石路行上山，過程我一直盯住手上嘅指南針。根據無二頭先嘅解說，只要附近出現「遊魂」，紅針就會指向佢出現嘅位置……但行咗大半個鐘都係冇任何反應。
　
終於，我哋行完一段上山路，穿過樹林之後，眼前係一片平坦嘅草地。面積至少有兩個足球場咁大……正常情況下，呢個地方應該非常值得露營野餐睇星。但呢刻，我卻有種寒到刺骨嘅感覺……
　
……而正正喺呢一瞬間，我注意到手上嘅指南針開始有反應了。
　
「呢度就係『白湖村』嘅外圍。」無二解釋：「既然只係兩三日嘅事，咁凌永岳嘅遊魂照計應該走唔遠……」
　
「人都已經殺咗，估唔到你會連靈魂都唔放過。」突然一把女聲喺左手邊嘅樹林傳過嚟，「果然係兇殘成性。」
　
我反應過嚟即刻拎出「萬化紙」……果然俾無二講中，有城寨人埋伏喺呢度等我哋出現。
　
「小姐，妳呢種誇獎我係完全唔會接受。」無二望住聲音傳嚟嘅方向，「而且我剩係對人有興趣……不如妳現身俾我睇下？」
　
「輕挑又自大……凌少爺點可能會死喺你呢種人手上？」
　
咦……？明明係同一把女聲回應，但今次卻係喺右手邊傳出嚟？
　
「嗱，妳講中咗重點喇，妳哋嘅幫主的確唔係我殺。」雖然情況好詭異，但無二依然係不慌不亂，「聰，唔好皺眉喇……佢哋總共有兩個人。」
　
我聽完即刻恍然大悟……就喺下一刻，我注意到右邊亮起一道火光，隨即有個高而且纖瘦嘅身影喺樹林裡面走出嚟。而同一時間，左手邊都出現另一個……佢哋都著住相同黑色嘅緊身運動服，唔單止咁，連髮型樣貌都係一模一樣……
　
如果唔係分身，咁即係佢哋係雙胞胎？
　
「燕，好彩我嘅預感冇錯……佢哋真係返嚟呢度。」右邊嘅女人講，佢手上拎住一個黑色嘅燭台。
　
「嗯，蝶……我哋今日一定要手刃仇人，幫少爺報仇。」左邊嘅女人回應。
　
既然講得出呢句，咁接住落嚟肯定唔會發生乜嘢好事。下一刻，佢哋同時拎出一枝手電筒尺寸嘅「黑棍」，然後用力向下揮出接近半米長猶如針一樣嘅短劍。
　
「聰，照我喺車上面講咁做……等我嚟頂住佢哋。」無二細細聲同我講：「行喇！」
　
「嗯。」我一聽完即刻拔腿跑，目標當然係搵出岳少嘅「遊魂」。
　
「你即係睇少我哋？」其中一把女聲回應。
　
「唔係呀，只係好少有機會可以玩一王兩后，咪趁今次享受下……」
　
「你呢個淫賊！」
　
雖然呢刻指南針喺度不斷咁旋轉，證明附近遊魂嘅數量有好多。但只要細心睇，就會注意到有兩個位置係紅針零零舍舍會停低一瞬間（半秒左右）……即係呢兩個方向，有兩個生前能量特別大嘅「遊魂」。
　
而岳少，肯定係其中一個。
　
諗到呢度，我突然感到右手嘅「赤染」傳嚟一下熾熱感，即刻反射性咁停低腳步……接住一聲「啾」，一陣刺痛嘅風從我旁邊迅速飛過。我都未知發生咩事，旁邊嘅一棵樹就發出「啪」一聲，然後有件硬物落地……
　
「唔好望啦！係暗器！」無二大嗌，下秒一腳掃低面前嘅女人，「喂，妳細妹打輸啦……妳仲好意思分心對付我助手？」
　
「蝶！」本來距離我較近嘅燕即刻回頭，扶起細妹之後即刻聯手對無二展開攻勢，但全部俾無二避開……
　
睇嚟，佢應該係冇問題……
　
我重新回頭，雖然眼前一遍漆黑，但我嘅目標卻係無比咁清晰。
　
　
（待續）
　
　
下集暫定星期四五。
　
Patreon 已經正式開始有連載啦！長篇故事係《扮工鬥室》、集歡樂、恐怖、愛情於一身……會更加似我以前嘅風格，希望大家多多訂閱支持！
https://www.patreon.com/echoofheart
　
第一集（試閱）：
https://www.facebook.com/Echo.of.Heart/posts/2085452518253220?__tn__=K-R
第二集（試閱）：
https://www.facebook.com/Echo.of.Heart/posts/2091293244335814?__tn__=K-R
　
　
－－－－－－－－－－－－－－－－
　
【地方的無默媽資助計劃】（試行中）
　
近年作者生存空間越收越窄，大眾結業更加似係雪上加霜。所以推出資助計劃，希望各位可以直接課金支持。計劃並唔係強制性，一蚊可以，想繼續免費睇亦無妨，有心就可。
　
Payme 連結：
https://payme.hsbc/echoofheart
　
轉數快 FPS ID：6065460
　
計畫緣由及詳細內容：
https://bit.ly/39b5Fuw
　
－－－－－－－－－－－－－－－－－
　
IG：echoofheart

冬陽灑滿草地，兩個小朋友在你追我逐；正確點說，是男的在逃跑。

胖嘟嘟的他跑了半天，終於投降，喘著氣說：「你唔好再追我得唔得呀，我點都唔會畀個雪糕你食㗎。」

女的其實也追到氣咳了，彎著腰摸著膝蓋說：「我都係想食一啖啫，冬天食咁多雪糕凍死你呀。」

「我就係鍾意凍上加凍，」男的說完再大啖一口，然後得意地放聲大笑。

雖然只是年紀少少，但她沒有被憤怒沖昏頭腦。冷靜籌謀的她，向他的鞋子瞟了一眼之後便看到機會。

「你甩咗鞋帶呀，我幫你拎住個雪糕，你綁鞋帶先啦。」

「你當我傻㗎？畀咗你，仲有得剩？」

「應承你唔食喇，如果我反口，我叫我爸爸媽媽買多兩個雪糕畀你。」

四個大人聽到女孩子的承諾，異口同聲對著男孩說：「我哋幫你做證。」

就算給她吃了雪糕，還可以賺多兩個，於是男孩高興地把甜筒放在女孩手裏，然後安心地蹲下來綁鞋帶。

待他一蹲下來，女孩便把倒轉了的甜筒狠狠地插在男孩頭上，還好像磨墨般在他頭上打了兩個圈。女孩蹲下來說：「陳家輝，你咁鍾意凍上加凍，而家夠唔夠凍呀？」

「方小玲！」男孩尖叫。

四位父母站在在後面哭笑不得，其中一位還趁機拍了一張照片：兩個蹲下來的小孩，一個大哭，一個大笑，出奇地溫馨。

童年時期的一對冤家，因為男孩舉家要去英國而分隔異地。直到十年後，男孩的爸爸被調回來香港工作，兩家人又再見面。

重聚的飯局安排在一家舊式上海餐館裏，從前兩小無猜的陳家輝和方小玲，如今變成了熟悉的陌生人。

陳家輝多次忍不住偷望方小玲，每次一旦被發現，眼睛便會急速逃離，然後很快又再向她瞟過去。方小玲的眼神有點不悅，讓陳家輝有點氣餒，但其實伊人之所以不自覺地板起面孔，是因為對方連跟自己說句話的勇氣也沒有。

兩位摩登的少男少女與上海粗炒和紅燒獅子頭顯得格格不入，卻靜靜地享受著雙方父母在聊天的過程中，談及到十年間彼此的一些成長片段。兩人都不用說什麼，已經好像坐上了一列回到過去的成長火車一樣，欣賞著對方欣賞過的風景。

「你睇，」陳家輝的爸爸說，「我仲 keep 住呢張相呀。」

照片裏是兩個小孩，一個在大哭，一個在大笑。

「喂，老豆呀！」陳家輝面紅耳熱地嚷著，「畀吓面得唔得啫？收埋佢啦。」

「呢張係我專登曬多張畀佢哋嘅，人哋鍾意收埋就收埋，鍾意派街坊就派街坊。」

飯局在一片笑聲中完結，陳家輝到最後還是一句話都沒有對她說，幸好世界上有樣東西叫面書。

找到對方的面書，陳家輝發了一張甜筒的照片過去，再附上一句：「可唔可以畀個機會我報仇？」

方小玲的回答，是不經意的挑逗：「你會咁狠心？」

信心大增，陳家輝回答：「畀我請你食餐飯，我可以既往不咎。」

想不到兩隻闊別十載的花蝴蝶，再度相逢便已轉世為情人。

年少浪漫的愛情，就像深夜裏的一團火，燃燒起來的時候總是特別耀眼，而有時候就是耀眼得連兩位當局者也忘記了，在愛情的縫隙裏，總有一些盲點是大家還沒注意到，而一旦浮現起來便可以是世界末日似的。

是什麼盲點並不重要，反正彼此都是衝動地走在一起，而更衝動地離開了對方。想念歸想念，在「面子」兩個字面前，愛情還真是微不足道。放不低自己，便不會再有轉彎的餘地。

然後是很多年後的一天。

雖然已經是十多年前的 puppy love，但她在螢光幕上看到他的樣子，還是有一點點不知所措，不過專業的她仍然是一臉鎮定的表情。

「陳生，有啲咩唔舒服？」方小玲醫生是陳家輝的視像診症醫生。

「知道你兩年前結咗婚，個心好唔舒服。」陳家輝很想這樣回答，但最後他還是正經地說：「肚屙，有少少發燒。」

「幾時開始屙？」

「兩三日前左右。」

經過一輪診斷，方醫生說：「應該係腸胃炎，我開啲消炎藥同抗生素畀你。下次有唔舒服，唔好拖成兩三日先睇醫生喇。」

「我都唔想拖咁耐，保柏話其他醫生都得閒，但你最快要等到今日。」

方醫生又有點不知所措，九唔搭八說：「你...... 你有發燒，要唔要開埋退燒藥？」

「唔使，我有個秘方，一用就乜燒都冇，唔使退燒藥。」

聽他這樣一說，她不禁好奇起來：「乜嘢秘方？」

「你等等。」

他馬上走開了，然後又很快回來，手上拿著一件東西似的。

是一個甜筒。

他把倒轉了的甜筒狠狠地插在自己頭上，還好像磨墨般在頭上打了兩個圈。

藥物能夠除病，醫生可以醫人，但心靈上的傷口，永遠只能自療。

===============

由即日起，只要您是保柏會員並享有網絡門診保障及持有合資格的醫療卡，您便可使用保柏提供的「視像診症服務」。只需致電指定專線(852) 8208 3628，便可進行預約，並安坐家中以視像電話方式讓他們特選的醫生為您進行診症，其後他們更會把藥物送到府中。於2020年7月17日至2020年12月31之特別保障期間，我們將會豁免港幣50元之藥物運費。詳情可瀏覽: https://bit.ly/35lU65D

［科企CEO歧視鏈］添曲皮猜之類，打工仔嚟咋，身家係小朱光頭佬一個零頭都冇—不過又同時富有過堆議員好多。堆議員？在香港都只係普通中產。甚至唔係上級中產

話時話，呢排記得keep 住like and share，主動入嚟睇，同埋設定做see first．真係搵食艱難。但感激大家，Keep住做，呢排啲Reach係好返好多的，但唔好鬆懈。一個都不能少呀

TLDR：打NBA嘅頂多只係小富，班主先係富豪。同樣地，CEO只係小富，除非自己係大股東。

1. 上星期四大科企巨頭齊齊在聽證會畀人盤問，可惜疫情關係要用Webex，亞馬遜光頭佬Jeff Bezos更加斷線90分鐘，「我覺得特登嘅，同佢做人做生意作風一樣咁狗」。如果係現場嘅，更加震憾。例如上次Facebook小朱 Mark Zuckerberg 大戰光明頂，睇硬照都一流，絶對係雖千萬人吾往矣（https://bit.ly/3k8N09y），一夫當關，萬夫莫敵般莫迪。當時我就睇好股價，事實證明我果然係……好彩。

2. 同場加映，成堆議員，其實都係廢老，對現實同科技脫節程度，應該勁過香港。例如著名嘅Senator, we run ads，（https://ggle.io/3IDo）。議員問小朱，到底你檔嘢，唔收錢，點維皮？明顯呀議員係冇睇過免費電視的。建議下次不如叫Virgin Galactic 嚟問（呢檔嘢有新搞作，夠多人留言我就寫）

3. 至於今次聽證書，議員啲發言水平，好似改善咗啲，應該上次畀人恥笑得多，返去有人做功課。但我想講嘅係，今次集齊科企四大天王，真係極之難得。諗真啲？地球上人類歷史上最有錢嗰幾間公司全部嚟畀你插，幾爽。諗下入面坐咗幾多富豪幾多財富？

4. 就公司層面，市值，四間都去到以Trillion美金計，萬億。最細嘅Facebook其實未夠一萬億，7000億。Google（Alphabet）剛好10000億。亞馬遜16000億。蘋果？19000億。自己慢慢計。但寫過了，一間蘋果，年頭時市值已經畀德國DAX指數成份股30間加埋更加值錢（https://fbook.cc/3DRF）。同樣地，一間亞馬遜，亦都大過韓國成個股市嘅市值（有機會寫）。而德國係全球第四大經濟體系，韓國係第十大（＊），兩個國家都有一定嘅科技實力。香港？我想像唔到，可能相等於四大地產商畀你齊齊召去輪，但財富同影響力仲爭好遠。可能大陸啲乜乜科技論壇會似啲。

5. 如果講人呢？巴閉咯。全球首富喎，More money than God嘅光頭佬都有份。唔止，排第三嘅之唔係小朱（https://fbook.cc/3DRD）

6. 丫，做乜漏咗第二個？第二個正係標基。標基一早退落嚟，唔grill佢好合理，況且，廿年前咪grill過咯（而佢同微軟仲係咁有錢！）。第五位咪正係微軟第二任CEO，NBA快艇班主Steve Ballmer。冇微軟點成事呢！但講過了，微軟例外，可能因為廿年前畀人grill過（https://fbook.cc/3DRE）。但話說回頭，而家微軟依然咁嘅市值，五大富豪榜有兩個係佢前任CEO，係咪即係當年grill得唔夠徹底？唔係應該拖佢出去grill多鑊（＊＊）?

7. Anyway，講嚟講去，都係小朱同光頭佬。另外兩位呢？

8. 睇圖！爭得遠了。蘋果嘅添Apple（侵侵專用），同Google嘅皮猜，身家？真係小朱同光頭佬嘅零頭都冇。光頭佬仲要借機消失90分鐘，真係可撚恥。換著我係添曲同皮猜都仇富呀！

9. 真的，固然呢啲身家統計多數都低估，但即係咁講。皮猜添曲之類，身家十億八億美金—在香港都仲可以算富豪，但唔係超級富豪。應該咩鞋王（黃長發啲朋友），李德義（恒豐，個新抱分身家都十幾億）不如。即係夠你窮奢極恥（特登打錯字！）左擁右抱米芝蓮餵狗Lafite做漱口水，但唔夠你權傾天下。

10. 同真超級嘅小朱光頭佬比，就更加人比人比死人。你幾億美金身家，唔夠十億，Billionaire 未夠。人地係千億身家。

11. 個類比，好似你睇NBA咁。甚麼勒邦占士 居里之類當然有錢，紙醉金迷，但只係小富。班主嗰啲先係真有錢撚。咪話800億身家嘅Steve Ballmer係班主。咁當然窮啲嘅，Mark Cuban幾十億身家都夠做。但一般打波嘅，唔會有咁身家。

12. 對，添曲皮猜，同光頭佬小朱最大分別係，添曲皮猜都只係打工仔，即係NBA啲球員。光頭佬小朱當然「都係」打工仔，但真正身份係大股東。只係靠份糧（佢兩位好似收1蚊美金）仲得了？Elon Musk嘅情況都係咁

13. 再講一次，例外嘅，只有Steve Ballmer，佢亦只係打工仔。但佢係一個好早識得標基嘅打工仔，好早拎咗8%微軟股權。咁拎住間公司8%（even 嗰時微軟只係豆豉咁大）仲係咪只係「打工仔」？

14. 呀，都未講埋，啲議員。就真係窮人了。香港做議員可以有幾多身家我唔知，「李國寶都議員」。但今次出席grill人嗰班，最富貴不過係一兩千萬美金身家，真係中產嚟咋。多數甚至係一兩百萬。有幾件負數嘅，乜料？負資產議員？不過議員啲身家，我比較有保留。唔係佢地特別奸，而係光頭佬小朱之類，絶大部份嘅身家都係上市公司，好易查證，報多報少幾層樓幾億現水濕濕碎。但議員呢啲唔係，真係報少層豪宅（即使只係美國樓）都爭好遠。

15. 更吹脹嘅係，一完咗聽證會，四大科企出業績，小朱同光頭佬嘅身家，又多一百幾十億！

16. 更正嘅係，光頭佬之前已經離婚分咗身家，依然係首富。都算。佢前妻分咗佢啲身家，而家都在13位，到佢打入十大又出篇文先。

17. 所以呢，真係社會不公義。重覆一次：我志願係做個普通有錢人，然後同你地一齊去仇視啲超級富豪。大家一齊努力。

（＊）呢度當然係講籮綿奴，唔係計及物價嘅PPP。好簡單，股票係籮綿奴，市值亦都係。蘋果to….德國。

（＊＊）令我諗起《上海灘賭聖》，「做乜呢個太監咁多鬚根，一定係閹得唔乾淨，人嚟，拖佢出去閹多鑊」（https://ggle.io/3IE7，12分鐘）

————————————————————————————————
最新收費影片：第一次推介跑贏大市，同你回顧檢討下。仲有新推介。40分鐘，都係賣返$80

簡介及以前嘅片（未睇可訂）：https://bit.ly/3iYMD0F
報名嘅，課程編號CC006：https://bit.ly/3eXVX1K
報完名交咗錢，呢度log in：https://bit.ly/3gYXu9e
之後按最頂「按此觀看」就得
仲搞唔掂嘅，睇埋下面，或者搵客服，或者PM我。
-------------------------------------------------------------------------------
【最新李聲揚收費影片】題目:　回顧第一段專欄片有幾勁！今段落多幾個Number賺死你！40分鐘，都係賣返$80

影片/課程編號：CC006
播放平台：https://homebloggerhk.com/web-class-player/
付款及收看步驟：
1/點擊報名收看 [影片/課程編號：CC006]
2/利用信用卡網上付款
3/及後有登入資料可以立即收看
查詢：whatsapp 63832145