【珍惜愛護小動物】
唔洗學校教嘅，社會環境一樣可以
講養魚，香港金魚街有錢就乜都有，但從來唔會有人過問客人識唔識照顧。响英國就啱啱相反，咪講話貓狗田鼠，那管係呢啲咁普通粗生嘅熱帶魚仔，法律上都有飼養要求。其實呢啲就係就係一種教育（尤其是對小朋友），先要有心理同知識嘅準備，才懂得珍惜愛護照顧小動物。
呢三條金魚街十蚊幾條嘅Guppy，「西妹」想養好耐。但由決定比佢養，買魚缸到揀魚，佢足足等咗八日有多，空缸換咗兩次水，鋪頭個姐姐先肯賣比佢。好彩佢老豆，做仔嗰時都叫玩過下養水草同熱帶魚，如果唔係「西妹」呢個希望恐怕要等一兩個星期。
首先魚缸嘅大細，已經決定咗可以養幾多條，因為太迫係唔人道嘅（人一樣？！）。咪諗住買咗魚缸，比錢順便揀埋魚咁開心呀？程序係先諗定養咩種類，然後返屋企「養水」調好酸鹼值同溫度水質。等幾日水質穩定，再帶些少水去鋪頭驗，確定水質適合先可以揀魚。無錯喇，阿女，魚嘅命都係命，唔係玩具鐘意就買，係要學識珍惜同尊重佢地嘅生態同生命嘅。
唔好問我英國嘅教育同香港有乜唔同，學校教育嗰啲無謂講，就係呢啲生活細節，睇黎答案都好明顯？
#尊重生命
#由此學起
#金魚街
#染色螢光魚
#油畫巴西龜
#同魚唔同命
#同人唔同命
同魚唔同命 在 阿香#黑格與#斑頭 常有客人問腦闆 - Facebook 的推薦與評價
很重要所以說三次~ 人客啊，吳郭魚一斤$30元，黑格一斤兩百多元，同科 不同命 ... ... <看更多>