關於 呢度d餐廳真係好好食 ，我們在網路上蒐集到這些相關的討論、資訊與評價

係呢個地方，你永遠唔會感到沉悶
🍕🍲🍜🍱🍫🎂🍧🍪🍻🍹🍷🥃
我地兩個成日都會係度揾嘢食
.
#呢度D餐廳真係好好食
#係我飯堂
#LKFSummerJourney
#LanKwaiFong
#LKF
#nlife
#NT

#口業 #膠面 #膠面 #軟飯 #botox #娱乐01 #即時娛樂
駙馬3條KING
Hello大家好, 我係阿Tsar, 今日又爆獨家消息畀大家聽下
我阿Tsar出嚟行走漿糊, 又點只識得一個娛樂圈嘅朋友呀
今日要講呢三位主人翁，唔係全部負評嚟嘅，

頭嗰兩位駙馬值得讚，最後嗰位係最近熱門新聞人物,

就係最近畀人話佢膠面、醜男 、食軟飯嗰位 。

因為我有朋友喺佢上年嘅豪宅註冊在場其中一位賓客

為咗保護證人 ，我當然唔會話畀你哋聽佢係咩身份呀

首先講第一位先啦，好早期喺”嫁”咗畀個有錢女

我用個”嫁”字, 大家都明，唔需要再詳細解釋

雖然呢位男藝員一路畀人話佢食軟飯，但係佢從來都冇回應過

更加唔會好似我將要講嘅第三位男藝員咁, hashtag口業 去鬧人

第一位男藝員, 從來冇必要向外人去澄清自己對太太嘅愛

呢啲人就係聰明 ，而且 有修養 ，時間就可以證明一切啦 ，

使乜同你解釋”膠面”就係因為用咗半日時間去做gym啫

而且第一條King個太太貴為一位大家族後人, 為人一向都低調

佢太太從來都對傳媒講係個女仔追個男仔嘅 ，

我自己都好喜歡呢一位男藝員 ，因為佢做戲好好睇好好笑

而且佢太太同一位空姐係閨蜜嚟㗎，嗰位男藝員仲同呢位空姐嘅老公夾份做生意

合資開設食肆， 生意都做得唔錯㗎 ，佢靠自己都搵到兩餐

而且佢太太同佢從來都冇炫富，喺佢哋嘅朋友圈子之中

呢對夫婦咁多年嚟都係模範夫妻，呢位男藝員亦都從來未喺娛樂圈傳歌任何嘅緋聞

雖然佢未遇到呢位女之前，曾經有過一段婚姻

但係我覺得呢啲好正常啫，合則來不合則去

而且亦都唔係咩偷食，咁所以我覺得呢位男藝員呀係值得備受尊重

第二位男藝員被譽為「5億駙馬」， 我傳媒嘅朋友亦都對佢讚不絕口

曾經有記者問過佢，有關人哋稱呼佢食完飯有啲咩回應 ，佢答得好大方得體

：「我就算照顧老婆綽綽有餘，都唔會將我跟外父外母的身家比較，

我希望努力追趕，有一天能有錢過他們啦！」

我傳媒嘅朋友亦都話佢任何人都好好禮貌好客氣，而且為人好低調，佢外父曾經建議叫佢住間豪宅，但係呢位男藝員好有骨氣，同太太繼續住喺佢平時著開嗰間村屋，結婚之後，都係同老婆去排隊食啲平民嘅壽司餐廳，咁其實我又覺得 ，如果大部分女人都希望搵個有依靠嘅男人 ，咁如果一個男人真係愛上一個有錢女都唔係罪。

來到戲肉喇，我講第三位駙馬畀大家聽下, 當晚佢哋喺豪宅嘅私人會所註冊結婚嘅時候，我朋友在場，見到來賓好多都係送上橙色一盒盒嘅名貴手袋，大家都知道係咩牌子啦, 諗都諗到唔係送入門版咁低手啦, 即使送一個幾十萬嘅賀禮，喺上流社會嘅社交禮尚往來，幾十萬嘅賀禮好閒㗎咋，點解呢？平時同你傾生意，如果有利益輸送，分分鐘畀人話貪污，但係趁住呢啲大喜日子，大手筆小小，其實係我哋啲普通市民覺得係大手筆啫，上流社會如果關係搞好啲，下次傾起生意上嚟，分分鐘賺到過千萬甚至幾嗰億都有。

又講返當晚嘅事件啦，新娘子喺宣誓嘅時候，喊到豬頭咁，好感動，男嗰個就冇乜嘢呀，係人都睇得出個女仔好鍾意個男仔 。其實嗰晚都 冇乜嘢特別呀，好似一般有錢人搞event咁啫。

不過我對於呢位膠面男最近喺ig嘅回應，有少少意見畀佢，佢點樣回應呢件事呢？上半段講佢點樣”努力工作賺錢去照顧我老婆”, 其實唔係同我哋公眾講嘅，上半段嘅說話係同佢老婆㗎老豆講嘅，話畀佢聽會好好照顧佢個女，老人家睇到呢啲未放心將個女交畀你囉， 遲下都會將副身家畀埋你啦, 其實你嘅回應去到呢度已經夠 。已經好大方得體 ，但係呢條粉腸 ，下半段就係鬧啲網友嘅 ，鬧啲網友繼續話佢靠乜乜乜啦, 跟住佢就hashtag口業，下面嗰段真係非常之小家啦，over咗呀, 霞姨, 畀多個飯盒佢啦，人哋咁落力。

通常一般最top嗰啲明星, 畀人寫任何嘅負評, 都唔會回應㗎，你睇下王菲、週潤發、梁朝偉、劉德華呢啲最top嘅明星，咁多年嚟畀人寫過嘅負評，全部都唔會回應，係因為你上到咁上下神位，一定有人鍾意撩事鬥非, 睇下你點樣回應，就知道你嘅人品同埋心性，甚至你嘅智商, 所以呢啲咁top嘅明星, 身邊都有一啲好出色嘅經理人教佢哋唔好回應, 亦都可以咁講，都係因為佢哋地位非凡，覺得唔需要理會其他人點樣去批評佢，即係好似有啲人笑李嘉誠帶住隻精工錶，李嘉誠都唔會回應你班傻仔啦，佢自己本身就已經係名牌啦。

過往我嘅工作見到無數嘅有錢人 、同埋有能力嘅人 ，通常都冇好低調 ，你睇下金庸筆下所有嘅英雄大俠 ，出嚟行走江湖 ，通常都唔會隨便拔劍 ，冇必要嘅時候都唔會話畀人聽自己武藝高強 ，如果你話突然之間有啲無名鼠輩走去向呢啲武林高手挑機，通常啲武林高手, 彩佢都費事喇，個個都應酬咩。

By the way , 乜電視台真係咁好搵㗎咩 , 又陀飛輪, 又豪宅,我倒返轉頭要請教下你喎 。咁梗係唔係靠電視台嗰份人工啦 ，藝員搵真錢不外乎係要登台 、剪綵 、做代言人 、拍廣告 ，拍電影、去內地拍劇 ，咁樣先至真係搵到大錢㗎 ，你見阿bosco 同埋阿唱k撈得幾掂?人哋點樣寫佢哋溝女，佢哋都冇惡言相向，學下嘢啦,後生仔 。畀心機做嘢,下年做視帝都有你份呀, 不過就算你攞獎有咩表情，。即使我識得fbi閱讀人哋嘅微表情，我都睇唔到你嘅內心世界，d 透明質酸 落得重手呀，Over曬啦 。下次輕手啲啦 , 唔該 。放多啲心機練好個body啦 ，男人有皺紋 越man㗎, 你睇下三哥 幾有型 ，如果有一日我經過海底隧道 ，抬頭見到你嗰個廣告 ，咁你就成功啦 ，阿愷威 都係咁樣之後冇耐就返咗大陸拍劇, 之後成個樣都唔同曬, 佢都係從來對任何負評冇作出任何評，呢啲咪有條件做最top嗰集星囉。

你咁樣回應d負評，仲要hashtag人地口業，咁咬牙切齒去回應，咁樣證明你去做最top嘅明星仲有一大段嘅距離。學下嘢啦。





?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

燒肉放題,日式食得多,其實韓式仲好食！
尖沙咀高麗軒超好食，最正係牛肉肉質超高！
加多$68升級加拿大雪花牛,帶子,帆立貝任食
3A雪花牛,法式羊架,仲有招牌紅炆牛肋骨
午市燒肉放題任飲任食$208,小童$158
晚市由$238起,小童$188起
呢個價係尖沙咀係抵食,仲要有咁多款選擇!
落單自己寫數量,款式,之後交紙比服務生即可
訂位
https://bit.ly/3lYhJ95
會先上五色韓國前菜,即係泡菜,辣蘿蔔片等等~
一邊食住前菜就等食燒肉喇!
先上左雪花牛,一款係有醃一款係無醃既
個人比較喜歡預先調味既,甜甜地易入口
肉質更加嫩滑有彈性,兩者油花都係好平均既
入口夠嫩又夠香,值回票價一定要食多2碟
牛舌都相當不錯,有一定既厚度,食起黎爽脆

加埋燒帆立貝同帶子,肉質也不錯!

燒海鮮仲有大虎蝦,多春魚,秋刀,墨魚,青口等
最好食會推薦海蝦,魷片,同帶子
連殼去燒,唔會咁易燒焦!隔住殼去燒易控火

另外值得一提,佢D泡菜真係好好食!
五款,每一種都自己既味道!唔會單純死辣味道

平時出面韓式都係用板燒,呢度用網燒

其實網燒火力更易控制,真係燒肉,唔係煎肉
火力夠猛,煎封肉既兩面,能夠保留到肉汁
唔會咁易燒乾,當然你記得睇火喇!

唔好講笑,佢個紅炆牛肋骨湯
我地掃清,個湯極為濃郁鮮甜!!

牛肋骨上既肉都非常入味,蘿蔔片吸飽鮮味湯汁
每一樣食材都將味道發揮出黎,單賣做定食都得
5粒星推薦美食!
比較可惜最後時間唔夠試埋人參湯!
小建議,睇定餐牌想食咩款,一口氣入單
再慢慢食,唔係就會唔夠時間食咁多款主食

頭輪食牛,次輪當然試下海鮮啦!
叫左魷片同海蝦,有追加雪花牛!

配埋生菜同醬一齊食,唔會好油膩!

係度講下餐牌有咩食啦~
牛肉,牛舌,牛肋,牛仔骨,肥牛
辣五花,原味五花腩,豬排骨,豬肉,頸肉,豬扒
雞肉,紅腸,蔬菜,雞肉腸,雞翼
蛋伴生牛肉,牛肉炒什菜,海鮮煎餅,泡菜豬肉
炒年糕,辣汁炒五花,鹽燒鯖魚,韓式粉絲,蛋包蝦
人參雞湯,辣海鮮湯,韓式麵豉湯,牛骨豆腐湯
年糕湯餃,牛肋骨湯,牛尾湯,泡菜大豆湯
飯,石鍋飯,海鮮石鍋飯,鰻魚石鍋,什錦飯,炒飯
可樂,茶等任飲!

呢度最好就係唔會漏單或減你件數

你寫幾多就比幾多,所以大家食幾多就寫幾多
唔好浪費食物,呢度食物既水準都非常好

午餐幾抵食架,有機會約埋朋友黎試下啦!
主食,湯品,燒肉都咁多選擇,好過日式燒肉架

尖沙咀金巴利道46-48號地庫
LG/F, 46-48 Kimberley Road,, Tsim Sha Tsui


開飯介紹
有韓燒亦有傳統韓食的韓國餐廳，牛肉和海鮮都很新鮮。
附加資料
- 午市訂位只接受放題任食，散叫只可以walk-in，不能訂位！ - 午市提供套餐及韓式放題; 晚市只提供放題任食 - 用餐時間入座起計，三位或以下一個半小時; 四位或以上兩個小時

即刻加入Staycation HK 群組更多資訊！
https://bit.ly/33Jx85V
#Staycation
今次去既酒店係位於葵芳葵興附近既悅品酒店·荃灣
呢間酒店想黎好耐,終於搵到機會過黎,早一晚預訂,$290,雙人房,無餐飲
官網有連自助餐優惠 $440起 ,包一餐午餐或晚餐 (可轉外賣)
咁我一向好少住套票,因為想自由D,出去搵食
有巴士接送來往地鐵站,大約一小時1-2班,視乎不同時段
如果由葵興行過去,大約10-12分鐘,建議由酒店停車場直上,唔行斜路上正門
入去要CHECK體溫,登記入住3分鐘就完成手續,當時落雨,店員有比紙巾我地抹身,加分
另外要讚服務態度真係好好,我選住無煙房,佢比左2張單人床,不過可以自己拍埋佢變雙人床
空間感非常好,設計簡單,舒適自然,大玻璃可透光,採光足,望馬路都唔會嘈,隔音算唔錯
入住前見到評價話隔音差,事實上又唔係,起碼我聽唔到有人嘈
床身偏硬有彈性,枕頭軟,整體睡眠體驗唔錯,充電位足夠,放行李都夠位
有夾萬,小雪櫃,獨立沖涼空間,係去水比較嘈,關埋洗手間門就OK了
樓下有餐廳,有健身室
巴士班次係官網有提供
https://www.hotelcozi.com/oasis/zh-tw/stay-and-dine?
附近係屋村,行幾分鐘有便利店同麥當奴,光輝圍都好多野食~

悅品酒店·荃灣
香港葵涌青山公路葵涌段443號
#今晚瞓酒店 #今晚住酒店 #酒店VLOG #酒店BLOG #住酒店 #酒店介紹
#悅品酒店 #荃灣酒店 #悅品酒店荃灣 #酒店推薦 #香港酒店 #林公子 #香港住酒店
#香港住宿 #HKBLOGGER #HKHOTEL #HotelCOZi