🎂蠔灣 (水星街)
🔍天后水星街28號耀星華庭地下1號舖
-----
好友生日，本來相約收工之後去天后食蠔食海鮮，點知黎到餐廳之後，佢臨時要加班放我大飛機🥲，所以24孝朋友仔我唯有直接外賣個海鮮拼盤抬上佢屋企陪佢加班。（其實可以預訂送貨，不過由於我已經喺餐廳嘅關係......）
呢間餐廳嘅海鮮拼盤可以自行選擇內容同數量，包裝精美，裏面仲有埋燈，成個視覺效果做得唔錯，幾有慶生嘅氣氛🎊。
自選嘅海鮮入面，淨係蠔🦪嘅種類都成二十幾種，少食蠔嘅我，隨意係店家推介底下點左幾款，結果款款味道都唔錯，冇令我失望。當中個人最鍾意就係肉質爽脆，帶濃郁海水味，且餘韻甚長嘅Krystale（$42/per one）同埋Size雖然的的骰骰但非常Creamy滑溜嘅Tia Maraa Pearl ($36/per one)。
加拿大海膽（$268一板）海膽呈鮮橙色，瓣塊結實，入口細膩綿軟且甜味豐厚，入口啖啖都有種令人難以忘懷嘅幸福感，愛澱粉嘅B仔呢個moment真係好想煮返兜赤醋飯黎配下🤤。
除此之外，基本上其餘海鮮都冇令人失望，北海道帶子肉厚味甜、🐚法國珍珠螺雖較淡味但質感頗彈牙，車厘蜆肥厚無沙、而顏色晶瑩嘅法國藍蝦則結實爽口（上網search完之後先知，原來佢被譽為蝦界嘅勞斯萊斯😂，每年係有限撈獲嘅，好矜貴😛）
整體黎講，壽星仔朋友都好滿意😁，雖然要加班冇得出街食，但好在外賣水準都一樣高質新鮮👍🏻，尤其係呢段時間冇得去旅行，可以喺屋企食到多國海鮮又真係幾開心💕。
-----
👶🏻B仔整體評價：8.1/10個👍🏻
👶🏻B仔抵食程度：7.5/10個👍🏻
👶🏻B仔環境評分：外賣yo
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowtinhau
#swallowseafood @ Oyster Cove 蠔灣 (天后）
味 肉 舖 壽星 在 ［ 㕩肉舖生日優惠方案］ 若說日子在過但驚喜還是需要主動去 ... 的推薦與評價
㕩肉舖生日優惠方案］ 若說日子在過但驚喜還是需要主動去創造激起你我的用餐之心還有些許 ... 壽星生日前來「㕩肉舖PANKOKO x燒肉專門店」 慶祝用餐，三種方案不同方式：. ... <看更多>