關於 唔係又會無晒膠盒喇 ，我們在網路上蒐集到這些相關的討論、資訊與評價

早鳥優惠已完結！！謝謝支持！

2021年新年賀年糕點！早鳥優惠！早鳥優惠！🎄🎄

**早鳥優惠價的取貨日子及地點將不會更改，只限2/5-2/7**

**2/8-2/11 將會加入安排其他地點交收，但不會享有早鳥優惠價**

由12/25日起至1/1 日（以入數起計）
全單85折！全單85折！全單85折！

米家蘿蔔糕
每底重量不少於600g當中更採用日本大根和自家製日式湯底，北海道元貝。再配上甘香的臘腸和臘肉；調味料當中更絕無任何添加劑的無防腐劑。入口啖啖瑤柱絲，蘿蔔條，加上配方是多料少粉，絕對不會食再一口粉

2.薑汁年糕/椰汁年糕（限量）
每底重量不少於600g，採用傳統手搓做法，選用增城庶糖，再配以有機薑汁。薑味濃甜度適中。/新鮮椰汁！口感絕不癡牙的

3.桂花馬蹄糕（限量）
每底重量不少於600g，採用傳統手搓選選用特大粒馬蹄，清甜爽口，每啖都有粒粒的口感，全人手切粒。

交收日子：
2月5日 星期五
金鐘（18:00:18:30
中環（18:40-19:10）

2月6日星期六
元朗西鐵站（10:00-11:00）
九龍塘地鐵站（14:00-16:00）

2月7日星期日
荔枝角D2 place one （12:30-16:30）

**如有興趣預購請先留言「蘿蔔糕x1,2/5日九龍塘取」，價錢表會inbox 附上**

後記：如需送貨上門服務，送貨日子可另作安排喔！（運費到付）

Hohoho!!!米太祝聖誕節快樂🎄🎁🎅🎁

#米太
#蘿蔔糕
#早鳥優惠
#限量優惠價
#早訂早優惠喔
#遲左訂就會訂晒
#今年要早啲預訂喔
#唔係又會無晒膠盒喇
#手搓年糕一年做一次好
#搓完真係好鬼累好鬼手軟
#食完既一定會愛上米太出品
#米家小廚房Micskitchen

隨住 5G 網絡嘅推出，三星就喺 2020 年發佈咗 Galaxy S20 系列，當中又以 Galaxy S20 Ultra 5G 最令人期待。今日就同大家做個開箱！

打開啱啱收到嘅 Galaxy S20 Ultra 5G，盒蓋有個細盒仔，好，我放埋一邊先，除咗 S20 Ultra 5G 之外，Samsung 亦都包咗一個支援快充嘅 Type-C 充電器、耳機同埋充電線。

拆開盒蓋嘅盒仔，入面就裝着原裝嘅軟膠機殼，亦都包括一支 SIM 卡針。充電線係 Type-C 去 Type-C 嘅，而 AKG 耳機亦都係 USB Type-C 頭，再包埋唔同大細嘅入耳膠。

睇睇部機先，無論拍落上一代嘅 S10+，定係今年同系列嘅 S20+，擁有 6.9 寸大 Mon 嘅 Galaxy S20 Ultra 5G 都明顯比較大部，機身右邊係音量掣同埋預設 Bixby 掣，左面就完全無任何按鈕。SIM卡位繼續放喺機頂，耳機底呢就係 Type-C 頭，上一代仲有嘅 3.5mm 耳機插頭，終於喺呢代淘汰咗喇。SIM 卡槽係用 3 選 2 嘅混合設計，不過比較失望嘅，係我早前喺東南亞試機嘅候，S20 係支援 ESIM，但係香港版呢，就無咗呢個功能。究竟係香港三星刻意收埋呢個功能，定係因為處理器版本唔同，導致冇咗呢個功能呢？暫時就不得而知喇！

如果你有睇清楚嘅話，新機嘅機面已經預先貼咗原裝嘅保護貼，官方亦都建議保護貼要用返裝，屏下指紋辨識先至可以正常操作。

今次機面用咗類似 Note10 嘅 Infinity-O 中間開孔屏幕，自拍嘅時候更自然，機背嘅鏡頭就由 S10 系列嘅中上位，搬到左上角，亦都以今年流行嘅方型排列。不過呢個鏡頭位就比較重手，加上部機大部，所以拎上手係有啲墜手，同 S10+ 完全係兩種唔同感覺。

爆咗機之後好快就收到官方嘅更新提示，由於手機喺出廠嘅時候，香港嘅 5G 頻譜未正式使用，所以機入邊嘅 5G 功能都要透過呢個更新先可以用到。更新完，如果你係處於 5G 覆蓋嘅地區，你會見到 5G 嘅圖示喇！實心嘅 5G 圖示係表示你正在使用 5G 數據， 而空心嘅圖示就係表示有 5G 覆蓋。等我隨手做過 5G 嘅測試先，發現速度同埋時延都比 4.5G 有好大嘅改進，下載喺大部份時間都以百 mbps 計！關於更多 5G 嘅測試，大家可以參考我哋先前嘅節目！

屏幕預設嘅解像度達到 3200 x 1400 像素，你亦都可以將更新率由 60Hz 提升到 120Hz，雖然喺解像度方面有所犧牲，但係喺樓暢度就有明顯嘅提升，就算快速滾動選單都一樣冇殘影，相信用嚟打機，效果就會更加明顯喇。

Galaxy S20 Ultra 5G 用 S865 處理器配合 12GB Ram，預載 Android 10 配合 Samsung OneUI 2.1 介面。我都好欣賞 Samsung 喺 OneUI 所落嘅功夫，改良咗嘅分屏 split-Screen 功能，配合呢部機就相當流暢同實用！有時我哋打住短訊或者覆緊 Email，又想留意住最新嘅新聞直播，同一時間又要上網摷資料 Paste 番落去個 Email，S20 Ultra 5G 就可以一個畫面做晒，唔使好似傳統電話咁㩒嚟㩒去，而且仲非常流暢，真係要俾個 like 佢喇！

今次 Galaxy S20 Ultra 5G 仍然係配備咗超聲波屏下指紋辨識技術。經過咗舊年嘅保安事故之後，相信 Samsung 三星已經解決咗相關嘅保安問題，而辨識時間就更加比上一代稍快。

Galaxy S20 Ultra 5G 主打 1 億 800 萬像素嘅鏡頭，仲有 100 倍 Space Zoom，同埋特大光圈嘅夜拍技術，究竟效果有幾好？ 我哋下集再同大家測試！

《Z世代達人》
麥卓華

#GalaxyS20Ultra #5G #開箱

【紋紋不行了！超高效抗衰老面部護理油！】
VERSO SUPER FACIAL OIL（WITH RETINOL 8 complex: 0.06%) 7.5ml X 4支

根據嬸計處調查，普遍女人未到四十已經look like一pat爛茶渣（例子如ffx）！喂你估人人都可以keep到思嫣bb咁pure咁true，玩晒菊花咁出寫真架咩？！不要去羨慕，不要去妒忌喇，開講都有話，日防夜防，幼紋難防呀嘛！就算係完美無瑕嘅瘋瘋，都會有紋出沒注意嘅煩惱，又乾紋又幼紋又皺紋咁，總之就不用分那麼細，反正都係紋起啦！為咗繼續霸佔美魔男呢個寶號，我決定嚟個終極抗衰老油長抗爭！


油呢家嘢，夏天嚟講老子真係少掂！事關熱到站著也出汗咁嘅環境，齋聽到個油字經已唔c服！只會聯想到笠！笠！同埋笠！但若然係瑞典VERSO出品的話咁就唔同講法喇！呢盒SUPER FACIAL OIL未空降TAG Concept之前，已經得到Swedish BEAUTY & COSMETICS Awards賜賞加持，肯肯定佢抗衰老嘅超然地位！


一盒SUPER FACIAL OIL內裡有4支各7.5ml嘅抗衰老護理油，其中一支隱藏喺一個特製嘅黑色樽入面隨時候命！每用完一支就可以換支新嘅入去，確保護理油內嘅Retinol 8成分得到充分保護！


呢盒SUPER FACIAL OIL老子係由6月頭開始試用，第一次吱出嚟嘅感覺係「咦he？唔笠架喎！」由於佢係高效滲透嘅分子油，搽上面按摩半分鐘已經吸收晒，同笠可謂扯唔上關係！內裡含有濃度0.06%嘅專利成分Retinol 8，有效激活肌底自我增生更多膠原蛋白，減少細紋、皺紋同色斑，提升肌膚彈性，緊致面部輪廓。同時滋養dry到核爆嘅細胞，令肌膚重現光澤！喂仲可以抵抗外來污染源頭對皮膚嘅侵害，延緩肌膚老化添呀！


講返大家最關心嘅改善情況先！當然你咪L癲到以為用一星期就淡到跟咗你幾年嘅幼紋先得架！頭幾日用都冇乜特別情況，大約第六日面頰位置就有少少紅同甩皮，嚇到瘋瘋個心離一離呀！好彩官方有提及此乃剔走壞死細胞死皮嘅自然現象！兩個星期之後已經有firm嘅緊覺！老子啲虎紋比較任性，一唔夠瞓或者做唔夠補濕就會超明顯！但用咗三支SUPER FACIAL OIL（約7星期）之後，幼紋相信已經比佢狠狠地克制住，就算高清之下我依舊都係一條美魔男！提升效果亦相當nice時！嗱經過那些年，你可唔可以尋回那天暑假我唔知，但VERSO SUPER FACIAL OIL絕對可以幫你扭轉肌膚老已衰嘅跡象！


想知道美魔女是如何煉成的？VERSO此產品到底係tum住你先定長效改善？以及咩皮膚用大約幾時會有咩反應？請咪L捉比卡住超先，see see下面條劣質YouTube吧！


美魔女修煉成分：
Retinol 8（Retinyl retinoate）、Helianthus Annuus Seed Oil Unsaponifiables、Canola oil、Tocopheryl Acetate、Shea butter Ethyl Esters