我其實好鍾意睇yahoo新聞... 啲留言。
其實，全港大專生人數以萬計，只係一個得百零份問卷的研究，你話受訪者四成，其實都只係四十個人，能否下一個如此聳動的標題，讓大家都覺得全港四成大學生都有在校園內性交？這個標題黨的味道也太濃了吧。
抱歉，我離左題，理性討論左，我地返去呢個唔經大腦的智慧留言集先。
首先，我好鍾意睇人講大學係用黎做乜做乜，十個講得出，九個都冇讀過大學，淨低一個都唔知係邊間野雞大學的產物。讀過大學的人，理應答唔到大學係用黎做乜，因為大學係一個俾你完全自由探索自己同社會的平台，這裡不設規則，只有下限，讀書只是探索真理的基本途徑，人人做的事情都不同，邊有一個標準答案？
好，然後有人話大學宿舍唔係用黎俾人用作翻雲覆雨之地，政府等同變相資助大學生開房。我諗一諗，咦？有道理，又真係short得幾勻旬哦。咁你答我公屋有咩作用？咁依家係咪政府資助你「幹那些苟且之事」？仲要生完走黎問我地拎書簿津貼？仲有警察消防宿舍呢？家陣你係成人，大學生就唔係成人呀？咁不如玩大佢，叫創科局研究個高潮警報器，裝喺全港政府資助房屋，一偵測到你地心跳高於異常就即刻灑水兼報警好冇？
我覺得香港的年輕人越來越似農場的動物，0-22歲要狂讀書同上堂（留意返，讀書唔等同學習）22歲起要工作養家，25歲要開始求偶，30歲要有樓，35歲要完成交配並產出起碼下一頭幼畜，但唔好幻想自己有得人道毀滅。
結果？結果咪搵著我黎搞囉。你知道一年幾多囡囡搵我投訴自己男人床事好像交功課似的？如果接吻與床笫之事也是需要學習的，次次都係演技大考驗，你能旨望一個毫無經驗的純情少男為你帶來什麼驚喜？我聽得最多女人走黎搵我求救嘅係---點樣改善男士的技術。我每次教授完後，都會補一句：人地笑男人不壞女人不愛，錯了，其實壞男人本來就很可愛，只是你們說他們壞而已。
#唔係嘴對嘴就叫接吻
#唔係伸脷就叫舌吻
#控制呼吸節奏與力度再講
#Passion呀係Passion呀
#傳聞誰最壞最花心都似你般可愛
