其實一向都很抗拒跟不是太熟的人在同一個 whatsapp 群組內，但有時確是避無可避。
一直有個 group chat，是因為曾經定時在週末踢波而開的，裏面有我的朋友，更多是朋友的朋友。
去到我們這個年紀，有技術都未必有力氣了，唯獨是這位黃大仙美斯例外。
又跑得又好波，同呢位黃大仙美斯一隊實贏，而這個人也是林大輝足球隊的成員之一。
係咪未聽過乜嘢係林大輝足球隊呢？
相傳，有一班好波之人經常跟林大輝踢波，而這班人的主要工作不是扭不是傳不是射，而是擦鞋。
「林生好波！」
「林生勁抽！」
「嘩林生呢下拗腰都射到，可唔可以教下我哋？」
唔講你唔知，講咗你都未必信，原來林大輝是識入波的。
點解咁勁呢？就係好多好似黃大仙美斯呢啲人，一個扭六個，扭過埋守門員之後，就交畀企喺空門前面嘅林大輝，殘廢都識入。
「林生好波！」
張家朗奪金，林大輝揼心，個個喺 group chat 串爆大龜，而喺呢個時候，黃大仙美斯竟然忍唔住爆炸。
「你哋夠喇！林生邊有走數啫。」
然後有人用笑到喊個 emoji 問：「咁都唔係走數？」
「林生都畀咗二百五十萬出嚟啦，呢個價錢，喺柬埔寨買到十間呀！」
你啱。
又要幫林生餵波，又要幫林生解圍，層樓應該畀你。
唔係走數 在 走數是廣東話口語- TAMAGO 語言研修中心的帖子 的推薦與評價
走數 是廣東話口語，意思包括欠債不還或者違背承諾。 日本童謠裡面有一首關於許諾同走數之後嘅「罰則」，即係「勾手指尾」果陣唱嘅。 「指切りげんまん嘘ついたら針千本 ... ... <看更多>