Search
好勁呀我，好好地由南昌站返元朗，點知太快到，錯過咗元朗站，响兆康落車⋯ 一架的士都無，咁就是但上輕鐵，諗住去旺區搵的士，（弱弱地講，我人生第一次搭輕鐵）上車拍卡，去到唔知咩站見有的士龍就衝落車，原來落車都要拍卡。上到的士，男友話我知原來落車都要拍卡，咁咪車程裡面搵我好朋友google搵客戶服務熱線，長響⋯ shit!!! 平生不做虧心事嘅我，司機哥哥見我唔知點算，講咗一句，無事架，唔好擔心⋯希望係啦。🙏🏻
原本用20分鐘返屋企嘅路，又用咗45分鐘先返到屋企⋯
#天生路盲
#絕對路痴
#攪到男友擔心對不起
#我講英國返到酒店無理由香港我唔得
#報平安我最終返到屋企
#唔驚但不停笑自己相當7
#我嘅路盲缺陷點改
#仲叫我考車牌
#我唔會害人
#我相信世界只得我一個
#goodnight
唱創女歌手林二汶去年年初加盟Sony Music後推出首張專輯《初音 The Beginning of Sound》(亦足她第四張個人專輯)已於上星期五（25日）、亦即二汶生日當天正式面世，昨晚（30日）唱片公司在牛頭角「谷 Stage」為二汶舉行《林二汶 - 初音 The Beginning Of Sound 專輯發佈會》。自言以往很少舉辦新碟發佈會的二汶，昨日特別邀請歌迷在場一起欣賞新歌，部份人更由二汶出道起一直支持至今。
大會先安排播放由二汶哥哥林一峰填詞的〈解語花〉，由於「解語花」是唐明皇用來形容最愛的女人、身形圓潤的美女楊貴妃，剛好一峰家中也同樣有一位圓潤的美女，所以他就以這份歌詞來讚美這位美女。其後二汶現身，親自爆〈解語花〉是一首要逐句錄的歌，她解釋稱因為歌曲速度太快：「要達到好嘅效果，要能夠唱到好聽但又唔斷氣，真係需要逐句錄，當全首歌有20句的話，每句我唱8次先搵到一 take 好嘅，夾埋就160次，唱到後來我真係暈嘅！」二汶更直指唱live的話，幾乎是個「不可能的任務」！
話雖如此，但二汶一向尊重歌迷意見，她得知有很多歌迷在網上社交平台要求她現場唱〈解語花〉，她指自己也有認真研究有沒有方法可以滿足歌迷，她要求歌迷一起合唱，為她承擔部份歌詞，二汶更放聲氣：「將來做演唱會多啲人，就可以做呢樣嘢。」讓現場的歌迷感到很興奮。
二汶昨晚邀請了幾位好友現身為她站台，包括音樂人林家謙、組合RubberBand的 6號及與二汶合作無間的音樂人馮穎琪 (Vicky Fung) 。首先現身的林家謙談到他負責作曲的〈愛情是一種法國甜品〉的創作背景，之後在林家謙的伴奏下，與二汶首次獻唱由林家謙特別編曲的男女合唱版本的〈愛情是一種法國甜品〉。二汶的「好姊妹」6號其後上台，6號大讚二汶的新碟好聽，之後兩人合唱了〈超友誼〉。
最後現身的嘉賓是Vicky，Vicky 坦承寫〈初音〉時很有壓力，一度為題材煩惱。二汶大爆錄製〈初音〉時，採取了粵劇式的錄製方法 - 先由二汶哼出旋律，再由監製帶着那份demo到布拉格，讓一班管弦樂手聽着demo來演奏歌曲，相當花心思；而二汶亦提到錄歌是一年後的事，她指由於自己經歷了人生很大的起跌，所以連唱法都變得不同。由於〈初音〉分別有分數碼平台及大碟兩個版本，二汶乘機為新碟推銷。
提到大碟的名字，二汶解釋說：「原本有『最後的信仰』一起競爭，但最後因為『初音』嘅英文，the beginning of sound 而勝出。我會諗，點解我哋有聲音呢，因為我哋有感受，而呢隻唱歌嘅每一首歌，都係由感受而生嘅，無論係開心、感嘆、事過境遷嘅領悟都好，都係一啲非筆墨能夠形容嘅感受，而呢啲就係 the beginning of sound。」
提到今次是二汶加盟 Sony Music 後的首張專輯，她多次向有份參與製作的人致謝，她說：「呢隻係我第4隻嘅 solo 專輯，我一路都係 indie music、做自己嘅公司，能夠喺途上遇上一啲相信你嘅音樂夥伴同相信你嘅人，係一個好難得嘅相遇。」而二汶更感嘆：「做呢張專輯嘅呢兩年，我哋大家身邊嘅所有人都經歷咗好多嘢，而我好慶幸係我喺經歷好傷痛、好無奈嘅時間，我哋有音樂，而我哋有機會製作呢隻唱片，所以我要好多謝唱片公司 Sony Music 同監製、睇住我大嘅于逸堯。」二汶更坦言：「呢一隻唱片、呢8首歌係我哋做第4隻solo唱片嘅一個結晶，而呢一啲歌，到最後想送俾大家嘅，係祝大家心理愉快，好好咁活下去。」
正當二汶一臉感性地致謝辭時，ViuTV節目《全民造星》的監製「花姐」黃慧君以神秘嘉賓身份突然現身，還開玩笑叫二汶要教組合MIRROR唱歌，引得全場大笑。而大會在活動尾聲時，突然奏起生日歌及捧出蛋糕，為二汶補祝生日，壽星女驚喜又興奮，在生日蛋糕前不停擺pose，難掩興奮，還大叫「卡路里萬歲」，場面十分搞笑。
二汶的新碟推出不足一星期，已在多個數碼音樂平台的專輯流行榜奪得No.1位置，當中包括 Apple Music 及 iTunes 網上音樂平台；而〈初音〉的實體碟亦賣出好成績，其中在唱片連鎖店 CD Warehouse 亦奪得專輯銷量榜的冠軍。
