Search
［星期五講歷史］大約100年前，人類第一次發現”輻射”. 好快先進的高科技就應用喺各式各樣嘅產品, 例如輻射牙膏、輻射健康水、輻射茶葉、輻射香口膠、輻射香煙， 當時相信不但可以增進健康，殺菌，甚至可以加強香煙嘅香味同埋減低香煙嘅毒性。
有一個好出名嘅例子，就係一位美國哥爾夫球冠軍叫做Eben Byers, 高大有型, 1927一次喺火車上邊碌落床嘅意外受傷, 醫生就用咗當時最先進嘅高科技叫佢日日飲 Radithor止痛治病, 其實就係Radium溶咗喺水的高能量飲品，可以叫做鐳水。 好貴㗎，根據記錄佢最後飲咗1400支。 後來當然係重病成口啲牙甩晒頭骨都穿窿51歲死咗。
當時全世界嘅衛生當局都唔知道輻射對人體有害，曾經有監管機構檢控輻射產品，因為佢哋裏面嘅輻射含量並冇廣告上邊講到咁多（類似商品說明條例）。
發明頭先嗰支Raithor嗰個人去到1949年Cancer死之前都唔承認飲品係有害。 死咗之後20年科學家解剖佢嘅屍體，發現屍體仲係熱嘅因為體內仲有大量放射性物質正在核反應。
［盈富基金19問！］自問自答。掃盲兼101文
告個急先：本人已被炒，未訂嘅記得訂Patreon，積小成多呀。訂咗嘅可以考慮加碼（https://bityl.co/4Y0h）。一星期至少出返六篇文，今年頭五日我已出咗十篇。
廢話少講，盈富半夜要吹晒風，今朝快手交代埋。咁當然係同中移動有關。但不意外啦下話。不過來龍去脈就唔係人人知。做乜盈富基金要買中移動？明明而家就渣住晒啦，你估要日日Trade？不過日後就複雜啲，因為恒指會調整比重，同埋ETF有「增發」「贖回」
但又講開，盈富基金啫，又唔係做晶片做光刻機射火箭。有幾高技術門檻？唔買盈富，咪買第間咯。咪搵間唔係美資嘅。技術門檻好低架咋，品牌忠誠係零，都係鬥多錢，鬥平，鬥marketing．
同樣例子，你睇輪商都係。美資輪商當然發唔到中移動輪，因為買唔到正股（點解要買正股？對沖呀，你估你咁賭白頭片？）。咁但，發輪之嘛，有幾高科技？中資都識發。你發唔到中移動輪，咪去第二間。邊個輸家？
詳情，我打咗19條FAQ，自問自答。3000字。但今朝盈富基金仲創3個月高（我知下午回返，跟A股），講到尾都係跟恒指。
咁都有人講過，會有tracking error嘛。但who cares？如果覺得中移動垃圾嘅，咁呢隻恒指ex中移動仲好啦！應該更受歡迎。但如果不能接受tracking error嘅，買第間咯。
全文在Patreon（https://bityl.co/59c9）。照舊，你一訂當然睇返晒以往百九幾篇文。實情我都冇乜識人可以睇得晒。只係2020回顧加教訓我都寫咗5篇，篇篇三千幾字，仲全部係號外版。月尾覺得唔掂嘅，cut走佢咯
以下係嗰19條問題：
Q1：盈富基金乜東東？
Q2：指數ETF 是甚麼？
Q3：今次點解搞著盈富？
Q4：但點解道富要買中移動？
Q5：我仲係唔明，點解道富一早會買落中移動，而點解之後唔使買？
Q6：咁一天都光晒啦，仲有乜問題？
Q7：OK，指數比重執位我明。第二個問題呢？
Q8：咁即係對盈富基金有冇影響？影響大唔大？
Q9：咁可以點搞？
Q10：會唔會畀人告違反商品說明條例？
Q11：咁之後盈富基金會點？
Q12：道富入面點諗？
Q13：咁我買2833咪得咯！
Q14：咁咪即係送生意畀人做？
Q15：其實盈富基金有幾大？
Q16：追蹤恒指嘅ETF規模有幾大？聽講唔大？
Q17：點解追蹤恒指嘅資金咁少？
Q18：聽講話美國人唔買得盈富喎，咪好大打擊？
Q19：咁明明我啲網友話盈富會大跌大撤資喎，中移動會狂跌喎
＝＝＝＝＝＝＝＝＝＝＝＝＝＝
你嘅2020年點？我嘅2020年就幾好。Ivan Patreon，港美市場評點，專題號外，每日一圖，好文推介。每星期6篇，月費100唔使，5個月已1200人訂！（https://bityl.co/4Y0h）。月頭訂至抵，年費仲有85折，仲係睇13個月添。
［QuaterPounder vs Third Burger］
1. 舊文，故事仲要係幾十年前，其實可能我out到外太空，但我真係今日第一次聽。請諒。但至少我Fact check 咗— 即係，Google 過 （*），應該係真故事。同埋，你聽過都好，信唔信我講個故事講得好過你？
2. 故事講美國漢堡包店A&W，我都食過—留意我冇去過美國，但在日本有。應該話，只在沖繩先有，當地名物，機場，國際通，美國村都有。而日本其他地方係冇嘅。（原來馬來西亞泰國都有，冇留意）
3. 咁大家都食過麥當勞嘅QuaterPounder 足三兩，原來都唔係好耐歷史，1972年，美國人瘋狂愛上。然後80年代，A&W諗住同佢競爭，推出一個叫做third pound burger嘅嘢（姑且譯做狂歡三堡，我譯的，如果法國就叫Jean讓三堡）。
4. 然後為咗殺敵，當然要做下blind taste，食客一致認為好食過麥當勞。當然所有嘢有個價，A&W為咗一擊必殺，仲將呢個狂歡三堡定到同QuaterPounder一樣錢
5. 睇到呢度，明啦：好味啲，牛肉多過你，價錢一樣，盲嘅都識揀啦？
6. 就係唔係咯！結果呢個產品滯銷。
7. 咁至少嗰個年代，產品唔掂，咪搵獨立調查委員會，做下Fo吉屎谷咁（其實而家都好多公司係咁，可見五十年都冇進步過）。Fo吉屎谷就問啲人做乜唔買，就搵到原因啦！
8. 原因係，美國人係數學白痴。
9. 關乜事？因為佢地話：「你間仆街公司黑心賺到盡，明明少咗牛肉仲收咁貴，搵笨」
10. 係喎，美國人認為，狂歡三堡嘅牛肉，少過QuaterPounder。因為4大過3，所以quarter 多過 one third．
11. a>b，咁所以1/a > 1/b．好合理，明明做方程式都係可以咁做
12. 笑？唔好笑，我當年教書大把學生係咁。可惜當年我仲未知呢個故事
13. （當然亞洲學生冇美國咁豬，多數人嘅問題係，佢地知4>3，亦都知1/4<1/3，但去到變咗代數a同b就搞唔掂，呢個係唔著重抽象思維，乜柒都要講現實例子，唔睇rule of game，一來就想落手做題目嘅問題）
14. 後來呢，A&W重整佢地嘅行銷。接受現實：無論顧客啲數學幾屎都好，客係大晒嘅。
15. 關於足三兩再講多句，首先，發明呢個中文譯名嘅真係天才。有冇諗過點解QuaterPounder 係足三兩？因為香港（大陸唔同）一斤600克多啲，古語有云半斤八兩，一斤十六兩（有幾難明？），一兩即係38克。另一方面，一千克即係一kg，係2.2磅（細細個洗腦都知），一磅454克。所以Quarter pound，四份一磅，就係114克—就差不多係三兩！係咪好偉大呢。
16. 呀仲有，足三兩呢，當然係唔足三兩的！因為有人磅過，得100克。原來足三兩係指烹調前，所以而家會好細隻字寫埋，以免畀人靠違反商品說明條例。不過其實都有九成「實用」，好多絶大多數樓。另外啲磅海鮮呀，阿婆紙皮洒晒水呀，買蟹條水草重過隻蟹呀，買燒肉搭骨呀，坐枱唔足鐘（？）之類，全部都係本城核心價值。
17. Just in case 有人唔知，張圖出自昆奴塔輪天奴嘅危險人物（Pulp Fiction）（http://bit.ly/2RXdP3s）。呢段對白真係經典。
18. 拿，我呢篇咁嘅文，寫少句粗口，就可以變通識教材啦，跨學科學習呀。企管，行銷，數學，日本旅遊（！），電影，乜都齊呀。
19. 唔好笑呀，當年陳載澧講通識，都係講「岳飛的箭速」，計下佢幾高，拉力有幾大，三百斤弓即係而家幾多。佢呢個故事講咗廿年呀 (http://bit.ly/2RUnaZJ) ！同AE黑卡去死海撈海砂做功課一樣講足十幾廿年。（我覺得做功課去撈彌海砂正啲）
＊唔好睇少呢啲，大把人就連呢樣都懶，事實我估一半甚至七成以上嘅fake news，只要你Google下就知。但人就係懶，次次都Google 好累嘛。但我舊文寫過，你係醒嘅自然唔使次次做。有時你會特別覺得可疑。幾時？就係too good to be true嗰時。記住，假新聞係有人作出嚟，所以一定係跟住你胃口，餵你想要嘅嘢。你覺得太啱心水，可能就係假。舊文有講（http://bit.ly/32IU7w6）（http://bit.ly/2lUwktg）
