Search
一訓醒就有相收❤️
雖然影得我好唔靚😩
不過影到客人個頭好靚線條出晒黎☺️
無論髮髻頭頂定前蔭部份
每一根線條都有用心
化妝師應專注於現場細節而非攝影技巧
反正我用iPhone 怎拍都不美
請攝影師代勞好了😬
.
.
.
#有時很難理解明明髮型很一般
#加個大光圈加個filter
#啲人就覺得個頭好靚
#可能真係好靚係我唔識欣賞
#新一年繼續只做我喜愛的事
#謝謝懂我的人 .
.
📸 Cal's Photography
11月一個陽光普照的早上，雖不像盛夏般炎熱，但陽光直射下，還是會汗流浹背。兩個身影就蹲在一片草地中辛勤的收割野草，普通人或許會以為他們是園丁，但其實他們是分文不收的牛義工，在為巡查大嶼南的牛群作準備。
「有嘢食放喺度，佢哋（牛隻）就會『企定定』畀我哋記錄同埋檢查。」帶着義工工作的何來解釋說。何來是大嶼山愛護水牛協會超過10年主席，她不只愛水牛，也愛黃牛，也不只關注大嶼山的牛隻，香港其他地方的也會照料，就如缺糧得可憐的塔門牛，協會也會安排義工帶草前往餵食，而較幸運的大嶼山牛，由於糧草尚算可自給自足，放草也只是為了檢查。
何來不諱言指工作最辛苦是割草和搬草，但由於希望牛隻可食回是本地的原生植物，「要保留佢哋自然嘅本性，改變咗佢哋嘅習性就唔係保育」，所以辛苦也要堅持做，然而現時大嶼南牛隻的棲息地愈來愈少，協會也要講買牧草混合使用，「天冷無鮮草就靠呢啲，起碼佢哋有back up（補給），所以熱天都要少量保持繼續有，唔好天冷無嗰陣時唔識吃。」
糧草收集得擠滿一輛七人車，何來與義工就駕車前往牛隻的棲息地。來到有牛隻出沒的地方，何來就會使出好的本領，疾聲高呼，稍候片刻，牛群就會現身，「我去到就叫，佢哋就認得我」，何來笑着說，也指自己我與牛群的關係較似朋友，見到朋友也份外高興，「最enjoy（享受）係去到牛棲息地，牛仍然好開心，同埋見到環境係因為佢哋存在而好靚。」
何來叫朋友出來也不只是見牠們一面，指做巡查要記錄到牛隻的健康狀況，若能力許可，能幫忙的就盡量幫。何來會趁牛隻進食時拍下牠們，以了解不同族群的生活情況，見到受傷的會替牠曬藥粉，有需要的會尋求獸醫協助，「有啲牛嘅角係亂生嘅，係會生到插自己個頭，呢啲牛就要通知獸醫幫佢鋸，所以唔檢查係唔得。」
在人類生活不斷擴張下，牛的棲息地愈來愈少，巡查當中也見到不少牛隻在馬路邊行走，更有些在鑽放在垃圾站邊的垃圾袋，然而置於垃圾站的大型有蓋的垃圾桶是空的，何來批評那些胡亂丟垃圾的人，「佢哋（牛隻）搵唔夠嘢食就會鑽嗰啲垃圾袋，所以令啲牛很容易吃到垃圾。」
「牛畀咗我一個好好嘅教學，令我用牛嘅眼去睇呢個世界時，就會睇到環境同人之間嘅關係係決裂到點。」她指在鄉郊生活，牛就是我們每日見到、必須要跟牠共存的一個物種，認為人類「享受」大自然、習慣被服侍的觀念是錯的，
「去到鄉郊就係去到物種屋企，我哋去到人哋屋企，就要尊重人哋居住嘅地方。」
何來呼籲市民不要觸摸及餵牛隻，所有垃圾要帶離郊區，不要用郊區的垃圾桶，避免牛隻翻垃圾吃。她同意市民近年的環保意識愈來愈高，「睇到人嘅改變，以前我去到邊都被人用粗口問候，而家好多人都會話支持我做嘅嘢，呢個改變令我覺得欣慰」，然而負責決定政策的政府依然未變。
她指牛不是有吃的就安全，「政府將動物當環境問題管理，唔當佢哋係生命，或者係環境保育議題。」牠舉例指水牛是「濕地天使」，因為牠可締造漂亮的沼澤環境，而沼澤有很多微生物、小蟲繁殖，從而令雀鳥可以覓食，是保育上很重要的東西，但仍不斷有很多圍欄、堆填或是違法的商業行為一直在侵蝕牛的棲息地，「呢個係規劃同地政嘅範疇。」
何來認為要保護牛物種，政府要有新的主導方法去保護牠們在大自然的存活的可持續性，「我最大嘅心願係牛物種會成為香港正式保護環境政策嘅開始，呢個政策可以令香港人同香港將來可以有牛物種嘅永續。」
鬢到手指抽筋之手殘女快來看?呢個係我常用頭髮造型，但我個人覺得如果本身衣著就已經好可愛我就不建議了扎呢個頭髮，因為會太over了，呢個髮型比較適合型格或簡單嘅衣著，如果覺得平時自己既髮型好沈悶，想比人見到多啲唔同感覺既你，不妨試下呢個造型啦?
Puinam Facebook： http://www.facebook.com/puinamip/
Puinam Instagram：http://www.instagram.com/puinam/
Puinam Youtube： http://www.youtube.com/c/佩男Puinam
-----------------------------------------------------------------------------------------------------
Editor
Alf Chan
《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study
從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講：
細佬：阿哥一齊創業喇！我哋去賣梳比和尚。
阿哥： 你傻㗎，和尚個個光頭，邊度洗梳頭。
細佬： 佢哋係光頭，但佢哋都要搵食㗎！
阿哥：咁關你乜事
細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。
阿哥： 咁即係點呀？
細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。
阿哥：阿李根興咁nice，梗係唔係咁嘅意思啦。
細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。
阿哥： 細路， 善哉、善哉，係喎。
細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。
阿哥：咁點賣呀？
細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。
阿哥： 好喎，我星期日教堂有100個兄弟可以嚟幫手。
細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。
阿哥： 細佬，你係哈佛大學真係學到嘢喎。
細佬：咁好嘅「和尚賣梳」idea, 你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。
我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset 承擔責任感: What do believe 你嘅信念係乜, Have you acted on it 你行動左未, and Add Value to Others 為其他人增值.
有嘅，執行再講 Vision 願景 , Priorities 優先重點 and Alignment 言行一致. 如果你做齊以上七樣嘢，你就可能係個好領袖， 好大機會人哋會跟住你行同埋做出成績。
(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。
(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？
(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？
(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。
唔好講到咁複雜，睇返個哈佛兄弟你就明。
Xxxxxxxx (重複部分內容)
有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment.
(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。
阿哈佛兄弟嘅Vision 呢？
(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。
阿哈佛兄弟嘅Priorities 呢？
Xxxxxxx (重複部分內容)
最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？
又聽多次哈佛兄弟點？
Xxxxxxxxxxx (重複部分內容)
聽完以上七樣嘢，ownership mindset, what you believe in, take action, add value to others, vision, priorities and alignment. 你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。
