夜明け告げるルーのうた 宣告黎明的人魚之歌
從小新不理不理畫風
直到動畫界奧斯卡
宣揚世界大同跨越種族的愛
小弟有幸獲邀出席MOViEMOViE
Grand Opening開幕祭，
唔係睇Cult片，而係睇神級動畫，
觀賞湯淺政明大師首部原創長篇動畫。
事實上，小編才疏學淺，
唔多熟識湯淺政明後期嘅
原創作品《獸爪》《心靈遊戲》，
反而剩係知佢做過童年回憶
《蠟筆小新》同《櫻桃小丸子》動畫原畫，
所以入場前一心都係持住
『睇你點解咁L勁拎到「動畫界奧斯卡」
依個獎項』嘅心態去睇。
唔知是咪近排水中生物特別受歡迎，
奧斯卡就有《忘形水》水怪；
動畫界奧斯卡就有
天真爛漫嘅人魚「露」做代表。
不得不承認角色設定有啲
宮崎駿隻波兒嘅影子，
而且人魚露個老豆笑起上嚟重成隻龍貓咁，
但風格上同表現手法可謂南轅北徹。
宮崎駿畫風感覺細膩，寫實主義一般，
相反湯淺政明畫風更著重表現主義，
放棄左日系一貫精準審美，
取而代之是誇張形態與二維線條手繪，
你話佢懶又好點都好，
依種就係湯淺政明獨一無二嘅畫風。
湯淺政明畫嘅角色總係
有種自由跳躍感，不受比例限制，
主角人魚「露」腳仔時而伸長時而縮短，
手舞足蹈，隨意控制水柱流動，
調皮得嚟帶點惡趣味。
故事上，以一個內斂
唔多講野但熱愛音樂嘅廢青
遇上天真爛漫喜樂音樂嘅人魚作起始，
借故宣揚大自然環保議題，
以小鎮傳說令觀眾學懂尊敬大自然，
人同人魚音樂躍動中學懂大同。
一句講哂，大人細路啱睇之餘重好有意義。
又，電影中音樂超級好聽，
齊藤和義主唱的主題曲
《歌うたいのバラッド》
配上政明動畫真係感覺到喊。
兩段米奇老鼠嘉年華式歌舞，
剩係睇分鏡，配色，畫風同配樂，
未計個感人故仔，
都已經值得你買飛入場睇。
電影購票傳送門：http://www.cinema.com.hk/tc/movie/details/10430
MOViE MOViE by bc Broadway Cinematheque 百老匯電影中心
Edko Films Ltd. 安樂影片
#夜明け告げるルーのうた
#宣告黎明的人魚之歌
#法國安錫影展：長篇動畫大獎
#歌うたいのバラッド
#啲畫風得意到暈
#中間幾段鮮豔色彩配色運用係蠟筆小新動畫見過呀 #櫻桃小丸子動畫都有呀！
#原來有童真 #係講緊小編自己
#MOViEMOViE #moviemoviebybc #MOViEMOViECityplazaGrandOpening
