【尖沙咀凱悅酒店住宿體驗🛏】詳細住宿報告：https://www.runhotel.hk/hyatt-regency-tst-staycation
小編最近就去試左「自助餐 X 本地遊」個 Staycation，訂咗海景客房，間房個空間好闊落，但可惜就只係見到局部海景，有部份被樓遮住左。
⭐️ Lounge
而家無泳池無 Gym 用，所以加左 $400 蚊可以用埋嘉賓軒酒廊，入住既時候就多一個節目。嘉賓軒酒廊環境都唔錯，靠窗位置可以睇到海景，紅白酒有超多選擇🥂，一共 14 款，啤酒有嘉士伯同青島兩款🍺
除左沙律、芝士、餅、水果呢啲基本野之外，仲有唔少飯類供應🍚，芝士焗豬扒飯、迷你魚生飯等，當 Lunch 咁食都夠晒飽！
另外，甜品都唔少🧁，淨係蛋糕卷都有 3 款口味，仲有楊枝甘露、切件蛋糕等，小編試過都覺得唔差。
茶點仲有蝴蝶酥、曲奇、堅果等。
🍽 晚餐
超推薦大家加錢食希戈餐廳 3 道菜晚餐！本來小編都擔心送上房之後野食都會凍晒，但酒店好貼心，會分開兩次送餐，等你先食完頭盤，再送主菜同甜品上嚟！（唔想加錢轉晚餐，可以食自助午餐）
頭盤有希戈經典大蝦咯嗲配白蘭地咯嗲汁、巴黎蘑菇及羅馬生菜🥗，再跟蒜蓉包、法包同洋蔥包🥖，沙律正正常常，反而係個洋蔥包好出色，外脆內軟，口感好似牛角包咁，好好食！
而主菜有燒美國頂級牛助骨肉🥩，或迪耶普式法國比目魚配褐蝦及時令青口🐟兩款可以揀，揀左食牛助骨肉嘅話，大廚會親自送餐上嚟，喺房門口即場切片再淋燒汁俾你，超正！
小編當日就 Order 咗五成熟，可以見到肉呈粉紅色，食落口感好嫩👍🏻，不過燒汁味略淡，建議大家可以落多少少，另一個主菜比目魚係跟法式牛油汁，食落好香，又唔會覺得油膩！
最後甜品就有法式焦糖燉蛋焗雲呢拿吉士，口感好順滑，但食多兩啖會覺得甜咗啲，建議大家要一啖連埋上面的覆盆子一齊食，咁就啱啱好中和返個吉士甜味。
尖沙咀凱悅酒店官網預訂網址：https://bit.ly/3cqBqFr
詳細住宿報告：https://www.runhotel.hk/hyatt-regency-tst-staycation
