收到一位網友請求，希望我喺度呼籲大家去紅十字會登記做骨髓捐贈者，幫助佢朋友既媽媽、以至於全香港其他急需要骨髓移植既病人渡過難關。我相信大家間唔時都會見到呢D post，你可能會係咁兒按個傳發，又或者因為事不關已而索性ignore，有幾多個人真係會走去登記呢？
可能有人怕真係要捐既時候會好痛，會影響健康，但其實醫學證明骨髓捐贈係唔會減弱捐贈者既免疫同造血能力，基本上係冇後遺症；又可能有D人真係有心，但就抱著“遲D 先啦”／“行過紅十字會先啦”既心態，慢慢就冇左件事，生活又如常地過。但其實有好多人正因為我地既冷漠同拖延，生命從此被奪走，佢既家人亦都會有一段好長既時間無法過正常既生活。
身邊每日都發生好多事，新聞轉眼變舊聞，令到我地依一代對好多事情都三分鐘熱度，甚至麻木。諗返你對上一次捐血係幾時？大家其實並唔抗拒做，但就無法變成好似開facebook 般既習慣黎做（當然血呢家野係三四個月捐一次就OK）。我好希望有一日，定時捐血既習慣能成為生活日常；登記器官捐贈、骨髓捐贈則好似登記做零食鋪會員咁平常，你話幾好呢。
如果你肯， 今日就可以係嗰一日。
