有懷疑揸現金，離場飲杯茶食個包，冷靜番再衝過💪🏼💪🏼
https://www.facebook.com/chingbing888/posts/1681420361908920
每個農曆新年都會重播的「嚦咕嚦咕新年財」，當中劉德華有一句對白令青冰好深刻的，就係：愈爛的牌愈要用心打。
昨天的跌市，相信應該沒有股民是沒損失的，如果戰友是2015年大時代爆煲後才入市，相信昨日係首次見到跌幅咁全面的跌市，散戶傷亡慘重，但回想2015年7月8日的那一天，恆指單日係一度跌2139點，最後埋單1458點，咁其實昨天都唔係跌好多啫。
跌市要去找理由就最笨X架喇，早前曾教授都講過，升得多就跌架啦，不需要特別理由。係架，如果你睇番昨天慘跌的大價股，大部分都係升咗一倍甚至幾倍，股價已經反映緊未來一兩年的好業績。股市一定係鐘擺的，之前建立咗大漲小回的升勢，市場係唔會覺得佢地貴，但突然間又會拎呢個理由出黎洗倉式獲利回吐，今次並非新事物，之前次次牛市都係咁架啦。
愈爛的牌愈要用心打，升市時易賺錢時，個個都係股神，贏幾多幾多，買中邊隻倍升股，仲要教埋身邊的人去買添，巴菲特講過一句: 水退時便知誰人沒著泳褲。即係話，面對逆境的市況，才見真章。你之前贏幾多是沒太大意義，年結時又或者今次牛市完結時，你仲係正數，你仲係贏一兩成，咁先係大師傅嘛。
要對抗風暴，靠嘅係止蝕，縮減戰線(減少股份數目)，增持現金，當然這也有風險，就係明天或者下星期見底回升，而且彈得好急再創新高，咁就止蝕變蝕章，但操盤就係你去控制風險，而不是被股價控制你的情緒及陣法，即使今次僥倖冇事，只會學壞手勢，下次更加唔識點避。
今天上午收到有個戰友的PM，問是否應該止蝕某股，結論係當然要止啦，結果下午再插深啲，戰友多謝青冰，但其實佢應該多謝自己，自己的倉自己最清楚，可承受輸幾多，其實自己心裡早有答案，只係唔肯執行，所以仲使乜問所謂的專家呢😀
嚦咕嚦咕幾多番 在 港式台灣牌小教室 - Facebook 的推薦與評價
成副牌無番子，而缺少筒、索、萬其中一門 ... 今日就等我哋繼續學計番學下唔同屋企人代表嘅係咩啦！ 1.老少♥番> ... 除咗嚦咕嚦咕之外原來仲有另一款牌都係台牌獨有 ... <看更多>