用賤男視覺透射女神說的故事，是低質素的冒犯，如有褻瀆，實屬不幸。
Ms Yu 說她的女學生為了男朋友，想去美國讀書。根據 Ms Yu 描述，女學生是靚女。
雖然這不是重點，但這是一個盲腸位：既然係靚女，又點會男友去邊就跟去邊？唔講你唔知，講咗你都未必信，其實靚女真係會咁。以前中學有個師兄，花名叫趙趙，唔算型到爆廠，但倒有幾分不羈，真係畀佢搞掂咗友校嘅校花。趙趙去邊，校花就跟到邊，至今仍然是母校一個傳奇。
Sorry，偏離咗重點，繼續講番 Ms Yu 故事。
於是 Ms Yu 就寫了一個故事，希望女學生看到之後，可以回頭是岸。故事大約是，有個女孩的駿馬不見了，於是她跑到荒野去找，但找了好多天都找不到。女孩決定在荒野種出一片樹林來，希望駿馬會因為樹林而回來。
最後女孩種出森林，吸引了旅人與動物棲息，自此醉心園藝。
想當年，失戀的時候，趙趙師兄就是說了一個一模一樣的故事安慰我。「屌，隻馬走撚咗，使乜去搵佢？你自己種一片草，到時有咩馬乸唔過嚟食你，啲草呀？」
自己要變得強大，眼光必須放在全世界。思想激進的人，也有分目光遠和視點近兩種。視點近那種，激進得愚蠢，救不了人救不了己。
女神到極致都好，站在一樓，就只看到街上那個人。
站在十樓，都看他不清楚了。
站在一百樓，你才看到另一片天空，你才看到這個世界有多大，你才看到原來給你選擇的男生可以圍繞地球一圈呢。
現在想要的，永遠不是你最想要的。
