關於 地鐵頭班車港島線 ，我們在網路上蒐集到這些相關的討論、資訊與評價

能否想像一個空無一人的中環站？

午後時分的中環站出口，雖沒有繁忙時段般擠迫，但仍是人來人往，絡繹不絕；上下班時段的鰂魚涌站，上班族魚貫穿過長長的通道，轉乘另一條路線。在人頭湧湧的地鐵站內匍匐前行，視線可及的或許只有前方那人的頭顱背脊、地上交錯前行的鞋履或各自手上的手機，未必能看清LED屏幕換了哪家的廣告、地板圖紋是甚麼、頭頂上的燈管又長成哪樣。人潮過後、在尾班車開出前的深夜時分，我們每日路經的地鐵站又是哪種風貌？

在香港生活近10年的英國攝影師 Christopher Button，在某一個晚上拍下了無人的北角站月台，繼而用了一年半的時間在接近午夜的時間到不同的地鐵站，拍下一系列的菲林照片。「不同時段的地鐵站氛圍是很不同的。我希望他們能從我的照片感受到一種光怪陸離（strangeness），並在空無一人的環境可以多留意車站原本的建築特色和設計，例如那些彎彎曲曲的長隧道。」隨著鐵路網絡發展，不少車站成為交通樞紐連接起多條路線，從以往單單考慮側式還是島式月台，進一步考慮到多層月台的設計、連接各邊月台的路線等，亦一一反映在車站建築特色上。

「有時候我在街上拍攝，不夠一個小時發現自己又回到地鐵站裡。站內還有很多值得拍攝的地方。」這一年半間，Button拍下了鐵路機件貯藏室門外的光線折射、柴灣站出口的圓形鏡像、各站的顏色氛圍，然而地鐵站於他還有很多未發掘的故事。「接下來想拍攝一輯有人的地鐵站，地鐵站與人的互動。」

屯馬線開通，「鐵路2.0」鐵路網陸續竣工落成，鐵路覆蓋率邁向七成之際，各個地區亦隨著鐵路發展而變遷，到底居民、社區、鐵路之間又會如何互動和互相影響？

《迷宮 The Labyrinth》Christopher Button個人攝影展
展期：即日至10月10日（逢星期三至日）
時間：早上11時至下午六時
地點：Blue Lotus Gallery（香港上環磅巷28號地下）

圖片提供：Blue Lotus Gallery

#hkexhibition #photoexhibition #filmphotography #midnightphotography

照舊，關於「反送中」嘅文章，我會原文畢錄如下。但文字有價 (同埋呢篇文入面都幾多圖，雖則靚唔靚又一回事) ，大家賞面就入 Medium 睇文。

- - -

執筆之時，我同好多打工仔一樣，拖住疲累嘅身軀⋯⋯唔係放工，係返工。星期一嘅早上，地鐵車廂乘客比平時疏落，唔知道嘅真係以為罷工罷市罷課。

當然唔係。 Tomorrow need work ，係香港人永垂不朽嘅精神。之不過，星期日去得太盡，星期一朝早未及恢復，咁解。

再對上一個星期日， 103 萬人出嚟遊行，反送中。星期三，示威者遭受警方不合理嘅鎮壓並且被政府定性為「暴動」。其時，我以為六月十六再出嚟行，都好大機會係示威不成反示弱。要表達意見嘅表達咗，政府若是以靜制動，民氣自然消散。

但原來高材生特首嘅性格缺陷，喺星期六嘅時候發揮關鍵作用：囂張跋扈嘅回應，推搪說溝通不足，難睇嘅嘴臉，加上「天公地義」四隻錯別字死撐警隊使用過份武力，無異於用電油救火。

同日傍晚，「反送中」浪潮出現第一個死難者。金鐘太古廣場，一件黄雨衣，一張寫滿訴求嘅紙，成為六月十六嘅催化劑。

六月十六，晴，天氣和暖至微熱，相對濕度百分之七十幾，宜出行。五年來未有再上街嘅賴叔，腳踏銅鑼灣記利佐治街，彷如隔世。遊人清一色向維園進發，途上有街站派發白花悼念烈士，亦有人派發以粉紙卽刷嘅海報、「自由閪」粉紙紙扇以至白絲帶。

叔叔老了，唔會再企入維園等待出發。同埋，我發現自己冇留意 dress code ，著錯白色衫。由等地鐵嗰下，見到九成人著黑色衫，以為月台變咗靈堂，我個心都已經涼咗一截。好在，銅鑼灣嘅連鎖服裝店冇拉閘，我可以臨時買件衫換。

大隊出發之後，我終於可以中途加入。以前係喺怡和街崇光百貨對出與大隊匯合嘅。但今日，唔知點解，分咗另一條人龍沿記利佐治街向西行。係，同一條街，一個鐘前個個去緊維園，一個鐘後，人人沿相反方向行走。

世界上最遙遠嘅距離，張小嫻會話係我企喺你面前，但你唔知道我愛你。賴叔話，係皇室堡同崇光之間，呢一日，呢一段路花咗一個半小時有多。平日，由香港飛去台北嘅時間，都係差無幾。

所幸天公造美，冇落雨，冇乾煎，有和緩嘅涼風吹送。即使前面人潮移動得慢過蟻躝，大家仍然心平氣和。松阪屋，唔係，係恒隆中心，外有三個雜差站崗，不時被遊行人士當面指住嚟鬧，亦有其他途人出嚟勸阻，以免擦槍走火。亦有穿上大紫大紅嘅大陸遊行逆流而行，令大家面口都唔係咁好睇。

舊大丸門前係民主黨嘅街站，偌大嘅帳幕，無意地形成一個樽頸位。都算喇，嗌咪嘅黨員技術良莠不齊，有啲好似急口令咁唔知趕住去邊，有啲想帶領叫口號但係方式又相當之考腦筋：

「林鄭！」「下台！」
「香港人！」「加油！」
「鄭若驊！」「下台！」
「李家超！」「下台！」
(喂大佬，開大細冇攤路咁，好難觸摸啫⋯⋯)

去到崇光門外，我發現原來人龍並非與軒尼斯道合流，而係分流到駱克道、謝斐道及告士打道。又一個聞所未聞嘅安排。以前報紙都係高空影怡和街嘅墟冚，交代遊行人數同陣容。時至 2019 年，航拍機將大家帶到另一個高度，可以縱觀幾條港島北嘅大動脈名副其實人頭湧湧嘅震撼景象。當航拍機喺高空盤旋嘅時候，對鏡頭敏感嘅大家自然齊聲歡呼，士氣激昂。

別開生面嘅轉入內街呢個新玩法，令大家中途休息、食飯、補給都多咗選擇。同時，亦意味住更多車輛唔覺意地被困喺人海之內，動彈不得。有善心人請人群開路，畀車輛離開，但係當離開告士打道之後，原來只係轉入更加窄嘅謝斐道嘅時候，我係個司機就寧願泊埋一二便，等深夜先攞返。到時仲會附送幾張海報。

香港人嘅遊行始終非常有秩序，被警務處長盧偉聰攞嚟比較嘅外國「暴動」，講緊嘅係附帶燒車呔、搶掠商店、破壞公物。而香港遊行路線沿路嘅食肆同藥房，仍然照常打開門做生意。

行到灣仔菲林明道，平日通往會展嘅天橋變成途人聚腳小歇嘅地方。灣仔橫街阡陌縱橫，人聲更加鼎沸。駐足途人大叫「香港」，遊行隊伍回應「加油」，重重覆覆好幾分鐘，香港人就係咁，喺特首林鄭月娥嘅英明領導下實踐 “We Connect” 嘅精神，大家眾志成城，向住同一個目標進發。

開多咗路，其實亦唔等如人群嘅流動順暢咗。駱克道雖然有四條街車線，但係中間有分隔路壆，間中有救護車出現，兩條行車線上嘅示威者只可以迫埋一堆甚或向後退，但係正如網上片段所顯示，嗰種有紀律又配合嘅畫面，真係好似摩西分紅海。

隨住大家前行，離遠見到警察總部 (有途人戲稱為「狗總」) ，大家步伐越嚟越慢，甚至不時停低。應該係因為去到軍器廠街嘅樽頸位，大家都只可以緩慢同軒尼詩道嘅人龍合流。亦因為咁，大家喺警察總部前面逗留嘅時間特別長，同駐守喺鐵馬後面嘅警察亦多咗面對面嘅機會。承接住六月十二嘅怨氣，問候黑警老母嘅聲音此起彼落，甚至有一段時間大家係齊聲吶喊四字真言，聲勢直迫中大 O Camp dem beat 。

警察總部玻璃橋上不時有警員巡邏，更有警員手持攝錄機拍下遊行狀況。你拍我拍你，遊行人士「影佢老母」就固之然，向橋上警員 show them the finger 更加係基本禮貌。有喺地面駐守嘅 Madam 塊面黑過關公，適逢後排又有五、六個基督徒平靜地唱 “Sing hallelujah to the Lord”，強烈反差足以令人神經衰弱。我路過一分鐘已經笑到有腹肌，唔係好清楚警察換班頻率但肯定佢哋對住成班 Wololo 洗腦會黐黐地線。

行到出金鐘道，正義道天橋上有遊行人士舉起手機，好似演唱會咁開著手機嘅補光燈，有如點點星光，與金鐘道上嘅遊行人士互相呼應、互相扶持。「香港人」「加油」之聲此起彼落，附加別具創意嘅「香港警察」「猶如垃圾」，大家去到太古廣場之前，面上又掛上一絲笑容。

太古廣場係呢一日遊行 2,000,000 + 1 名人士嘅焦點。大家紛紛向早一日從高處墮斃嘅烈士梁凌杰 (差啲手快打錯梁烈唯) 獻花致意，亦有無間斷嘅 “Sing hallelujah to the Lord” 。一片白色花海，一個悼字，為遊行畫上一個傷感嘅逗號。

因為抗爭未有耐畫上句號。夏愨道已經被重新佔領，時間彷彿又回到四日前。大家已經再冇昔日「七一」遊行咁依從大會指示和平散行或者「明年再見」，而係聚集喺街頭，展示不撤不散嘅決心。同五年前嘅佔領行動相比，參與者變得自發、唔再依賴大台或者政治明星去帶領行動，去中央化 (decentralized) 相當明顯。如果雨傘運動將港人由幼兒班帶上小學， 2019 年，香港人可算係考緊 DSE ？但都未有耐升到上大學卦。

添馬公園草地終於冇用膠帶圍封，大家可以野餐或者睇戲。立法會底下依舊有大批人群叫喊口號，林鄭下台嘅呼聲，應該傳到解放軍總部都聽得到。但係臨近午夜時份，遊行結束，好多人都要趕尾班車，貫徹「聽日準時返工返學」嘅精神。呢一次香港史上最大規模嘅遊行，可一不可再。但係得到嘅係乜嘢成果？係林鄭喺晚上透過政府新聞稿句句有骨嘅道歉，抑或係第二日行政會議成員明示「暫緩」等同「擱置」？我唔知道。

可以知道嘅係，香港人，其實真係冇暴動，要追究警察開槍嘅責任，仍然遙遙無期。反送中，只係一個咁啱咁橋將大家凝聚埋一齊嘅議題，日後嘅一萬億「人工島」撥款、「國歌法」，仲有冇咁大嘅呼聲？我希望有。仍然要相信，這裡會有希望。

#賴叔睇育

【逃生過後 - 一些我見到的事】
先戴頭盔，非要抽水，只不過睇咗成朝新聞，港鐵點點點有效率疏散乘客好似好好咁，我實在覺得要講講尋晚我見到的事。

首先，我是在列車中間，完全不知道車頭的情況，只聽到車長在廣播系統咆哮，然後2-3秒內煙已殺到。當時好多人都講(包括我自己)：又係架車有問題？(這是港鐵狼來了的故事，如果平日無咁多事故，又點會令乘客咁無危機意識？)煙到的時間大約已行車一半，而當時擠迫嘅情況唔駛我講啦，大家都係掩住個鼻挨到埋站。

第一個危險位：車埋到站，大家都咳住咳住咁要出去；月台當然企滿等車嘅人，大家湧著出去時，企在月台嘅人因為唔知咩事，當然唔會退走，令到出口其實好窄。我諗我企果卡還好，煙雖然大但都只係咳咳下，如果係煙大啲嘅卡數，啲人救生本能係推住出去，而外邊啲人又唔讓，其實好容易跌倒。

去到月台，煙量少好多。(我強調我係列車中間，應該無咁煙)大家睇到少少煙，又無廣播又無盛。呢個時候港鐵得一個黃衫人守係車門口，擋住大家唔俾上車之外，完全無其他指示。當時我都仲未識死，企返係月台諗住等下一班，仲發facebook post。(諗返如果死咗真係自己抵死) 當時月台嘅情況係：月台等車嘅人+好似沙甸魚咁多人嘅車廂湧落嚟嘅人+地面仲有人坐扶手電梯落嚟嘅人+對面車開門出車嘅人。基本上係人，全部都係人！

第二個危險位：係月台等咗差不多成分鐘，連我都好後悔自己企係月台upload相無諗真係咪有問題，大安旨意係架車有問題。突然就響起警報話尖沙咀站要關閉，乘客要即時疏散。當然，如港鐵講嘅每卡都有黃衫人幫手疏散嘅人手係完全唔見(嗱，可能佢係其他車廂有，但我係中間目測果幾卡，係得一個仍然只叫人唔好上車嘅阿姐，就咩人都無)。睇咗2秒覺得唔對路梗係即走，但突如其來嘅廣播，又無人指示，成堆人一面倒就突然湧向唯一嘅扶手梯。如果當時有人跌倒真係唔知點算。呢個時候當然好多掛住食花生嘅友仔係度唔知影咩阻住個地球轉啦，但我同時見到好多香港人嘅光輝：有男士讓女士同細路行先，老人家都有人扶住走，秩序係有但港鐵安排可謂係零。

第三個危險位：終於上到大堂，人係疏啲，感覺好少少。地鐵係咁廣播話唔駛八達通就出到閘，咁成堆人又湧去出閘。我當時出係近住isquare嘅出口，但就並非廣播而言唔駛飛就出去到。或者算係第一批上到月台嘅人(但明明我之前係有超多人上咗月台)，跟住又堆住一堆人係閘機前搵八達通，雖然未至於會隨時人踩人，但都係爆亂。

作為經常攪event嘅PR，當然知道突發事係有幾咁呢hea，團隊溝通之間有不足係好平常。不過，今次呢個事故實在太大，感恩自己可以安全之餘，實在想指出，其實港鐵作為最繁忙嘅交通工具，有突發事嘅反應速度的確不足。例如你廣播話要疏散時，由大堂落月台嘅扶手梯係咪可以停咗佢？當時我地湧緊上地面時，都有人唔知咩事想落返月台坐車。如果知道有事，對面月台嘅車係咪可以即時反應，冒住俾人鬧都直去下一站，減少一大批人湧出月台？最嬲係咩？你班黃衫人我都明白可能係part time，可能係無walkie talkie臨危出征，佢自己都唔知發生咩事。呢啲完全明白，但港鐵發言人你唔好講到你地已經安排得好好同真係幫咗市民。當時係月台上面，我最能夠感受到救我哋嘅，係香港人自己。

今次雖然係個別事件，但真係唔可以排除有人唔知做咩痴Q咗線仿傚，或者真係touch wood恐襲呢？我會怪自己危機意識低，但如果我再遇上尋晚嘅安排，可能我已經瓜左老襯。

呢兩日提出要改善嘅問題，又或者出嚟抽水爭取乜乜乜嘅政客真係倒水咁多，但我衷心希望，班友攞完彩之後，都真係認真跟進下。唔好話普通月台車站，依家南港島線通車後，我自己就試過係金鐘等咗5班車都上唔到，迫到pk。如果今次件事係月台發生都走唔到呀！成個安全機制同緊急應變措施真係必須要正視同改善。
當然每次事發生都唔同，要係電光火石間講晒梗係唔得；但係做普通活動都有教，聽到咩聲要點做。一聽警報封站，唔理咩事都好，停月台電梯，對面月台列車要飛站，開閘口，唔駛溝通就知點做，係唔駛下下知晒發生咩事就可以做嘅應變，的確係演習或briefing可以做到。

你話我馬後炮又好、控訴又好：港鐵呀港鐵，雖然今次係意外，但員工溝通、緊急應變措施、消防設備、安全逃生宣傳各樣，麻煩你地真係認真做好佢。大佬，我都係為搵食返工放工啫，我唔想連坐車都搵條命搏。

最後祝願所有傷者早日康復。

ps：如果你話有相有片有真相，sorry我真係無。當時七國咁亂，無影到相。是次事故除咗超級感恩，我衷心多謝同我一齊疏散嘅人，因為你哋嘅秩序，我可以安全上返地面。
#多謝睇晒水蛇春咁長嘅文的你 #大家真係要提高危機意識 #尋晚見有人抱住個仔都係咁影相唔走真係想埋去鏗佢個頭 #但見到有個男士好溫柔咁扶住個老人家 #好多後生仔女都讓俾有需要人行先 #仲安排啲高官訪問當時職員真係嬲死我 #職員未必最快做到我哋明白但港鐵你唔好作到咁大一切都係你哋做得好咁先得 #咁大件事係香港人做得好唔係地鐵做得好

DAY1 : https://youtu.be/6-Pv8YB-0e4
DAY2 : https://youtu.be/tWzeLteEOyA
DAY3 : https://youtu.be/jNY4zCO6YGE
DAY4 : https://youtu.be/EkV0Zy4a4to
DAY5 : https://youtu.be/8LrvNdCxz-4
韓國購物超強慳錢攻略超省錢省時間 :https://youtu.be/NrUGULURL5E
決戰韓國首爾5日4夜自由行travel ,EP.2同EP.4會係 ZAKILIU.VDO CHANNEL度有得睇,仲有每日行程表 "其中有兩日有落雪睇呀"
韓國5日4夜之旅 (26/2/2016 – 1/3/2016)-我們行程有少量更改
*韓國比香港快1小時
機票: HK Express (3.5hr)
去程: 07:25 – 12:00
回程: 22:50 – 01:45
酒店: Hotel Skypark Dongdaemun I (不包括早餐)
地址: 335, Dongho-ro, Jung-gu, 東大門, 首爾, 韓國 100310
*電壓: 220v, 圓形兩孔插頭
*貨幣兌換: HKD1 = KRW151.48 (30/12/2015), 以明洞之兌換率最佳
03:30
Morning Call!!
05:30
香港國際機場
集合
05:30 – 07:25
Check-in + 食早餐
07:25 – 12:00

起飛去韓國=]
12:00 – 13:00
仁川機場
拎行李 + 入境 + 買巴士卷
1. 購買T-money card
費用: ₩2,500/張
2. 乘搭6002號清涼里於東大門站下車
所需時間: 95mins
班車間距: 15mins
首尾班車時間: 04:30 - 21:00
費用: ₩10,000
13:00 – 14:30
仁川機場
→東大門
機場巴士
14:30 - 15:00
東大門→東大門歷史文化公園
地鐵4號線(東大門421→東大門歷史文化公園422) ₩1,250
15:00 – 15:30
酒店
(近地鐵5號線東大門歷史文化公園6號出口)
Check-in + Take a rest
15:30 – 16:00
東大門歷史文化公園→明洞
地鐵4號線(東大門歷史文化公園422→明洞424) ₩1,250
16:00 – 19:00
明洞
- 唱錢@大使館or一品香
- Tea @ 街頭小食
- Shopping
19:00 - 19:30
明洞→往十里
地鐵4號線(明洞424→東大門歷史文化公園422),
地鐵2號線(東大門歷史文化公園205→往十里208) ₩1,250
往十里站11號出口步行10分鐘
19:30 - 22:00
往十里
Dinner @ 海鮮貝類倉庫조개창고
營業時間: 17:00 - 01:00
費用: ₩25,000/位, 無限時
22:00 - 22:30
往十里→東大門
地鐵2號線(往十里208→東大門歷史文化公園205),
地鐵4號線(東大門歷史文化公園422→東大門421) ₩1,250
22:30 - 01:00
1. 東大門DDP設計廣場 – 花海
2.東大門和平市場
01:00 – 01:30
東大門→東大門歷史文化公園
地鐵4號線(東大門421→東大門歷史文化公園422) ₩1,250
01:30
酒店
休息!!
鐘意就Like加留言同訂閱+分享,唔鐘意就DISLIKE加訂閱啦,可以KEEP住DIS­­LIKE
【Zaki Liu】
FB : https://www.facebook.com/zakiliu.vdo
IG : zakiliu.vdo
YouTube Acc : : https://www.youtube.com/user/ZAKILIU
----------------------------------------­­------------------------
【PANG】
FB : https://www.facebook.com/pangliu
IG : PANGLIU
----------------------------------------­­------------------------
【Sesame Channel】
YouTube Acc : https://www.youtube.com/user/SESAMECH...
FB :http://www.facebook.com/sesamechannel
----------------------------------------­­------------------------
【STELLA】
IG : STELLATSANG1015