羽毛球隊伍家朗黑衫風波，又可以睇到HK01有幾無恥
本身，我就唔關心呢件事，但係我有一啲淺藍關注運動嘅建制派朋友見到呢件事都好嬲，係咁forward俾我
我把件事理清出嚟，大致係咁：
伍家朗着黑衫出賽，引起左一啲關注。
KOL「家明」係稱讚伍家朗嘅衣著，反而係民建聯青年團嘅人同埋一班建制派譴責家朗嘅衣着，話佢冇印香港區旗，仲叫人哋唔好出賽。
家朗後尾IG有解釋，由於香港現行法例，如果冇批准，就印區旗喺件衫嗰度，係會觸犯法例。之前香港三項鐵人參賽者，都因此惹麻煩。
佢亦都表示，自己沒有球衣贊助，所以只能夠着自己覺得舒服嘅衫出賽。
本來香港代表隊冇贊助已經夠可憐，建制派冷氣軍師唔係幫佢搵贊助，反而仲要拖人後腿，逼人回應，叫人退賽，真係慘上加慘。人哋好地地比賽，仲要分散心神去處理呢啲無聊野
好啦，咁香港01可恥嘅位喺邊度呢？
本來家朗係回應緊建制派對佢嘅攻擊，尤其是涉及區旗，係法律問題，一定要澄清；而KOL「家明」一直都係讚伍家朗。但係，香港01就講到伍家朗係為咗回應「家明」所以先至IG澄清，根本就係顛倒是非黑白，由始至終質疑佢件衫冇區旗嘅，都係果啲建制派，佢哋選擇性失明，一啲建制派嘅攻擊都冇寫到落去
香港01有幾無恥，我都中過幾次。我接受佢哋訪問，佢連我基本年齡都寫錯，虛構我嘅人生，話我做過新聞總監，我根本就冇做過呢啲工作。我話佢哋唔專業，然後個仆街採主仲打電話嚟blame the victim，包庇其下嘅垃圾記者胡說八道（及後亂咁寫鳩我嘅記者去咗有線任職）
我同葉劉上港台辯論，全香港超過40萬人觀看，佢都可以屈我係為錢讚人哋美腿。
件事係有錢嘅成份，只係一個作家叫葉朗程，佢話只要我當面讚人，佢就會將五位數捐去精神健康基金會。為咗善事，我怕咩講。識我嘅人，或者睇開我嘅讀者都知，唔使收錢我日日都讚葉劉㗎啦。葉說到做到，真係有捐錢，件事本來係幫到人嘅開心事，都比呢班仆街垃圾講到係利益掛帥
垃圾就係垃圾
「你要沖出嚟七擋都搵唔住啦，老老實實港協暨奧委會都未出聲幾撚時輪到你出聲啦？你當霍家盲嘅咩。」淺藍朋友咁講
最後，香港運動員加油，香港加油
