讀者投稿《低能愚孝老公10宗罪和極品奶奶篇》
1. 我結婚第二日返男家斟茶比佢媽，佢唔比我叫佢99，要我叫佢嫲嫲，我話我未有小朋友，唔會咁嗌。之後佢同我老公和我媽講話我無禮貌，唔叫佢。
2. 我爸死咗離開之後，沒有問候也沒關係，我絕不介意，但99竟打電話來說我爸死的日子不是好日，那是甚麼說話，死可以揀日子時辰嗎？一個長輩竟講出這些不尊重死者的話，禮貌何在？
3. 我媽得癌症，99話我好比我媽做手術做化療，話西醫呃錢，叫我媽練氣功食中藥。但99有白內障又做手術，唔去食杞子治療？
4. 去食飯，就話我平日好少機會食咁好餸、飲魚翅湯和塔斯曼尼亞車厘子，這是甚麼意思？如果佢講嘅係事實，原因只係因為你仔無本事買咁好嘅食物比我！
5. 前年，99收留咗個親戚，仲做黑工，佢女發牌氣唔收留佢住，不能接待那黑工時，就硬要我接收，我老公連佢姓甚名誰，幾多歲，住幾耐都唔知，就要我同一個陌生男子住埋一齊，我不接受時，就說我無愛心唔幫手唔幫99。
6. 一早講咗年初二回女家食開年飯，99咁傳統咁迷信，居然一早打嚟叫個仔回男家食開年飯，老公真係不理我和阿女，不尊重我父母，回男家。
7. 99上到嚟我家，問都唔問就直入阿女房，打開櫃門櫃桶檢查一次。
8. 阿女出世，講明擺百日宴，99硬要係阿女滿月時總動員上嚟又話要出外食飯，有無尊重過我哋為人父母嘅意向。到搞百日宴，事前99死覇爛覇三圍酒席，到頭來無人嚟，白白浪費咗我一圍錢。
9. 當年約出嚟兩家人第一次見面，99遲到半小時，我哋一家係酒樓呆坐。到約埋一齊去睇屋，約十點，老公就十點才打比我話仲未出門，仲要送佢妹返工先嚟到，但我和我媽已準時到了相約的地點，我倆企係度等咗你和你媽一小時。嚟到仲要一點歉意都無，等你們係應份的嗎？你們這樣叫有禮貌嗎？你們的時間是時間，別人的時間是垃圾！
10. 過時過節或99生日，就一定要係99所謂嘅好日子當日全家出席食飯，仲次次要等遲到大王，我家節日食飯就可以因爲老公踢波改唔到期而缺席。
#我的極品四大長老
