笑到癲咗 😂😂😂😂
#塗改液寫字係咩玩法
娛樂圈又有喜事喇！四房何猷君（Mario）日前向大陸名模奚夢瑤求婚，做「準何家新抱」，估下佢 say yes 定 no？緊係狗衝 yes 啦，恭喜恭喜！成個求婚典禮非常「土豪式」，不過連大陸網民都頂唔順，大叫老土！
今次求婚數百萬當係碎銀，喺一個類似西九龍中心格局嘅大陸商場舉行。猷君準備咗路易威登戒指盒，上面寫住喺綜藝節目講過嘅賺人熱淚告白：「小明，你觉得咱兩有可能在一起吗？口Yes 口No」，更用九萬幾枝玫瑰花同粉紅裝飾佈置商場，土味迅速蔓延。奚夢瑤化身翻版 Mario 公主，由幾粒磨菇伴舞登場，狀甚騎呢。奚夢瑤 said yes 後，猷君肉緊激嘴準新娘。求婚典禮其後迎來反高潮，猷君忽然由 Mario 王子變身單線 solo MK鋒，為各位同志及來賓大唱《活著Viva》，rock 住求婚實屬少見，而大家都非常捧場，係咁比反應，將氣氛炸上珠峰。
呢個被大陸網民形容「超土」嘅求婚，討論度仲勁過中美貿易戰，不過何生何太就理得你地點講，係度祝佢地祝福幸福美滿！
