關於 大中華膠 意思 ，我們在網路上蒐集到這些相關的討論、資訊與評價

［小時候，鄉愁是一枚小小的郵票，我在凹頭，母親在包頭］我是文青。記憶和黑軌一樣長。大中華膠發作。

=================
牛年比別人知得多。subscribe now.
Patreon.com/ivanliresearch

=================

TLDR；唔係講金融的。雖然都有部分係

1. 好記得細個坐直通車就係呢個位。果時好大件事，樟木頭仲係爛地，其實深圳都係爛地，港女上去落仔。屯門望到香蜜湖個摩天輪🎡。嗰時火車仲有人神秘咁賣自家製翻版帶，歌手「別安」，正係Beyond ，唔係歡樂今宵惡搞Raidas做凹凸時。2012年我在墨西哥城坐地鐵見到差不多嘅嘢，老翻CD係 Gangnam Style

2. 去到廣州，仲有五羊牌雪糕。當然覺得唔好食。後來親戚先富起來，帶你班港燦去白天鵝賓館去越秀飲茶，住四舊水一晚嘅中國大酒店。198x年嘅四舊水喎！

3. 而記得嗰時食個糖水幾毫子。1蚊人仔拖拉機🚜（第三套！），仲有外匯券。神灣菠蘿🍍，友誼商店。

4. 阿嫲鄉下在順德，老豆每次都要重覆「得就得，唔得就返順德」呢個gag 。

5. 仲有神奇嘅薑埋奶。即係乜？即係薑撞奶，但薑埋奶係沙灣endonym, 薑撞奶係exonym即係Deutschland 係endonym ，Germany/Allemagne就係exonym。（講英文即時成件事so linguistic 高級晒）

6. 最記得嗰陣時真係黃麗梅，食魚有魚味食雞有雞味。啲魚就漁塘捉上嚟。雞呢？睇啱邊隻，大人就捉，就起正法，斬頸，放血，淥滾水，脫毛。當晚就食，farm to table , 生命教育。

7. 後來收地，「而家好文明」，賠足錢，個個親戚都發咗，開靚車（喂原本漁塘咋）。漁塘變晒KTV，聽講而家啲雞一樣可以睇啱邊隻就地正法。脫毛應該都得，淥滾水放血呢啲記得取得consent ，同埋加錢

8. 多得友人Hong Lam講，我先知艾敬（我的1997）嘅情人就係劉卓輝，佢應該係第一代北姑KOL（艾敬瀋陽人仲唔北？）。

9. 是緣是情是童真還是意外，有淚有罪有付出還有忍耐。我都有個大陸表妹，不過唔靚的，但亦唔醜，普通村姑一個。in case 有人問，我唔係只睇樣咁慮淺的，亦都冇胸。不過佢當然知道8964。

10. 後來就係有嘢賣搵光大，港股直通車，AH折讓，大小非，股權分置，楊百萬。之後係滬港通。西氣東輸，北水南調，西部大開發。向西。華盛頓。太子輝。3/5/8。布吉陽江。波推。攤直射。新疆可樂。你的西域，我的東土。迪麗熱巴，古力娜扎（Netflix 可以重溫）。基督愛我，我愛富田靖子。不夜城，馳星周，山本未來，金城武。二之年之戀，尤利馬洛耶夫，烏拉爾共和國。

11. 呢啲就意識流啦，成段得名詞

12. 千秋不變的日月　在相識裡共存 姑息分割的大地　劃了界線

13. 再次返到家鄉裏 夢幻已是現在 看有多少生疏的臉 默默露笑容

14. 滿帶理想的我曾經多衝動
理怨（*）與她相愛難有自由

15. 「那我也要實現偉大中國夢了。」哥哥通過市場准入規則後，實行擴張型經濟政策，使大量流動資金流入市場，緩解通貨緊縮，資金全部吸入市場，達到泡沫頂峰。

16. 「呼……全部投入市場了呢，這下糟糕了。」妹妹一臉幸福地說。

17. 唔好意思，坐程火車都咁多聯想。Btw當然係火車，唔係東鐵綫。我是廢老。坐緊去馬料水

18. 唔好話而家個個鄉下都大日本帝國。即使廿年前我教書，學生填藉貫都寫「天水圍頌富」（姜維咩）。我估而家啲小朋友係寫「日本国東京都台東區上野広小路」，或者「大韓民國首爾特別市鐘路區光化門廣場」

=================

(*) 記住呢個「理怨」，絕對要保留。當然係填錯的，有啲改做「埋怨」都on9，完全吳鶯音。改「屢怨」嘅固然啱音又啱意思。但就好似「陰澳」變成「欣澳」（不如欣宜改名做陰兒），吊頸嶺變調景嶺，冇晒時代感。尊重下填詞嘅黃家駒嘛

==================
牛年比別人知得多。subscribe now.
Patreon.com/ivanliresearch

［是日影評］一部中国根据日本根据中国根据历史改编的小说改编的游戏改编的电影

TLDR：周大導嘅嘢點會令你失望呢！

劇照：一仔（https://bityl.co/6dlF）

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

1. 不吐不快，五月第一日，唔寫投資，寫呢啲！

2. 由於自己畀錢，唔係人地請，所以可以盡情負評！（人地請架呢？咁我又唔會爛片都讚好，但咪唔寫，或者讚下配樂呀，啲女幾靚呀，張海報幾型呀咁）

3. 正如我Instagram所講：編導周氏夫婦，在處女作《殺人犯》已經表現出天馬行空嘅想像力。其後《黃飛鴻之英雄有夢》更表現出駕馭古裝片嘅能力（又，黃飛鴻講普通話嘅喂？）。亦即係，《三國無双》，梗係買定花生睇。

4. 話時話，在元朗睇，開間iMax院，我都冇去過嗰間院。可惜華雄打Golf時張椅冇震

5. 即係，《殺人犯》有口皆悲，大家知。但你咪撚理，之後一路有戲開，《大追捕》我都有睇。況且，人地演藝First Hon，佢唔識拍戲，你識？即係咁講。話時話，我當年亦係因為睇完《殺人犯》太激動，先開咗個Twitter戶口，咁就十幾年。而家周大導已經係3億導演，理得你班haters，嘻。

6. 於是懷住興奮嘅心情就睇啦，一開始睇，喂，你老味，講廣東話嘅？而我唔知係咪古人講雅言廣東話古音啦下（又，《三國演義》學人講史實？）。我係覺得似乎講普通話冇咁突兀嘅，但冇所謂，古人都講廣東話嘛。

7. 開首，黃巾之亂，唔錯喎，個張角幾有型（原來係黑仔），雖然變咗喪屍片，但還好丫。

8. 然後話你知，呢幕已經係最好睇架啦！唔好遲入場。

9. 打後，怒鞭督郵，Fine，雖然同之後劇情冇乜關。問題係：鳩知嗰個係督郵咩，真係考大家有幾die hard

10. 然後，劉嘉玲，原創人物，還可以。因為要交代埋啲兵器，但扯，劉備識飛天你都冇交代點解啦。

11. 打後到主劇情，虎牢關，斬華雄，三英戰呂布，就呵欠兼恥笑了。

12. 一眾士兵個個叫「我願意！我願意！」 ，十分有喜感。我懷疑普通話版冇低能？定都係「我願意！我願意！」？

13. 另外，都有朋友講咗，華雄戲份甚多，大家期待嘅「上將潘鳳」都有出場（不過好似冇「河內名將方悅」），然後華雄每次都用佢嘅Cricket 拍可以將敵將Doctor Lee嘅頭準確無誤咁打返去盟軍陣營，不如轉行打golf？

14. 十分入型入格嘅林雪演董卓倒係幾好，戲份亦多。

15. 但，相信好多人期待嘅古天樂呂布，都係喜感多。入面有幾多句對白？除咗係不停咁「哼哼」冷笑。

16. 然後到高潮嘅「三英戰呂布」，十分呵欠，唔知係咪我年紀大，飛嚟飛去唔知做乜。我寧願睇返片首嘅黃巾張角

17. 仲有不得不鬧嘅係，個貂蟬絶對係亮點，但出得嗰一陣！噓！仲要由Janice Man配音，噓噓！

18. 又，我等麻煩友，當然花生睇下有冇讀錯字，似乎都冇乜。至少「汜水關」冇變咗「氾水關」。即係做人唔使太何文匯，唔使堅持「華雄」個係「話雄」（姓氏嘛）（＊），亦唔好堅持「太守」係讀「太瘦」。之不過，我相當懷疑，片中嘅「鹿血」係張冠李戴，應係「戮血」之誤，還請文史專家指教。我亦都懷疑「李傕」係讀「角」，唔係「確」，但小意思。仲有片中出現嗰啲……咩漢字？

19. 冇喎，其實「三國」電影幾難拍，拍電視較好，因為故事枝節太多，點取捨好考功夫。但即係我個人要求不高（你見我可以不停睇周生周太拍嘅戲就知），你拍到吳宇森「赤壁」咁我都收貨（呢套當年亦係萬人皆媽），周大導拎咗幾億budget，點都令人期望高啲吧

20. 話時話，咁多年睇，倒係N年前（超過三十年前）日本人拍過一套三國志真人電影，幾好睇的。不過就係拍到赤壁之戰之前就停，懶係預告有下集，明顯冇錢而爛尾。嗰時香港戲院都有上，時為91定92年，我在屯門睇的，應該當年都唔少人睇過。後來老豆再租LD 睇過！

21. 而最後都係要講，點解套戲要問日本光榮拎版權？並非咩大中華膠講話係「一部中国根据日本根据中国根据历史改编的小说改编的游戏改编的电影」 ，但根本，羅貫中都著咗草，斷估唔會追你版權。成套戲同隻game有乜關係？啲特技怕且冇版權下話？人物造型又個個都係咁整架啦（呢套個關公比較瘦）。

22. 定真係只係買個名，昆你班友入場？如果就咁叫《顯揚致朗三國志》（tribute to 橫山光輝三國志）怕你唔入場，叫《三國無双》就有入入場咁？但你肯定打機嘅小朋友會入場睇戲？

23. 即係叫豬肉飯就冇人食，叫豚丼假裝在日本就好聽啲咁？

24. 不過我估，呢著係聰明嘅，斷估日本人都唔會收好多錢，可能日本人收到 request都心諗：下？關我乜事。但應該因為咁昆咗唔少人入場

25. 而我就唔係，都話我從來冇打過三國無双（手遊就有嘅，但唔係嗰回事）。我就真係因為周大導個名入場呀！夠晒支持港（？）片。

26. 聽聞套戲在大陸票房都認真麻麻，咁當然你睇選角睇預算都知要靠大陸啦，仲要打五一檔，但睇怕都仆直？雖然好多人覺得大陸人品味差，但似乎都未有咁差，嘻嘻。

27. 最後，我見都唔少情侶入場（！），真係等我顯揚下啲陪男朋友入場嘅港女。辛苦了。

28. 係喎，係咪有人想屌我唔知寫咗啲乜呢。咁你不如入場睇下，睇下拍咗啲乜。我都想知我睇咗啲乜

（＊）雖然我一路好想知「華英雄」個姓點讀，係as in「中華英雄」定讀「話」。不過，既然華英雄個仔叫華劍雄，咁應該真係姓華，所以係「話」英雄。
＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費80，半年已1600人訂！ 畀年費仲有85折
＝＝＝＝＝＝＝＝＝＝＝＝＝＝

《陶國璋、趙善軒思想對話》試讀-2為何熱愛中國文化者不會是「藍絲」？親建制者的結構分析，從獅子與狼看民主的可貴！
全文請登錄PATREON
趙：陶先生，我跟你幾次的對談常常聊到一個說法。有的人會說：「你們站在西方人的立場、價值討論問題，都是「西奴」！」當我在聽到這些話的時候實忍俊不禁，因為我自己一向研讀甚多中國學者的書，其中有幾位對我影響甚深。余英時研究「知識人」和中國文化之間怎麼從古至今追求一種理想價值，到了今天轉而吸收一些西方文化，當中涉及到中西文化交匯的問題。[1]錢穆提出對中國文化要有溫情敬意[2]，但另一方面又反對一些殘害中國文化的政權。唐君毅解釋孟子所說的「無惻隱之心、無羞惡之心、無辭讓之心、無是非之心，非人也」所衍生的四端「仁、義、禮、智」，至今我還印象深刻。[3]他說惻隱之心的意思是對身邊的人，特別是一些弱者的同情、憐憫。一個人如果有惻隱之心而看見有人受到迫害，絕不無動於衷。[4]「義」即公平正直的心。在一個經濟發展穩定的社會，往往仍有少數人飽受壓迫。[5]當他們生活自由經常受到局限時，我們是否袖手旁觀？「智」是明辨是非之心，例如你怎麼去幫助一些遭壓迫者並站在他們的角度說話呢？[6]

關於以上種種問題我不單關心中國，更關心全世界不同地區。當然基於費孝通所講的「同心圓文化」下在程度有分別，畢竟這是像是漣漪一樣擴散，而中間那一波是我們核心之所在。[7]不過，香港往往有一些建制的支持者，特別是「深藍」人士[8]說的東西是完全跟中國文化所追尋的起衝突的，但是他們又能夠「理直氣壯」。有關此情況你會怎麼理解？

陶：這個問題很難回答。或者在身份認同上，有的人會很強烈認同自己是中國人，有的是香港人，有的根本是反大中華膠[9]等多種模式。剛剛有一個學生向我反映，說一些立場親建制的人士與其對談時覺得兩百萬人上街示威的行為是徒勞的。[10]一方面中國共產黨不會改變其立場，[11]另一方面於現今中國文化發展的階段進行這些行為是浪費心神的。這種悲觀的情調引起我的疑問和思考怎樣回應這一類所謂「藍絲」的言論。本來使用顏色把人予以定型頗為不佳，然因此代表符號方便，大家一聽就知道「深藍」的意思就是很強烈維護中國文化傳統、保持穩定，甚至對於政治體制要體諒、支持的一類人。

趙：但是我又覺得他們很多其實是反對傳統中國文化的。他們是比較支持目前的這個社會制度。我覺得這麼形容會合適一點。

陶：有幾個類型。我感覺有的就是支持中國這個觀念，但跟共產黨有點疏離。一部份人認為我們的國家繁榮強盛，已經站起來了。所以我嘗試條分縷析一下去回應。第一，中國其實是分開兩個層次的，我們以前也提過就是「文化中國」和「政權中國」。「文化中國」是歷史性的。[12]語文、習慣、風俗等等會令我們對民族有一種認同感。你讀李白的詩是比莎士比亞的詩親近，或者你遊長江、黃河的時候會比多瑙河更有體會。[13]我們繼而理解這就是一種具親近性的文化意識。[14]

「政權中國」我們應該說是共產黨一黨專政下的中國，這樣就來到回應的第二點，就是中國共產黨其實是有兩層的。一層就是毛澤東時期具有浪漫、烏托邦理想主義，欲達到共產世界的的共產黨。現在的共產黨自鄧小平「改革開放」以後，其實真的是向錢看，變成了一個利益集團。[15]

https://www.patreon.com/posts/tao-guo-zhang-si-47570895