《數碼暴龍LAST EVOLUTION 絆》，一套近期討論度十分高嘅電影，記載住一群8，90後嘅童年回憶。細個相信冇一個人冇睇過呢套動畫，科幻嘅背景再加上熱血嘅劇情，真係每日放學都要追住睇。
今次故事講述太一一班主角終於長大成人，準備要出嚟接受殘酷嘅社會洗禮，而呢個時候都終於嚟到咗同亞古獸分離嘅時刻，當中嘅不捨同不安感受的確十分真實，身邊睇過嘅朋友都同我講，睇完真係會喊，本身想睇男朋友喊，點知原來自己都眼濕濕，仲帶點唏噓...
其實《數碼暴龍》就好似現實一樣，主角們代表著我哋每一個，而亞古獸佢哋就代表住我哋嘅童真同美好歲月，人越大我哋就離佢哋越遠。
好諷刺嘅係，睇過《數碼暴龍》嘅大細路們，返到今日嘅現實，我哋亦無奈都要承認自己原來先係被大時代選中嘅細路。無論我哋幾想逃離現實，幾唔想面對佢都好，呢個好似01入面嘅啟示錄獸終極Big Boss都終於要登場，一步一步咁向我哋去邁進。我哋亦都冇退路同埋冇得避，只可以喺呢個時刻苦笑一笑咁同自己講：「原來我哋同太一一樣都係被時代選中嘅細路。」
#要嚟嘅總會嚟 #數碼暴龍都係人生大道理 #長大之後我哋就係自己最強嘅後盾 #捍衛自己珍重同愛惜嘅一切要靠自己 #香港人都係命運共同體  #大人睇卡通片總係特別唏噓 #從卡通動畫學到愛 #愛 #愛情 #愛情語錄 #女朋友 #男朋友 #女生 #男生 #兩性 #兩性關係 #拍拖 #拍拖活動 #love #lovequotes #girlfriend #boyfriend #relationshipgoals
.
.
記得Like 港式情侶 HKstyleCouple ，多多支持，多多指教！
.
.
| 追蹤我們・FOLLOW US | 1/ FACEBOOK - 港式情侶 HKstyleCouple 2/ INSTAGRAM - https://www.instagram.com/hkstylecouple/
