《石門超多好嘢之食高質蛋包飯超正多國菜餐廳。鴛鴦奶茶》
吃貨我覺得自己都幾幸運，每次轉新工公司附近都有好多好嘢食，今次新工作嘅辦公室響沙田石門，一開始聽見石門我係接受唔到嘅，我記得兩年前嚟過石門係非常之荒蕪乜都冇得食，以我咁鍾意食嘢真係非常之唔開心😫點知我返工第一日發現石門完全180度轉變左，見到超繁華，呢度竟然百花齊放有超多唔同種類嘅餐廳開咗，豐儉由人任君選擇。所以lunch就同同事四周圍去食，未試晒所有嘅餐廳，嚟緊我都會繼續食唔同嘅餐廳喺度同大家分享！
今次呢間鴛鴦奶茶係我和同事們最近嘅新寵，十分推介俾大家。其實佢都係一間對面工廈內嘅餐廳，格局似豪華版嘅大家樂，空間夠大而且都算坐得舒服，最緊要係唔算難搵位。有水牌介紹，由購買到拎食物，同埋食完還盤都係全自助，雖然係咁，但係都會俾佢食物嘅質素所震懾而愛上呢一度。
佢嘅價錢大概50至$70到，午餐算中上價錢，不過佢嘅食物都好多國同埋多元，由西餐焗飯鋸扒去到日韓美食都有，因為我哋同同事都呢給個禮拜成日去食，基本上大概可以話比大家知邊啲係推介，邊啲麻麻地。
佢呢度嘅招牌就係日式蛋包飯，我覺得入門級一定要試佢嘅咖哩流心芝士漢堡扒蛋包飯($60)！佢嘅蛋包飯做得絕對出色，造型上已經好吸引到眼球，蛋皮啱啱好包住入面嘅炒飯底，炒飯仲可以加底唔洗錢！啱晒我呢啲大胃王！重點係佢嘅流心芝士漢堡扒，扒唔算好大塊，但係足料夠厚實，用叉一拮！嘩！會爆啲芝士出嚟㗎！真係好正！漢堡扒幾有口感，肉味都幾濃郁！加上日式甜咖喱，成個蛋包飯有一種好夢幻好幸福嘅感覺！😍😍我連續食咗幾餐都唔覺厭呀！
佢嘅蛋包飯仲有其他口味，好似比較辣少少的咖喱牛腩蛋包飯（$58）呢款同樣私心推介！牛腩超多而且炆得夠林，又有咬口，我覺得好味過大X活啲咖喱🍛
另外我的私心推介就係有韓式泡菜雞肉飯（$56），次次嚟到都賣晒，我心諗有乜嘢咁把炮，於是有一日我早過12點半食lunch就自己去試，嘩真係不得了！佢用木板上啲泡菜雞肉，附上韓式三小碟，感覺都幾大份，啲雞肉真係好似用泡菜醃左成晚入晒味，佢嘅泡菜唔算多但係嗰張夠辣又夠甜，我唔食得辣都覺得好過癮！絕對適合鍾意食韓國菜嘅人👍👍👍🙇🏻♂️
不過佢都有啲嘢我哋覺得好普通，好彩同事試完話俾我哋知可以唔使試😂。例如焗飯同事試咗幾次都話麻麻地，白汁焗飯冇乜味，鴛鴦焗飯普通冇乜特別，希望將來有機會再試埋其他的餐再向大家分享😊😊
店名：鴛鴦奶茶
環境🏝：7.5/10
服務💁🏼♀️：7/10
價錢💰：8/10
食物質素🍝：8.8/10
整體🙆🏻♂️：8.2/10
地址:
沙田石門安心街19號匯貿中心地下1號舖
#吃貨玩樂
大家樂招牌焗飯價錢 在 【招牌焗飯又有新成員喇 】... - 大家樂Café de Coral | Facebook 的推薦與評價
白汁芝士焗海鮮飯, 是否等於芝士焗海鮮飯? 午市是否售價為HK$45元, 而晚市則為HK$50元? 若兩者是一樣, 而外賣裝又是一樣的話, ... <看更多>