深宵有感而發，呢大半年因為疫情關係，多咗好多網上嘅客人。瘋亦好感激唔知邊幾位咁睇得起我，數度將瘋啲片些牙去啲WhatsApp抗疫群組度，令到好多人搵我處理口罩肌同敏感問題。呢段日子，除咗強化咗瘋治理皮膚問題嘅功力之外，都將我嘅EQ推到昂坪360咁高！
咁我公司嘅產品，有某啲品牌就唔係剩係得本店出售嘅，個市場咁大，冇理由乜都係獨家架嘛，咁都好正常啦！而價錢上，有啲舖頭比我地賣貴少少，亦都有啲會平啲，同樣都係好正常呀！問題係，有啲人sss （有幾個s係因為真係唔止幾個人）真係好意思喺第二度買完，再叫我地跟進佢皮膚... what？！當然，作為一個消費者，你唔會諗間鋪營運嘅成本，唔會諗對方專唔專業，會去平啲嘅地方買，都係無可厚非。但你冇理由輕視我地嘅售後服務，喺第二度買完再嚟請教我地呀嘛？重點係，呢啲人sss係一次都冇喺我地度消費過！我真係理解唔到做乜要提供冇完成售出嘅售後服務俾你！我地從來都唔係用「平」去做賣點，而係用心嘅分析同售後服務！
唔奢求所有人去理解，但近年喺我地度買過嘢嘅顧客一定會明！至於嗰啲俾晒詳細分析你之後唔買嘅，梗係唔會燥你啦，你有權利選擇買唔買架嘛！只要你唔好痴線到，跟我俾你嘅建議，喺第二度買完再返嚟問我地點用就得架喇！多謝大家收看！
#唔好同我講話乜嘢解答咗啲人之後就會有機會成為客人
#個世界係咁美好嘅話就唔會有藍絲啦
#bytheway外國好多貨嘅運輸都cake住晒
#想拍低俗護膚都真係有啲困難
#大家稍安毋躁返咗新貨瘋就會拍片架喇
大家稍安毋躁返咗新貨瘋就會拍片架喇 在 hkmovies-sentiment-classifier/train_set.csv at master - GitHub 的推薦與評價
POSITIVE_COMMENT,"是次睇完，再追返舊果套，都係今集新好睇啲！因為舊果套個女主角無表情。。" POSITIVE_COMMENT,"I got high expectation of the movie. After watching ... ... <看更多>