剛剛講完一通電話，代價是港幣五千元。
電話內容跟商業訴訟有關，我們 (我和同事) 需要聽取一位大律師的意見。律師是初創老闆的朋友，不是我選的。
對大律師收費有些概念的話，你會知道 HK$2500 per hour 絕對算平。
留意，我係話平，唔係抵。
我是一個名牌主義者，而很多人對名牌主義者的指控通常都是「浪費金錢」；剛好相反，我認為名牌主義者最懂得慳錢。
理由好簡單。
舉大律師為例。
想找個好的，便找個貴的，講完。
咁又平又靚有冇呀？我未遇過，但我肯定又平又靚是存在的，只不過找到的機會率可能跟贏一舖 roulette 差不多。
有啲人會唱反調：「唔係喎，我搵過啲收得平嘅，冇問題，幾好呀。」
其實呢，剪頭髮嘅道理而已。你要剷個 skin head，搵個三十蚊同搵個三千蚊梗係冇分別。意思即係，如果你個 case 係 99.99% 贏面，傻嘅都識打，那當然找個平的也能勝任。
但如果你的 case 是需要講策略的，那就奉勸你，一定要找個貴的，因為找個平的，只會輸掉你的時間和金錢 or in the most horrifying scenario，輸掉你的人生。
搵個平嘅，最慘係點樣？
以前試過有單交通意外，我架車畀人撞到接近 total loss。撞我那位，不但是過雙白線，還要酒精超標很多倍。以為自己贏硬，點知最後結果係大家都有 negligence，仲要係我嘅 negligence 大過佢嘅negligence。
對方搵嗰位律師，我不會開名，因為以他的知名度，實在不需要我幫他宣傳。至於我用嗰位，好似已經轉咗行做保險。
你明白我的感受嗎？
想剷個 skin head 啫，以為好簡單，點知你剷到我流血。
寫咁多嘢，中心思想都唔係叫大家做名牌主義者。
我只是想表達，你付不起錢找名牌沒所謂，但千萬不要做一個明知自己付不起錢也去找個名牌然後跟名牌說「可唔可以收平啲」的 cheap 精。
唔係想講「你侮辱人哋之餘亦侮辱緊自己」呢啲咁 leung 嘅道理。
而係。
如果你本身不是名牌，便嘗試做一個名牌吧。
要是你沒有做過名牌的話，你今生今世也不會明白「臭寸」和「名氣」的分別在哪裏。
大律師收費 在 律師收費大不同「名氣、技巧」價差兩倍｜三立新聞台 - YouTube 的推薦與評價
... <看更多>