夏天時侯，疫情似乎未有回落跡象，但我同女朋友岩岩考完公開試正值等緊放榜，都希望放榜前可以去玩下放鬆，基於我地學生哥無咩錢關係，市區酒店又無咩渡假感覺，於是我提議去長洲住返晚。
但女友對於我呢個提議似乎唔係太同意，因為佢話長洲玩係可以，但如果要住嘅話，就要住長洲入面嘅渡假屋，話聽人講好猛鬼所以唔係太想去。
對於女友嘅無知我有時真係得淡笑，我話：「如果長洲咁多鬼，就唔會次次假期入面都爆哂棚喇，同埋我唔想住好啲咩，呢家假期酒店好貴，無錢係要將就下架喇，鬼好驚咩？窮仲驚！」
雖然女友唔係咁情願，但見我咁堅持都同意一齊去。
於是我就上網Book定渡假屋，由於假日關係，好多都已經爆哂，得返比較冷清嘅「東堤小築」，我見到個名都眉頭一皺，雖然我未去過呢個地方，但我都聽過呢度出名猛鬼，因為唔少人喺到燒炭自殺。但無可奈何底下，唯有照落訂。
出發事，我專登Google一下東堤點去，順便實景望下間屋係點，望兩望，見到其中一間屋嘅窗好似有個人望住我，於是我用滑鼠移去個度放大睇一睇，見到一個模糊嘅男人樣一直望住我，我閉上眼再張開睇一睇，本身見到個男人樣變成一堆模糊畫面，男人樣隨之消失，呢下令我個心有少少怯。
好景不常，同女友出去時侯，個天落住傾盆大雨，明明中午時份，但已經天陰陰，而且仲非常凍。
「咁大雨，不如下次先去？」女友說，但我深知佢唔係因為大雨而卻步，而係佢怕住長洲。
我反對說：「都比咗訂，無得拎返架，落雨姐，擔遮行都得喇。」
好快，坐船期間，天文台就掛上紅色暴色警號，海浪不斷拍打船身，令船身搖來搖去，有時向上向下嘅離心力，令到女友怕得捉緊我，見到佢咁，我突然有種歉意，明明成件事都係開心事，但自從提議去長洲住一晚後，女友就經常擔驚受怕，唯有呢兩日好好對佢。
落船後，雖然假期，但可能大雨落足成日影響，街上無咩人，我同女友雖然擔住遮，但雨大得令我地都濕哂。我地去咗check in，我望到張紙，零零丁丁得幾戶人訂咗，估唔到咁唔受歡迎。
老闆望一望我，見我地年紀輕輕又係情侶，就問：「你地純粹嚟玩定係嚟做啲咩架？」
我唔係好明佢意思，嚟呢度唔係玩仲有咩做？
最後，老闆都比咗鎖匙我地，並加句：「真係玩就得，唔好攪其他嘢。」
事後我地一路沿海灘走去東堤，女友問：「老闆係咪會驚我地燒炭自殺？」
我無言以對，一直攬住女友擔住遮走。
去到東堤，渡假屋比我想像中殘舊，而且天陰陰底下缺乏燈光，加上得幾戶人住，顯得整個地方都冷清陰森，呢點已經令到女友好唔舒服。
（點圖看全文）
多多比like同支持
