終於一試呢間Duck & Waffle
個鴨真係整得幾好食，前菜都有啲特色，唯獨是真係唔太啱小朋友食🤣🤣🤣 如果有多啲款式就更好~
是日最愛foie gras creme brulee，真係有creme brulee既焦糖面但裡面係好香既鵝肝味😋
可以再encore，但一定唔會再帶小朋友去...😅
好食前菜 在 心意媽媽生活手記 Facebook 的最讚貼文
同時也有1部Youtube影片，追蹤數超過3萬的網紅MEeeep More，也在其Youtube影片中提到，好多時去酒樓都會叫個醉雞做前菜，呢味來自浙江嘅美食，原來一啲都唔難整，今日就同大家睇下！ 首先睇睇所需嘅材料： 雪藏雞髀扒 2 件 紹興花雕酒 300 - 350 毫升 浸湯料： 黨參 2 片 / 7 - 8 粒 杞子 10 餘粒 雞粉 半茶匙 鹽 半茶匙 糖 一茶匙 水 20...
好食前菜 在 Meeeepmore Asia Facebook 的最佳解答
好多時去酒樓都會叫個醉雞做前菜，呢味來自浙江嘅美食，原來一啲都唔難整，今日就同大家睇下！
Alfred Mak 麥卓華
#醉雞 #醉雞卷 #好食前菜 #簡單食譜 #生活部落格
好食前菜 在 小斯 Facebook 的最佳貼文
【美利酒店Review】
其實之前都住過The Murray 美利酒店，岩岩我又住完黎，所以終於的起心肝同大家打返個review！
總括黎講The Murray 我自己好鍾意，因為我係個啲好鍾意宅喺房耍廢一日既人黎hahahaha 而The Murray個電視同燈槽位我就非常滿意，我成日會形容佢係一個私人影院咁～訓喺到睇一日電視真係非常舒服hahaha 好！逐樣野講先！
🏨大堂
The Murray大堂位置前身係停車場，改咗做大堂之後整個感覺現代咗好多，一啲都唔俗氣！等緊check in個陣仲見到好多高貴太太推住啲狗仔真係好正😍 同埋門外面都有好多靚車咁！有靚車又有靚狗睇真係身心舒暢！提一提大家，酒店係有得免費泊車架！
🛁房間
我自己就住過N3同Signature Suite！
N3的話就唔係套房黎！但都已經係一間538呎既房！然後係望住聖約翰座堂咁！如果budget唔夠都可以book N2！因為個重點都係個廁所呀！佢個廁所真心靚！黑白雲石配合金色設計，打卡一流！而且記得要玩下佢個透明玻璃，撳個掣就會變透明，真心好玩！
而個廳方面佢啲燈槽係做得好好！而又可以調光暗，可以營造返唔同氣氛！電視又超大，又係smart TV，本身已經有堆戲睇，唔需要自己再另外帶野去駁黎睇！唯一唔好係張sofa太細！而且唔係L型，無得啷腳！個sofa位亦唔夠高，無得挨住咁！所以就要拉前前面張枱黎啷腳haha
要解決呢個問題，就要直接訂Suite！咁個sofa位就會大好多！但都係無L字頭sofa (我都知我好煩hahaha) 同埋廁所個擺位會唔同咗，大好多但無得直接正面望住個浴缸，我覺得無咁打卡able！但塊透明玻璃大塊好多！又可以玩好耐，哈哈！
🥘餐廳
The Murray既餐廳我都食過幾次！包括係頂樓既Popinjays、花園樓層既The Tai Pan同Garden Lounge！
我就建議中午可以去頂樓既Popinjays食！lunch係一個semi buffet黎，基本上食buffet部份既野都已經夠飽！個main當然都好食！上次我食咗個鴨腿就好好食！同埋佢出面果個開揚中環景都係打卡點黎！
至於晚餐我Popinjays同The Tai Pan都食過！Popinjays夜晚雖然係好靚，但我覺得佢個dinner細份咗啲，可能始終都係for大家夜晚黎飲野啦！所以我覺得食The Tai Pan好啲！大大份好好食！前菜個沙律都勁飽！然後個XO醬魚又勁好食！食飽飽再上Popinjays飲野睇夜景堅係一個好好既行程！
🥂Murray Lane
本身The Murray就無貴賓室既，但就開放俾book咗N3或以上既住客一個chill既地方，佢12:00-17:00就可以坐喺入面嘆咖啡、香茗及汽水！到咗5點半至8點就不得了，酒鬼要出動了！因為有無限既Prosecco、特選餐酒、果汁及汽水任飲！所以喺到飲兩杯都已經回本了！
🍎早餐
The Murray個早餐唔好睇佢個位置的的骰骰咁，只係Garden Lounge同The Tai Pan中間果個位置！但野食超級多！粥都有3款，包就唔使講，基本上你up得出既都有！又有麵豉湯！然後我自己就最鍾意喺The Tai Pan個邊食！因為花園個邊又係有好多狗仔𥄫！邊食邊睇狗堅開心！
🍰下午茶
The Murray真係食到停唔到lol 12月仲有個聖誕下午茶添！個tea set既主題會以紅紅橙橙為主，所以會用多咗紅莓、蔓越莓、蘋果、士多啤梨醬同洛神花血橙醬等等！等大家打卡打得開心啲！同埋。。。坐花園個邊又係有好多狗狗望呀！真係好正呀！真正係又食又望！
💎現時package
想去The Murray chill下的話，現時就有以下優惠！記得優惠去到12月23日咋！
$2,800起包 (另收加一)
- 一晚住宿
- 雙人早餐
- 聖誕下午茶
- 一枝意大利氣泡酒！
- Murray Lane享用精緻小食、Prosecco、咖啡、香茗及汽水 (供應地點視乎情況而定)
-免費酒店停車位一個
另外仲有個美利酒店餐飲禮券高達6折優惠！咁就可以買埋啲禮券黎解決埋夜晚個餐啦！
👉詳情：flyformiles.hk/26058
🎁預訂網址：https://bit.ly/MurrayMerryDecember_FlyforMiles
💋訂購禮券：https://bit.ly/DiningGiftVoucher_FlyforMiles
好食前菜 在 MEeeep More Youtube 的最佳貼文
好多時去酒樓都會叫個醉雞做前菜，呢味來自浙江嘅美食，原來一啲都唔難整，今日就同大家睇下！
首先睇睇所需嘅材料：
雪藏雞髀扒 2 件
紹興花雕酒 300 - 350 毫升
浸湯料：
黨參 2 片 / 7 - 8 粒
杞子 10 餘粒
雞粉 半茶匙
鹽 半茶匙
糖 一茶匙
水 200 - 250 毫升
首先將雞髀扒解凍，之後用少少鹽、雞粉同埋少少紹興酒醃大約20-30分鐘。
等緊醃雞嘅時間，就可以煮浸湯料。將所有湯料煮滾，之後放入一個玻璃器皿，攤凍一陣就可以放落雪櫃。
跟住將雞髀扒放喺錫紙上面，再好似我咁卷實，將兩邊錫紙扭實，將呢兩條錫紙雞卷放入一鑊滾水入面，之後冚蓋同埋轉中細火，煮25-30分鐘。撈起之前可以用筷子篤一篤雞卷中間，篤得過同拎出來後無血水就即係已經熟透。
之後可以將包左錫紙嘅雞卷放入冰水入邊降溫，之後拆開錫紙，將雞卷放入雪凍咗嘅浸湯入面，再加入300-350毫升嘅紹興花雕酒，最好浸過整個雞卷，之後就可以冚蓋放返入雪櫃，雪最少8-10小時。
夠時間之後拎返出嚟，用刀切成薄件，上碟排好，再加入少少浸湯，咁就完成喇！唔止好食，賣相都一流㗎！
