關於 孖寶抽氣扇 ，我們在網路上蒐集到這些相關的討論、資訊與評價

係時候開始大掃除喇～😆接受萬潔靈大掃除challenge一齊殺晒啲細菌病毒🦠去漬除塵✨乾乾淨淨，一家人身體健康呀💪🏻

🍽由最難清潔嘅廚房開始，我用萬潔靈呢兩款廚房孖寶！勁頑固嘅油漬污漬，甚至細菌都輕易清到呀‼️

🧼廚房萬潔靈🧼
✨強效溶解油漬，比多用途清潔劑高8成去油力，而且殺菌99.9%‼️青蘋果味氣味清新唔難嗅🍏噴一噴靜待一會，而且啲泡沫容易滲透罅隙，唔使用刷捽，用布一抹頑固油垢都容易抹走！爐具即刻立立令呀✨
👉🏻可用係抽油煙機，爐具，抽氣扇，磁磚牆身等

🧼萬潔靈廚房漂潔液🧼
✨去漬除味殺菌99%‼️氣味唔刺鼻👍🏻開水浸一浸抹布、茶杯、食物盒，頑固斑漬，輕鬆一漂即走😍廚具、砧板、垃圾桶等⋯ 一抹除味殺菌🦠廚房變得潔白衛生啦！

可以係度買👉🏻 各大超級市場、各大藥房、萬寧 (網店及指定店鋪)、屈臣氏、SaSa、 AEON、APITA、UNY、Yata 一田百貨、DON DON DONKI 、LOGON 及HKTVmall👉🏻bit.ly/35MbgJ2

#萬潔靈challenge #殺菌去漬除塵 #輕鬆大掃除 #廚房萬潔靈 #萬潔靈廚房漂潔液
花王家居潔淨日誌 - 潔霸/萬潔靈

【 火速救兵IV／第三集超級精彩！！】
《火伴》「五星廢仔戰隊」 洪助昇 Aiden Hung 介紹：http://bit.ly/2RdVOf8

勁好睇，真係勁好睇！

《火速救兵IV》剛於周六晚（27／10）播出第三集 ── 由張飛帆、林曉嵐編劇；魏嘉珩、黃珈琳、張璐勁擔任助導；伍自禎執導的〈生死時刻〉，故事乍看三綫並行，人物眾多，觀眾起初或者會覺得有點混亂，其實真正的故事主綫只得一條，就是在「鐵扇山」救人事件實錄，論整體質素，〈生死時刻〉不比由 Vicky Wong 黃偉傑 - 導演 執導的〈火伴〉來得差，而是一樣高水準，沒有跌Watt。

〈生死時刻〉頭兩條綫，旨在帶出今次單元兩個主要角色 ── 在一間廢校中找到一條八歲男孩韋安哲的屍體，帶出由 Sammul Chan 陳鍵鋒飾演的坍塌搜救專隊隊長楊志；而在消防及救護學院中，一名教官從天台向下方的學生吆喝：「點呀？你想點呀？你用下降器收馬繩索，唔係做上升下降狀態轉換！」他是由王喜飾演的高空拯救專隊隊長李文傑。楊志和李文傑彼此相識，皆為人夫，兩位太太Michelle和阿珊（ 楊淇Kate Yeung 及 Crystal Leung 梁寶琪 飾）亦已懷孕，前者幸福，後者卻不，因為醫生已確認阿珊十月懷胎誕下的寶寶，在唐氏綜合症篩查抽血檢查呈陽性反應，阿珊對於丈夫堅持要留下骨肉大感不滿，因為她只想生一個正常孩子。就在此時，他們收到通知，指鐵扇山上有人被困，而颱風哈密瓜即將襲港，消防員接報後到場搜救。

這是第三集和第四集的故事重點。

山雨欲來，兩位行山人士 ── KaKi Sham 岑珈其和 張蔓姿（劇中沒有名字，只叫兩名傷者，哈哈哈！）於行山時，因張玩自拍而誤墮山澗受傷，無法行走，結果二人被困山頭，未幾，颱風打到嚟，天氣極速轉壞，狂風暴雨下，他倆只能在山澗旁食風，無遮無掩，衣衫盡濕，體溫不斷下降，隨時有生命危險。就在此時，由 A.Chow 周祉君 飾演的高級消防隊長馬惠民，與 劉俊謙 飾演的消防隊目Patrick，分成兩隊，在山叢林中搜索，前者帶領孖八（ Wong Yat Ho 黃溢濠飾 ），後者有烏鴉（ 林家熙飾 ），可惜行動趕不上風速，當Patrick找到兩位傷者時，天文台已轉發十號風球，水澗迅即變成急流，風勢更烈，Patrick以及兩名傷者同時被困，雖然攀山拯救隊長尹承峰（ Ben Yuen 袁富華飾）找到他們，但因為戶外環境情況惡劣，不斷有洪水湧至，結果所有人都被困，生死關頭，就連對講機也沒有電，尹Sir高呼「Mayday」（國際通用的無線電通話遇難求救訊號，發出訊號時必須連呼三次，源自法文「venez m'aider（速來援助）」的「m'aider」改為音近的英文單詞「Mayday」而得名）。

如果說頭兩集〈火伴〉極具真實感、電影感，今次〈生死時刻〉一樣有這種感覺，風狂雨癲刺痛了臉，那種從畫面上呈現的災難感覺非常貼身，氣氛緊湊，香港到底有多久沒有拍出這樣出色的劇集？觀眾看着看着，更會自我代入，真切體會到消防員及救護隊伍是何其勇敢、專業，帶出正面宣傳效果。好了，說到正題，到底這些畫面，是怎樣拍出來呢？於是就在這一集播出之前，我專誠訪問馬Sir，亦即是在劇中講嘢好大聲，講到青筋暴現、面容扭曲的周祉君。（山洪暴發點樣拍，確實要再問問導演！）

他聽完我這樣問，深深嘆氣：「嘩，嗰日真係凍到……！」時為2018年3月底，時間為黃昏六時，取景的地方在西貢北潭涌。祉君解釋，因為要拍落雨戲，濕身難免，只是沒有想過體感溫度這麼低。「我同濠B兩個嘅戲份係，一開始微微雨入面去搵搜索隊，劇組都問我哋要唔要包保鮮紙，其實我哋上身已經着咗Wet Suit（潛水衣），我哋覺得話唔使啦，都係微微雨啫，然後去到風機一出，要拍狂風大雨喇，嗰吓就真係好凍囉，我哋18開始拍，然之後去到第二朝07，我同濠B（黃溢濠）九成時間都係濕身，凍到導演一叫Cut機，我哋就全身喺度震震震，但一Roll機呢，就要忍住，因為要講對白。」

祉君擔心我不明白，於是從WhatsApp發送短片給我，原來劇組為了拍下雨戲份，租用水車開花灑。「一開始係微微雨，都係佢哋架水車做嘅，效果就好似TVB平日Book咗水車拍嘅落雨戲咁囉，但去到後尾要拍打風，要開埋風機，係真係好似十號風球咁大風，而且啲水量係比微微雨多大約四至五倍左右。」夏天返工遇着落雨渾身濕透，再回到公司吹冷氣，你也明白有多不好受吧，更何況是濕身拍劇逾10小時？周祉君是大隻仔，身體尚且頂得住，「慶幸我第二日冇事，都仲撐到再做嘢，濠B第二日就病咗。我唔知其他人點，我聽講珈其同阿Gigi（張蔓姿），之前一晚拍淋雨戲都好慘，你諗吓佢哋嗰晚仲要冇Wet Suit。」

吓吓吓？事緣拍攝第一日戲份，劉謙、Locker（林家熙）、Ben Sir（袁富華）、王喜、Gigi和珈其等人在沒有穿上Wet Suit拍劇的情況下，凍到High High，於是劇組隨即為第三日（夜晚）需要演出的藝人準備Wet Suit，但仍然凍到口齒不清，不過整個過程最令周祉君深刻的，是一班在現場陪同拍攝的真．消防員，「我覺得最犀利呢係佢哋，佢同我哋一齊淋雨，一齊拍嗰場暴風雨戲份，冇着Wet Suit，之後有幾個拍拍吓仲要走咗去當更，呢吓真係令我好感動。」我睇完第三集，都覺得很感動很激動很開心，因為2018年的香港，總算有一套叫香港人感到自豪的港劇，在此感謝整個《火速IV》的製作團隊，想重溫，可以按此：http://bit.ly/2AviJgc。

（28102018）

＃游大東 ＃游大東影視筆記 ＃火速救兵IV 香港電台《火速救兵 IV》 RTHK 香港電台 快樂的 思想。影視隨筆 One Cool Artist Management 天下一藝人管理 Triple S Artiste Management Dumb Youth #王喜 Tim Lui ＃港劇 講劇時辰到 講劇大時代 我睇咗啲乜嘢 Crazy Gemini Written on the Wind（電影資訊）A.Chow 周祉君 gregory wong 王宗堯 陸駿光 Alan Luk Fish Liew 廖子妤 陳鍵鋒-鋒迷全球粉絲團 Sammul Chan-Global Fans Group

最後的男花旦

江毅叔走了，享年77歲。這是2011年壹週刊的訪問，以茲懷念。
//「演戲真好，如果生離死別也是做完便算，多好。」//


變身男女 chok chok chok

豪語錄 余家強
刊於1118期《壹週刊》

據說，男人扮女人便會很搞笑，愈爛笪笪愈唔似愈好。 遺忘世間有樣東西叫藝術。 江毅，可能是最後一個專業地雌雄同體的演員。一扇在手，紙扇師爺之扭計、葵扇大妗姐之八卦、羽扇諸葛亮之睿智、孔雀扇貂蟬之風華絕代，一氣呵成。唯獨團扇，「太少女，扮不來了。」他說。 手弄生綃白團扇，扇手一時似玉。 —— 蘇東坡《賀新郎》 攝影師慨嘆，江毅叔的十指竟比幾期前《豪語錄》拍過的吳彥祖更滑溜。「今年十月便八十啦。」男花旦遲暮，比真女人倍傷感，一邊把玩着化妝小姐帶來的胭脂。 「似就係嘅咩？」原名鄧兆怡的他始終拒絕「出櫃」：「依家開通啲啫，畢竟實無好結果。」同志後輩們失傳的，還有矜持。

Billy

老戲骨復出，全賴《竊聽風雲2》。電影恍如《大時代》，當年江毅演陳萬年，在辦公室被捕執包袱一句：「交易所所有嘢都係我創辦嘅！執乜鬼？」影射哪條大鱷呼 之欲出。股票戲怎少得他？因為他就是。 「六十年代我在會德豐旗下投資公司做，專炒美國股，兩台機器由大東電報局專人操作，成個account department最年輕我，就叫Billy仔吧，Billy the Kid。」 記者想起黎智英初出道叫Jimmy。 「六三年堅尼地總統（通譯甘迺迪）遇刺，孖展客冚家ling~~」發個ling音條脷曉震，他解釋：「粗口唔出得街嘛，乜得你咁笨實——再說有個神父都輸到眼光光，見唔對路，上司又受刺激中風，那時我已很迷業餘話劇，不用開夜一收工便到澳門清平戲院演出。股票咁危險，不如全職當演員。」 人生無常，來到今次《竊聽風雲2》，年初四去寶福紀念館，未收劇本，先路過驚見胡楓的大相掛於其中一間靈堂，江毅說：「乜阿修（胡楓原名胡繼修）咩咗？他與我同年，他一月我十月呀。」身旁的曾江茫然說：「原來你大我三歲……」後來才弄清楚首場拍拜祭戲。 「演戲真好，如果生離死別也是做完便算，多好。」

大票友

江毅成名作叫《花旦英》，卻未正式學過粵劇，世家子弟，自有 老倌給你偷師。 「二伯父是戲迷——家陣話天水圍南生圍，那時我家在中山就自己有一個圍，收租收到手軟。拍《京華春夢》，王天林說江毅抽鴉片最似，梗係！我啲叔伯全部食， 自細見慣。」 抗戰避亂澳門，看大戲更多了，葡萄牙屬中立國，日軍沒染指，伶人都躲到那處。江毅見識過紅線女如何由三幫花旦捱起，在美國樓飲咖啡目擊芳艷芬好友廣州總探 長李彥良遭仇家槍殺…… 「任劍輝長霸平安戲院，除非她休息，第個無得演，因為她先生是黃蘇，黃蘇好霸道。點解我知？因為黃蘇元配的女兒是我培正學校同學。有個鑼鼓師傅叫江湛—— 我藝名也為紀念他——那時鑼鼓好大權，有個後來海中無魚蝦自大號稱名旦的，次次鑼鼓停了碎步還未完，師傅嬲起嚟，竹棍一扔，丟了聲就走人，你話個花旦幾 渣，其人尚在生，死了告訴你。 「我年紀大，看戲早，記性好又直腸直肚，好多人多得我唔少。」 記者想起江毅演過的柯鎮惡曰： 古往今來的人物，有的流芳百世，有的遺臭萬年，豈能塞得了世人悠悠之口？ —— 金庸《神鵰俠侶》

遙遠的她

那年頭二世祖，又變憤世嫉俗的，通常經歷過家道中落。 「現在中山步行街，一列鋪是我鄧家嘅！市政府要拿出民國時的土地證，清朝光緒張契仲喺度呀！你們不是推翻國民黨嗎？怎麼又要它的文件？駁到個官員無聲出——咁梗係攞唔番笪地啦……」 在鄉下，江毅有個盧家大小姐，自幼竹門對竹門訂下婚約，共產黨清算，全家鬥死。 「老豆一早帶我們走難，事後聽堂伯娘說，連後花園都剷起，以為埋藏黃金。根本錢在錢莊，已被凍結，只掘出一把左輪，本來用以傍身的。」 來到香港，無錢成家。「識個女仔，她媽媽質問我：『戲行出得幾多個謝賢？』轉頭又話搵到個女婿有車的，原來揸噸半貨車，個女嫁咗都去大大公司做售貨員。」 他也賣過國貨，幼承庭訓識得分煙台繡、玻璃紗，咁又點。 記者想起江毅演過的阿Q曰： 我們先前比你闊的多啦！ —— 魯迅《阿Q正傳》 「最陰功有個，拍拖時就奇怪：點解撞一撞硬係唔散瘀的？到港中醫院一驗，血癌，無咗嘞。她父母說，她家姐未結婚，不如……我接受唔到，黐線！」

莫痴心

是否由此轉了性不得而知，「反正全香港入咗你數啦江毅叔？」我問。 「難道以前的男花旦冚棒冷都係？點解戲班中以男花旦武功最強？防身呀！梅蘭芳都領過嘢，啲軍閥要你妝也不卸便陪消夜，無兩三下散手怎自保？那套《佛山贊先生》我演梁二娣，梁二娣正是詠春祖師。」 追問：「聽說陳百強和張國榮好尊重你？」 江毅說：「他們梗係尊重我，我話你哋好自為之。你又要叻過我，我又要叻過你，佛學來說，地獄裡面叫修羅界，很痛苦的。兩個不咬弦，鬥得好犀利。 「Danny十九歲我就識佢，因為他爸爸愛唱粵曲，有隊私人樂隊。Leslie出咗名啦，我話：『我唔會同你哋玩到癲，依家開通啲啫， 始終香港人未接受， 你又夠膽公開。』 「即使異性戀，離異離婚也分分鐘；而男仔個心最野，結果好難o架。Leslie走到加拿大最隱蔽地方個私竇都俾人摷出嚟，有眼睇，千祈唔好痴心，放感情落去實死。」 記者想起江毅演過的東方不敗——應該算武功最強的同志——曰： 倘若我生為女兒身，那就好了。 —— 金庸《笑傲江湖》

花旦是我

如果一味扮女人，江毅的藝術不值得大書特書。七二年加入無綫，他演過阿Q、《逼上梁山》的宋江、《龍虎豹》（別心邪）律師何守信是龍、記者石修是虎、小販江毅是豹，七十年代版《怒火街頭》。 那個百花齊放good old day，性格演員也能擔正。往後，江毅自嘲愈撈愈霉，到九五年，拍枱走的——「江毅你唔夠show喎？」「你無嘢俾我做，實唔夠o架。」「唓你去得邊？」 於是攞長期服務金，計七四年正式入職。「咁都扣我兩年，一年只俾多一個月吧。」 江毅珍藏一張劇照，《戲班小子》，他全副武裝穆桂英，劉德華站身後扮士兵。「華仔求我曬一張給他，我死不肯說：『花旦是我，你係兵啫。』」

讓雀仔飛

絳紗弟子音塵絕， 鸞鏡佳人舊會稀。 今日致身歌舞地， 木棉花暖鷓鴣飛。 ——李商隱《李衞公》 江毅視如子弟後輩的Danny和Leslie都不在了，老去知音較昔日難。據說，獨養鸚鵡千萬莫照鏡，否則牠想起自己是失群孤鳥會憂鬱而死。 臨老去蒲吧嗎？「那裡沒有真感情。」 張國榮豈不說過是無腳雀仔？江毅家住天后，養有七鳥，閒時關上門窗，會飛來飛去邀憐繞肩，或者一天，應該讓牠們更自由。