【鹿兒島食材 X 法蘭西料理！鹿兒島食材試食會🥂】
第一次去 #鹿兒島 拍旅遊片，原來都差不多3年前嘅事啦。
當時聲些仲未去過東京以外嘅地方拍片，冇諗過原來日本人都可以咁chill咁放咁鍾意隊人飲酒（笑），瞬間被鹿兒島人嘅性格吸引。今次受 #鹿兒島縣政府香港事務所 邀請，嚟到中環嘅 #米芝蓮餐盤推薦 法國菜餐廳 Neighborhood ，唔駛飛就可以享受鹿兒島空運到港各種新鮮食材，仲可以同好耐冇見嘅 Robin Pak 、 理惠 Rie りえ 同 Rason Chau 見面，食好嘢兼難得聚舊，飲得特別開心。🥰
講起鹿兒島，一定諗起黑毛和牛同黑毛豬啦……聲些手上呢碟 #紫菜配鹿兒島和牛 ，仲有 #黑毛豬高麗菜卷，兩款肉質都係預期嘅超軟滑，高麗菜卷（ #キャベツロール・kyabetsu ro-ru ）係日本傳統家常菜，估唔到變成法國料理版一層豬肉一層高麗菜咁卷埋，食落個口感又幾幼細㗎喎。鹿兒島出咗名係 #鰹魚（ #カツオ・katsuo ）嘅故鄉，無論新鮮鰹魚還是鰹魚乾，同樣甘香味道濃郁，有佢做開胃菜，仲有 #比目魚（ #ヒラメ・hirame ）加埋 #金柑（ #キンカン・kinkan ）做嘅清爽沙律，食極都咁開胃。🤤 鹿兒島人果然超好客，臨走仲送咗兩支 #焼酎（しょうちゅう・shochu）俾聲些拎番屋企。鹿兒島亦係焼酎嘅發源地，呢支「 #杜の妖精 」酒如其名，真係由「妖精」所釀製，指嘅係酒藏入面嘅「 #蔵付酵母 」（くらつきこうぼ・kuratsuki kobo）。呢款酵母唔係度度有，係極優良酵母嘅象徵，有咗佢就可以釀出風味獨特而香醇嘅靚酒！仲有隔離支「完熟金柑梅酒」，梅酒特別醇厚，一入口梅香就厚厚包住整個口腔，酒入面有新鮮金柑糖漿，仲可以倒落香草雪糕上面享用，一酒兩食，好邪惡啊～！😈
各位同學想知道以上食材幾時有得賣，就一定要關注「 鹿兒島最新最Fun 」嘅Facebook同Instagram帳號啦～🥰
➖➖➖➖➖➖➖➖
👉 追蹤 #PEGGY先生 👉
#ペギー先生 #peggysenseid #フォロー宜しく🙋🏻♀️
🔵 F B 🟤 I G 🔴 YouTube 🟠 MeWe：peggysensei
🎧 Clubhouse日本話題節目不定期放送：peggysensei
➖➖➖➖➖➖➖➖
完熟 キンカン 在 宮崎県産完熟きんかん「たまたま」て何？？ - YouTube 的推薦與評價
宮崎県を代表する果実「 完熟きんかん たまたま」の魅力について、生産者から紹介します！ ... <看更多>