Search
梧：在下笑能咗出黎，寫呢篇文嘅人亦甚on9。君知否喺physics嘅世界入面，量溫度除咗C同F仲有K（即Kelvin scale，用於Absolute temperature嘅溫度量度 ），而創造呢個scale出黎嘅人（William Thomson），亦順理成章被封為Lord Kelvin。
#寫嘢之前可唔可以讀下書先
#文盲當道好得人驚
#IC今年全世界排第八呀屌你
叫Kelvin的今日躺著也中槍，所以名不能亂改。
【戀上英識】如果你是Kelvin
http://s.nextmedia.com/realtime/a.php…
陳嘉敏(阿敏)，一個努力了四年，都未找到病因的女孩，大家還記得她嗎？(重溫：http://bit.ly/KongGu_ChanKaman2017)
半年內視力急速衰退
兩年前我們訪問過她，當時她的視力和聽力還算可以；但一年後我們再聚，病情明顯差了不少，左眼和右眼分別只剩約三成和一成的視力，屬中度視障：「日頭會怕光，夜晚會夜盲，眼裏面嘅感光細胞好多都壞死咗，醫生話暫時無任何藥物同治療嘅方向。從來無諗過突然之間，會喺半年之內差咗咁多，我仲睇到路，不過睇唔到字，視野上只能睇到輪椅闊度嘅範圍。」阿敏無奈地說。
度數不停變 每月需換眼鏡
而更麻煩的是，她眼睛的度數會不停變化，試過近視變遠視，遠視再變回近視，可能一百多度變成二百多度，又從二百多度減至幾十度，所以她幾乎每個月都需要更換新眼鏡，即使經過多重努力，成功申領綜援，但要應付每個月換眼鏡，經濟上仍是很吃力：「無任何病因走嘅路係困難嘅，我今日好努力好辛苦之下先爭取到去驗查，知道對眼發生咩事，我至少知道有咩方法可以保護佢哋。」
未雨綢繆 學習點字
面對着未知的病因、度數不停變化的眼睛，阿敏已有心理準備隨時失明，但她並沒有氣餒，更表現出一貫樂觀積極的性格，把握僅餘視力的日子，到盲人輔導會學習點字、定向行走等失明人士的生活技能：「今日我能學到嘅，我都盡力去學。」
多重殘障 坐輪椅的失明人士
「如果嘉敏無用手杖嘅時候，大家唔會留意到佢視力係有問題，其實社會係有多重殘障嘅人士。」阿敏的定向老師胡崇平(胡Sir)說。
阿敏是胡Sir第一個坐輪椅而視力有問題的學生，他認為可能是社會人士對多重殘障者認識不深，而且香港地少人多，經常人車爭路，亦導致他們鮮會獨自外出。胡Sir強調，就算輪椅朋友視力有問題，也可以提供協助，令他們有能力去生活、自己照顧自己，並多接觸社會。
同路人互勉互助
身體未出問題之前，阿敏的工作是服務有特殊需要的小朋友，而現在即使坐在輪椅上，她仍沒有忘記這班小天使：「有時返去探佢哋，我好開心佢哋記得我，佢哋嘅童真、單純和笑容，已經可以令到我哋好開心。」
即使現在成為需要被幫助的人，但阿敏仍會盡能力扶持同路人，好像採訪當天，她就出席了「香港天使綜合症基金會」的一個籌款活動：「我坐喺輪椅上仲可以同呢班罕有病小朋友、有特殊需要嘅小朋友，一齊去相處、去玩，好開心。」快樂對阿敏來說，就是這樣簡單。
只要相信夢定能飛
「我想喺仲睇到嘅時候，繼續去欣賞大自然，我睇唔到嘅時候，心裏面都會有一份美好回憶。」就是這樣，阿敏衝破自身障礙，在社會熱心人士的幫助和鼓勵下，她努力挑戰外人認為「不可能」的事，包括玩滑翔傘和潛水，她寄語大家：「大家有一份生命，有一份視力﹑聽力，行得走得跳得嘅時候，要珍惜。」
申請獎學金完讀書夢
除了上天下海，阿敏更做了一個更大的挑戰，就是在獎學金的支持下，報讀了四年制的「語文及通識榮譽文學士」，基於阿敏的身體狀況，學校特別處理不計她的學分，但阿敏指仍會拼盡全力，希望靠努力戴上一頂四方帽畢業：「我知道當中一定辛苦嘅，睇同聽嘢都會辛苦，體力上亦要應付，但我會用我嘅努力去捱，去走呢一段路。」
香港人好有愛
兩年前《港。故》有關阿敏的故事播出後，引起了極大迴響，不少有心人紛紛網上留言支持，亦有人親手寫上鼓勵卡，更有人主動致電為阿敏提供協助，證明這段路縱使艱難，但阿敏絕不會孤單，而這亦是她努力生存下去的動力：「好多人都會問，點解我仲可以支持到今日，我只能講身邊嘅一句加油，一句努力，一份笑容，一句多謝，都能令我繼續努力去走，香港人其實好有愛、好有心嘅。」
第100集的《港。故》回顧阿敏過去一年的高與低、得與失，當你覺得人生沒趣味，讀書很苦悶，工作很大壓力，家庭事業都不順利時，請看看阿敏的故事，或許能給大家一些啟發，就像流行曲歌詞一樣「你是你本身的傳奇，前路裏振翅再高飛，即使不完美，只需經歷你自己」。
-------------
《港。故》：東網每周專題習作，講故事、講香港人的故事。
FB：http://bit.ly/oncckonggu_FB
IG：http://bit.ly/oncckonggu_IG
Youtube：http://bit.ly/oncckonggu_Youtube
《創業知識分享: 有錢人 vs 窮人的習慣》
從前有兩個細路，差唔多背景，長大後成就郤大有分別，為什麼呢? 原來兩個的爸爸，都有買蘋果，一大一細的習慣。答案在video:
......
全文:
從前有阿小明同小文，同一條村長大, 讀同一間學校， 大家都係由細到大家境清貧, 小明大個就做咗成功的企業家, 小文大個咗就做咗個乞兒。
嘗試了解下點解咁大嘅分別嘅。 原來兩個都係阿哥，兩個都有一個細佬, 兩個都鍾意食蘋果嘅習慣，兩個都係同阿爸相依為命。 一個細個嘅時候， 阿爸買咗兩個蘋果返屋企，一個大一個細，就問阿哥小文:
「 你想食邊個蘋果呀?」
小文回答:「我想食大嗰個。」
阿爸就話:「你點可以咁貪心㗎。梗係想食細嗰個，留返大嗰個畀細佬啦! 」
咁就罰咗小文食細蘋果。之後，每次阿爸買蘋果返屋企，阿爸再問小文嘅時候,
小文就話
「我想食細嗰個。留返大嗰個俾細佬。」
阿爸就讚佢:
「乖啦! 獎佢食大嗰個!」
從此小文學懂咗講大話嘅習慣，大個咗， 偷呃拐騙樣樣學齊，最終失去曬公司，合作伙伴，朋友嘅信任， 生意失敗瞓喺條街度變成一個乞兒。
阿小明呢?
小明細個嘅時候，阿爸一樣買咗兩個蘋果返屋企。一大一細。
阿爸問佢，「你想食邊個呀? 」
小明回答:「我想食大嗰個!」
阿爸回答:「 你可以食大嗰個，但你先要做晒功課，幫埋細佬溫習， 做埋家務先至可以食!」
做完曬嘢， 終於有得食喇。小明咬落大蘋果嗰刻， 的確感覺份外鮮甜。
小明從此就習慣咗「凡事要努力付出，才能享受成果。 」 大個咗佢就努力工作，去爭取佢所要嘅目標， 亦都把公司員工嘅獎罰制度定得非常鮮明， 上下員工目標一致嘅努力下，小明好快就成為咗個大企業家。
回望佢嘅朋友小文， 每日都係道困惑緊佢自己嘅人生目標係邊度?
故事帶出乜理念?
一個人嘅成敗，由細到大形成嘅習慣 (habits) 好重要。 根據美國著名會計師 Thomas Cortey, 佢用咗5年時間研究咗361個self-made (即係白手興家)嘅有錢人同埋窮人，有錢人嘅定義就係每年收入多過十六萬美金及淨流動資產多過320萬美金， 窮人定義就係每年收入少於三萬五千蚊美金及少過5000蚊美金流動資產。係2010 佢出咗本書叫做 Rich Habits: The Daily Success Habits of Wealthy Individuals. (有錢人每天成功嘅習慣)。
書入面研究指出:
. 67%嘅有錢人會寫低佢哋嘅目標 goals， 窮人? 只有17%。
. 80%嘅有錢人會專注達到佢哋某個嘅目標，窮人? 只有12%。
. 81%嘅有錢人會有個每日 to-do list， 每日都完成起碼7成嘅工作。窮人? 只得19%有呢個 list。
仲有?
. 44% 嘅有錢人都係好早起身。佢哋通常喺朝九至晚五嘅工作之前三個鐘頭就起身，包括做運動，準備好一天嘅工作。
. 佢哋基本上唔買lottery 彩票，即係香港嘅六合彩，94%嘅有錢人都唔賭錢，靠自己。窮人? 係美國 77%都買 lottery.
. 72%嘅有錢人會每月義務工作起碼五小時。窮人? 只得12%。
. 71%嘅有錢人都係樂觀，窮人? 78% 都係悲觀。
你仲未有錢? 唔使急，呢個研究指出 80% 嘅有錢人，去到50歲先至累積到財富叫做有錢。52% 要去到56歲先至叫做有錢。 希望你仲有大把時間。
習慣決定你命運， 我每朝五點半就起身做運動， 7點送女返學，8點開始行街睇舖。 個個人都想食個大蘋果，你係小明定小文? 你又打算點去食呢?
有錢人 vs 窮人習慣:
. 有錢人 - 67%寫低目標 goals；窮人? 只得17%。
. 有錢人 - 80%專注達到目標；窮人? 只得12%。
. 有錢人 - 81%有每日to-do-list(每日完成7成)；窮人? 只得19%。
. 有錢人 - 44% 早起身(早工作三小時)
. 有錢人 - 94%唔賭錢；窮人? 77%都買 lottery.
. 有錢人 - 72%每月義工起碼五小時；窮人? 只得12%。
. 有錢人 - 71%是樂觀；窮人? 78%是悲觀。
. 有錢人 - 80%是50歲才累積足夠財富叫做有錢。
. 有錢人 - 52%是56歲才累積足夠財富叫做有錢。
一日之計，在旭日。
墨藍天空默默，靜候着晨暉到來，哈，真寫意，不如底下的一片昏黃。街燈有序，嗞嗞作聲地控訴着自己晝夜顛倒的工作，不似繁星亂綴，悠悠眨眼。也不止它們，石屎公路亦然，明明三更，卻還是熙熙攘攘，承受車輛不住地穿梭，月兒看着倒嘆美。也不是每位辛勤者都愛嗟怨，就如此刻於大道上馳騁的小貨車，靜謐地運載着車上的一老一嫩，也許是物似主人，司機座上的老人，臉上不帶半分煩躁，銀絲滿頭的他，比身旁尚留些許青絲的小伙子爽利得多，老人一雙銳目炯炯，跟他半皺的臉龐不太相襯；反倒小子眼臉圓潤，卻撐不起眼皮來，不住打瞌睡。
發叔，這是老人的稱號，一臉從容，一點料不到他正往骯髒之地去，上水屠房。他不是執刀的屠夫；也不是清潔大叔；更不是看更。他，是買賣牛雜的老行尊，這行業有一個略有耳聞的名號——執雜佬。身旁的阿漢，是發叔的兒子，如今父子倆正準備闖蕩他們每夜的老江湖，在朝陽趕至之前。
落日江湖
夜半路路亨通，小貨車已經抵達了屠房的閘口，阿漢猛地醒過來，雞手鴨腳地翻出往來屠房的通行證。閘口看更查證期間，平靜下來的小子，憶起這與他印象中小時候的屠房，很不同。小時候放假，做完功課沒事幹的他，就吵着要爸爸帶他到屠房玩，那年代嘛，很窮，沒有太多電子產品，對小朋友而言，屠房是一個樂地，因為到處是水，孩子玩水不畏濕身。當年，屠房的守衛沒有那麼緊張，基本車子上載甚麼人進去，都無人過問。「入得！」比發叔年輕得多的看更，把通行證看了幾遍，又點算車上人數，確保沒有外人才放行。還好，小子長大了，不再玩水。歲月神偷，總在十年廿載後，才東窗事發。唯獨是僅餘的這十來個逐臭之夫，依舊夜出早歸。
是的，這一行只餘十二人。行內年紀最大的發叔，五十多年來都堅持這樣的生活，凌晨一時許來到屠房作準備功夫，清潔﹑磨刀﹑磨剪。執雜佬在屠房內，都擁有自己的位置，做好準備，他們就靜候着屠夫宰掉一頭又一頭活牛後，把取下內臟運送到他們的位置。牛雜分成上雜及下雜，牛柏葉及牛雙連是上雜，由於價值較高，故肉食公司都會保留。至於執雜佬執到的，就是下雜，包括牛膀，即牛胰臟、牛腸、牛粉腸﹑牛肺、牛肚，即牛胃﹑牛脆骨，即牛氣管等。兩點半左右，接到牛雜後，先把內臟清洗乾淨，這個階段的牛雜，相當齷齪。牛畢竟是雜食，內臟廢物多，發叔形容這是一陣餿味，臭氣熏天，他邊洗擦着一大幅牛胃，邊講解原來吃不同飼料的牛隻，氣味會有所不同：「嗱，食草嘅牛呢，就冇咁臭；食粟米嗰啲就不得了。」尤其是牛胃，有糞便，甚至鐵釘﹑沙石，就連古幣他也見過。
他把另一幅小巧得多的牛胃交予阿漢清洗，這是牛沙瓜，牛胃的其中一部分，因為物罕而最搶手。接過沙瓜的阿漢不住調侃：「講句難聽，比一個未洗嘅公廁仲臭，不過細個成日嚟，慣咗陣味。」除了味道，最苦了人的，是工序，當中最花工夫就是洗牛腸。只見，發叔洗好牛胃後，就於放滿水的藍色水桶內，捏起一條牛腸，用鐵通串好，再從末端反方向拉往自己一方，就把牛腸內外反轉，要逐條通乾淨。他指牛腸油脂多，洗完大腸後，手心一陣肥膩，久久也洗不去。發叔沒有戴上手套，就這樣用手擠洗，他笑謂：「好多行家話唔戴手套，做耐咗手會唔好，我就做咗幾十年都唔戴，冇嘢啊，你睇幾滑。」把最後一條牛腸洗好，他伸出手來，着兒子幫忙把一桶桶的牛雜搬到車上。
屠房偌大，一路上，發叔滔滔未停。他說執雜這江湖很小，各行家都得遵循老行規。誰個每晚分配到多少牛雜，早已跟隨第一代而定，不能巧取，如遇缺貨，就只能高價向其他行家買入，但人家也不一定有多餘的可賣。至於他們提供予哪一家食肆，大抵是固定的，鮮會出現搶客的情況。然而，發叔最擔心兒子經驗不足，較死板，不會因應情況而增加或減少數量給客人，致牛雜分配不均。說着說着，二人已經來到停車處，協力把數桶子都抬入車尾之時，天色已成藏藍，把車子撻着，電子鐘顯示為凌晨五時，小貨車又再出動，送雜去。
日出而息
離開腥臊之地，這趟車去屯門，算是長途，由阿漢掌軚。執雜佬每日工作約莫七小時，五點離開屠房的話，大概七至八點送畢所有牛雜，可以回家休息。阿漢卻例外，下班後，他還要去當貨車司機，他苦笑：「冇計啦，有老婆有個女要養，呢一行又唔可以賺好多，咪要努力啲囉。」這勾起了發叔的刻苦歲月。
發叔本是澳門人，十八歲來香港，跟隨姐夫到牛棚工作而入行，成為了執雜佬。當時的牛棚比屠房更糟，無瓦遮頭，宰牛後於地下洗牛雜，又黑又血腥，起初他十分不習慣，但讀書少，打任何工都只能苦幹，反正當時這一行人工算是高一點，而且做生不如做熟，習慣習慣，就好。後來成家立室，更離不開這一行。至一九八六年，姐夫退休，於是便接手生意，半輩子，就這樣過去。
貨車終於停定，父子倆合力把藍桶卸下到小鐵車，往砂紅招牌的「新興麵家」推去，只見小店仍未開門，發叔就把東西放在門口，再往對出草叢處拿走一個空的大桶，就往車子走。這次換了發叔開車，阿漢則在一旁解說。他們現時共供貨予八間食肆，全都是合作多年的老字號，大家有固定的交收模式，甚至有店主把門匙交予他們，好讓他們夜半把牛雜放到店內。說到只供貨八間餐廳，發叔開着車也忍不住慨嘆，有些事，的確無可奈何。活牛由五豐行從大陸收購後，運來香港。他猶記得全盛時期，全港每日宰殺四百多頭牛，他最高峰一晚洗三十多副牛雜，是現時七至八副不能相比的。
如今，普遍認為吃內臟﹑吃紅肉不健康，不如舊時熱愛，活牛愈來愈少，每日只有四十來五十隻牛，牛雜供不應求，行家之間根本沒有機會競爭，縱有客人想買貨，大家也沒貨可交，很多食肆惟有買急凍貨。當然，也有尋鮮之人，故有些行家會取價高者得的策略，放棄出價較低的舊買家，改供貨予高價者。但發叔卻有他的堅持，只要老客戶仍然向他買牛雜，他就不會棄之不顧：「做耐咗，好多都變咗老友啦。」就如銅鑼灣「九記」，由現時事頭的父親單眼九當家那年代開始，發叔已經認識他爸爸，他吃吃地笑：「舊時單眼九同我老細買牛雜，我收工就去幫佢洗碗仔，搵外快嘛。」
說時遲，小貨車已來到中環，阿漢留下來看車，發叔則帶貨到「水記」，老闆水哥一見老朋友，就不住聊天，口水多過浪花。返回車子的途中，發叔仍然掩不住笑意，這一份情誼，是此刻坐於駕駛座上，等待着父親歸來的阿漢所不能理解的。噠一聲，貨車向最後一站——黃大仙駛去。抬頭，上方已是一片湛藍。
送走了最後一桶牛雜，父子二人坐於車尾邊緣回一回氣。發叔知道兒子孝順，這個行頭，兒子願意接手父親生意的，只有三人，他自覺幸運。今年年頭，阿漢因為眼見爸爸年紀開始大，始終這一行要勞力，半夜又辛苦，故回來幫忙。年輕人嘛，總有些少埋怨，畢竟執雜佬日夜顛倒，沒有假期，又請不到新人入行幫忙。現實歸現實，日日有牛雜分配予他們，不開工的話，牛雜拿去哪裏？這一行，很難回頭。老人淡然，深知這是心態上的調節，雖說厭惡，但執雜卻養活了這幫執雜佬，養大了他四個兒女。一旁的阿漢搭了搭爸爸的肩膀，道：「佢幾時冇力做，就正式接手，冇牛雜就冇我哋，佢一世人心血，會繼續做落去，做得幾耐得幾耐。」
人可真矛盾，很多執雜佬都嫌辛苦，只是，一旦退下來，沒有了寄託，不出三年就走了。發叔低首盯着石屎地，嘟嚷着：「唔想啊，唔想死啊。」卻不見頂上，赤烏正冉冉上升。
回首，一生之計，也在旭日。
採訪：黃寶琳
攝影：胡浩賢、謝本華
剪接：胡浩賢
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
