關於 專業人士speed dating ，我們在網路上蒐集到這些相關的討論、資訊與評價

哮天犬求偶記（上）
　　
大家好，我係楊戬。

大家都知道，我有一隻哮天犬，威風凜凜、忠心耿耿，絕對係居家旅行、斬妖除魔嘅最好伙伴。

但近年四海昇平，各地都冇咩厲害嘅妖魔鬼怪，正所謂飽暖思……愛情，哮天犬開始向我投訴，要我幫佢搵女朋友。
　　

咁我都明嘅，幫狗結紮，或者幫狗擇偶，都係狗主嘅責任。

幫哮天犬結紮，我諗都冇邊個獸醫夠膽做，所以我開始幫佢搵女朋友。

我本來以為呢件事好簡單，咪搵隻靚靚女女嘅母狗囉。

點知，我連續搵咗幾十隻狗，哮天犬都唔滿意。
　　

我忍唔住問：「喂，你有咩唔滿意啫？啱啱嗰隻毛色幾好啊。」

「毛色幾好？」哮天犬嬲到成隻彈起：「我英明神武，你想隨便搵隻平凡嘅母狗，就襯得起我？」

唉，問題係，其他天庭嘅同事冇養狗嘛，佢哋有人養金魚，有人養牛，就係冇人養狗。
　　

專業問題就交番畀專業人士解決，我就去咗搵天庭嘅Speed Dating公司。

經理答：「我哋冇幫動物做開……」

「乜嘢動物？我都係神仙嚟！」哮天犬抗議。

經理一臉為難，係啲File度搵咗好耐，最後居然眼前一亮：「介紹個明星畀你識。」
　　

嗰隻狗叫Lady，做過迪士尼《小姐與流氓》嘅真狗版女主角，絕對係國際級狗界明星，美貌方面絕對冇得彈。

Lady至今單身，公司都幫佢介紹過幾隻狗公，但Lady全部都睇唔上眼，話佢哋太普通。

我一拍大腿：「咁就啱啦，哮天犬都係獨一無二㗎。」

於是，我哋馬上安排哮天犬同Lady約會。
　　

約會嘅過程我冇參與到，廢事佢哋尷尬啦。

但總之，哮天犬返到嚟，一臉失望：「太平凡啦，唔係我要搵嘅伴侶。」

我難以置信：「明星嚟㗎喎，你都話太平凡？」

「我跟咗你千幾年，喺你心目中，我就係咁膚淺嘅狗咩？」哮天犬強調：「我要搵嘅靈魂伴侶，唔係剩係一個交配嘅對象。」
　　

哮天犬繼續講：「愛情要有精神嘅共鳴，我覺得愛情嘅最高境界，就係唔駛開口，都知道對方諗緊乜。」

「你哋先第一次見面，點會咁快到達呢個境界。」我提醒佢。

「我問Lady：『你諗緊乜嘢？』佢答：『諗緊今晚食乜。』我問：『你最深刻嘅經歷係乜嘢？』佢答：『食咗一碟好好食嘅和牛。』」
哮天犬神情無奈：「我想搵嘅係靈魂伴侶，但佢無靈魂啊。」

我呆一呆。
　　

哮天犬嘆氣：「我都一千幾歲啦，經歷過咁多嘢，思想比人類更成熟。Lady再靚，都只係一隻幾歲嘅狗，普通狗同人……或者普通狗同仙人，係溝通唔到嘅。」

「所以你想搵人嚟做女朋友？有物種差異喎。」
我再諗一諗：「又唔係唔得嘅，嚴格嚟講你都係仙人，唔算係狗。」

哮天犬意興闌珊：「算啦，可能我命中注定，要做一隻單身狗。」
　　

之後，哮天犬冇再催我幫佢搵女朋友。

但睇住佢日日悶悶不樂，連心愛嘅骨頭都唔想咬，我又好心痛。

話晒都係我嘅愛犬，佢難得有一個心願，我點都要幫佢達成。

於是，我捉住哮天犬，要佢苦練變身成人嘅法術。
　　
下集：https://bit.ly/34f12ka
　　
將專頁設定為「搶先看」/ "See first"，最新故仔馬上睇！
　　
鼻鼾密碼：https://goo.gl/LHHKyJ
我嘅職業係：都市英雄：http://bit.do/eTEQn
　　
#短故 #短篇 #小說 #陳美濤 #廣東話 #粵語 #tomatochan #哮天犬求偶記

Crystal曾經係交友App同Speed Dating嘅常客，可能你會以為佢一定係其貌不揚又或者年老色衰先會咁熱衷透過呢啲渠道識男仔，但其實Crystal正值花樣年華，而且相貌娟好，佢之所以會咁做，係因為身邊嘅同事都好似《一念無明》阿余師奶向余果不停灌輸佢要「向上流動」，耳濡目染之下，Crystal嘅價值觀都被漸漸同化，但礙於身邊圈子冇呢類男仔，所以佢透過呢啲場合認識嘅，全部都係有少少年紀，有返咁上下經濟基礎嘅專業人士。

驟眼睇Crystal嘅生活真係好不精彩，但其實佢過得並唔快樂，慢慢佢發覺自己鍾意食米線多過High Tea，鍾意喺屋企煮飯仔多過去船P，同返同年紀嘅男仔傾偈，會多話題過iBanker或律師。

後來Crystal偶然重遇返同樣讀邨校嘅中學同學，可能因為兩個人唔止一樣出身，仲有一段共同嘅成長經歷，所以一拍即合。Crystal唔使再裝身去品酒會，亦唔需要再強迫自己刨晒本財經雜誌搵話題，佢哋放假就喺屋企打下機煲下碟，偶爾食樓下大排檔或者譚仔已經好滿足了。

好多人都好似Crystal咁，只係盲目地選擇人哋推薦嘅事物，以為多人鍾意自己都應該要試，從來唔去了解自己嘅真正需要，拍拖如是，護膚亦都如是。

CLINICZ HK嘅720皮膚紋理及輪廓分析系統 (720 Scan Genius)可以360度分析每個女仔嘅輪廓同膚質，發掘肌膚同輪廓嘅可提升空間，同時更清楚療程成效。

先了解清楚自己嘅皮膚狀況然後再選擇合適嘅Treatment，唔好再藥石亂投喇。

先了解自己，至可以搵到屬於自己既The One。馬上登記720皮膚紋理及輪廓分析系統體驗啦！
https://goo.gl/46gF5f

#水原共生 #CLINICZ

陳詠燊 Sunnyhahaha X 黃天頤 廣播劇《唐七太空站》小說，第三回繼續連載！

3.3 Table for 8?

坐在我身旁惴惴不安的阿奶，突然拉一拉我的衣䄂。

「你不是不知道我有女朋友的，你居然還拉我來參加這些甚麼Speed Dating。要是我女朋友知道了，我會死得很慘的，到時分分鐘speed dying……」

我眼神沒動地盯著對面大叔的餐巾紙，嘴巴仍保持微笑的形狀道： 「你女朋友是不是『九男女』？」

「你在說甚麼呀？我女朋友很好的，什麼狗男女？」

「這裡是Table for 8, 加上那個『啡呢』主持人，也只是九個人，要是你女朋友不是這九個人之列內，又怎會知道你來過？除非，你一會兒玩得太興奮，跟那些女生自拍，放到網上，那我就不擔保了，你知網上世界其實很細嘛！」

「你時常來這些地方的嗎？」他正努力調節自己的心情。

「甚麼這些地方呀？不要說成好像是見不得光的事情，好嗎？那邊穿灰色西裝的是Speed Dating公司的負責人。他們公司專門替高收入人仕辦這類型活動，有時是飯聚形式，有時是戶外活動，重點是來參加的都願意付錢，因為他們除了賺錢就沒有時間或心思在外面認識異性。」

「那為甚麼要付錢請你來？」

「死蠢，不是每次也湊夠人數呀！遇上人數不夠或質素有點參差不齊，就請我過來兼職。他們會把不同『質地』的人分類，所以要找差不多Level的人來參加才可以讓參加的人覺得物有所值，錯覺自己會成功配對。」

「那你是什麼Level？」

「總之就是跟你同Lev啦！」我把話題轉開：「這類型的Speeding Dating 其實頗不錯，入門門檻高，不是所有『啡呢』也可以來參加。愛情有時候真的要竹門對竹門、龍門對龍門，可不是每個人也可以跨代致富的呀！」

「什麼叫跨代致富？」

「就是明明你是屋村出身，有一天搭上了富二代，upgrade了，那不就是跨代致富嗎？這已經是香港現在唯一一個可以解決跨代貧窮的方法了！」

「那我跟阿靜……也算是竹門對竹門、龍門對龍門吧……」他念念有詞地呢喃著。

「搬龍門就有你的份，待會兒，你記緊說你有樓在手，那樣女生才會對你有興趣的！」

「我又不是想他們對我有興趣！」

「先生，人家給你八⋯⋯五百塊，你就要專業點！你可是收了錢來辦事，不是來飲飲食食就胡混過關。剛才不是whatsapp了角色內容給你嗎？你是一個室內設計師，有車有樓，無不良嗜好。性格沒主見但顧家，志願是擁有自己的室內設計公司。參加這次活動的人，最少月薪要有3萬塊以上的，因此你要讓大家感覺到這裡是為了專業人士而設。給我放聰明點，不要斷我這份優差外快！」

「萬一他們以為我說的是真，對我有興趣怎辦？」他一臉怯懦的樣子。

「現在又不是叫你做『鴨』！這裡說的是你情我願，別人覺得你『You seem like fun』，但你若沒有給回like，主辦人也就不會給你的電話對方，要雙方同意才會交換聯絡方法的。」

「那你有沒有給過別人『Like』？」

「我不是那麼隨便『Like』男人的！」

「你喜歡女生的嗎？」

我真的被他氣死了。幸好那「啡呢」主持人宣布要開始玩遊戲了，他緊張得立即挺起身子，正襟危坐，顧不得追問這些無聊問題。

初時來的時候，我承認也有抱著順道物識心儀對象的心態，也曾有好幾位男仕表示對我有興趣，想多作了解。我覺得開宗明義地去結識異性是一件好事，不過跟好幾位Speed Dating的男仕接觸過後，我發現他們就像我炒賣的貨品一樣，就是真實價值遠低於炒賣價錢。

雖然來參加的是落入高收入專業人仕的界別，但言行舉止也盡不相符。好的職業往往不代表有好的修養，有時只是包裝或市面吹捧才令一些所謂的搶手貨出現。女多男少下，要找到和炒熱價錢一樣價錢的男人可不是容易的。況且，找到了也不代表往後他也會維持原狀，就像我父親，當年生意失敗後不知道給了我和母親多少折磨，整日就是出外買醉，然後回來對我們打打罵罵。

有伴侶是好的，但若找來了一個只會增添憂愁煩惱的，比起一個人還要難過吧。再者，在工作的地方，賺回應得的報酬，即是有錢就可以了。我從來都不相信我是那種有幸運之神眷顧的人。唉！為何買那個唐七太空站的時候我卻忘記了。

「麻煩你了今天，這裡是你和你朋友的酬勞。」

「謝謝，記得要再找我啊！」

「每次你這樣說我都有聽你啦，差不多一頭半個月就找你來。何時你才會不在speed dating的地方與我約會一下，還是我要辦一場只有我倆的？」

這位Speed dating公司的負責人總愛半開玩笑地說要約會我，而每一次我都會以『多找我來工作便會多見幾面』的理由推卻。愛情易碎，我才不會白白把一個優差機會放在愛情賭注上，萬一約會不成功，甚至分手收場，我豈不是人財兩失？

「我的朋友在等我了，走先了。」

《續》

＃唐七太空站小說連載