嘔電傳真機：尋找他鄉的故事
（請用鍾景輝腔喺內心講以下文章）
喺好耐以前有啲電視製作人認為頭上有慣性收視，腳下有維穩資金係唔夠嘅。所以佢地為咗製作好節目，不惜離鄉別井，飄泊半生，走到偏遠既世界角落，去搵一個好題材。今日我地嚟到呢個七百幾萬人嘅城市，喺呢個被石屎包圍嘅城市之中，尋找屬於幾百萬香港人，流散失落咗嘅電視節目《尋找他鄉的故事》。
有人嘅地方就有中國人，而有中國人嘅地方就必然會中國人嘅故事。喺製作紀錄片嘅過程，佢地固然會見盡滄桑。每一個中國移民嘅背後，都有一個盪氣迥腸既故事。攝製隊幾經辛苦嚟到浸會大學，終於搵到嚟自泰國原籍廣東台山嘅鍾景輝擔任旁白。
一隊攝製隊，一個旁白，一個金庸所題嘅節目名，一首喜多郎嘅主題配樂，亞洲電視製作團隊憑住滿腔熱誠去開拓佢嘅傳奇電視紀錄片。喺呢個長期二奶命嘅電視台入面，製作團隊流盡血流盡汗，同紀錄片中一班嚟自唔同世界角落既中國人，尋找同一個夢。亞洲電視製作團放棄故鄉舒適既電視台生活，放低大型器材去到不同異鄉，佢冇辦法講得出離鄉別井嘅原因，唏噓嘅面貌滄桑既眼神，好似同我地講緊，一個個電視人背後嘅辛酸故事。
攝製隊鏡頭一轉，我哋去到香港大學嘅民意研究計劃中心。翻查歷史檔案，我哋發現98至04年間嘅電視欣賞指數調查裡面，《尋找他鄉的故事》都係最佳電視節目第一位。只要有《尋找他鄉的故事》佢哋都會奪得第一位。
下一集我哋嘅攝製隊，會繼續喺呢個七百幾萬人嘅城市，尋找屬於由無綫電視模仿抄襲而成《向世界出發》、《走過烽火大地》、《走過浮華大地》等等嘅類似節目。
#嘔電傳真機 #尋找他鄉的故事 #九十年代 #鍾景輝
------------------------------------------------------------------
記錄九十年代，記錄這新舊交替充滿矛盾的時空，記錄低網絡普及前的最後時光！
/// 如果喜歡，記得click入條link 同埋 share~
尋找他鄉的故事旁白 在 《尋找他鄉的故事4》08 | 原始天涯- 瓦努阿圖篇 - YouTube 的推薦與評價
亞洲電視製作的《 尋找他鄉的故事 》連續三年獲得香港電視節目欣賞指數調查最高獎，更獲得紐約電視界優異獎，節目的蒼涼、寫實、感動每一個香港人， ... ... <看更多>