#婊揚好人好事
話說呢幾日都有講Miss pun 眾籌律師費後同佢議員老公遠走高飛，捲•款•潛•逃。
終於有護主犬出黎咬我，我真係覺得好好笑。
首先，佢有冇開新IG解釋並唔係重點。重點係佢有冇解釋到眾籌律師費可以一聲唔出就改變用途，挪用左做著草生活費？在法律上和道德上都是詐騙，難道佢移民機票、收拾細軟是一朝的決定？快手到patreon 同日已經改埋收費plan？由佢一開始聲稱話要籌律師費那刻起，佢到底是否誠實地真的籌錢打官司？佢有冇話拎返舊錢出黎？佢咁樣係開左一個好壞嘅先例，係咪「黃」嘅就可以隨便挪用資金？公眾在未來是否可以再信任政客眾籌？
其次，呢啲護主犬最鍾意就係問人「點解你覺得眼睛睇到嘅就係全部/ 你唔睇然後覺得自己睇到嘅野已經係事實嘅全部/ 真相會慢慢浮晒出黎」但同一時間，佢在批評我的時候，又沒有讀完我五年寫的所有文字。而我又好有興趣知道佢點樣知道「事實嘅全部」？佢有份幫潘鳳執行李買機票plan行程？定係晚晚在潘鳳床下底聽佢講野？這種電子癡漢最恐怖，恐怖在於J緊一個虛擬的人物設定，還以為自己跟對方深交了—— 人地走佬都冇同你講，你同佢有幾熟姐？
最後，點解潘鳳就係「我識嘅pun係好鍾意鬥氣、又成日搵交嗌嘅人，所以我唔講佢任何唔好嘅野」，但我人妻先生就「你心裡有數你岩晒，人地講乜都係錯」？個龍門搬得咁快啊？ 喂，大佬，我都好鍾意鬥氣、成日搵交嗌架wo… 點解佢就ok我就pk 呢？
最後的最後，我出黎寫野嘅，寫得係一定有諗過，我會負文責，你如果要指出我嘅錯誤，係需要用證據，而很不幸地，你今次係無證據會證明到佢唔係捲款潛逃。我唔係當自己係上帝，只係你當自己係奴隸，俾人賣左仲要幫人數錢，「吃香喝辣」很大陸嗎？我送多你三隻匪語：割韮菜—— 尋晚潘鳳個page仲賣緊飛機杯，你駛唔駛買返個，襯一下自己？ 😊
#我成日都俾讀者挑錯架啦
#串英文又串錯寫中文又寫錯
#尋日唔係讀者教我我都唔識加單買蝦子麵
#我虛心受教嘅時候你咪又係見唔到
#我講多一次我冇當你係壞人
#只係單純嘅on9
#蠢同壞係兩回事
#正如眾籌律師費同生活費都係兩回事
#我Patreon都話收錢係全數幫前線
#唔通我突然間話自己就係前線然後食晒十幾萬咩
尋日唔係讀者教我我都唔識加單買蝦子麵 在 隨意門| 【快必文字獄：還押日誌～ 12 / 26 / 21 ～ 第474日】 的推薦與評價
1）今日係快必女中同Cherie帶埋蝦子餅探訪，佢哋8:45到達登記，大概等咗半個鐘左右啦，就可以入探訪等候室， 10:00已經可以探到快必，證明荔枝角經歷尋日大down機 ... ... <看更多>