#小編的Staycation ：Staycation點可以獨樂樂呢？所以早前小編就帶埋屋企人預訂咗柏寧酒店嘅「4or Besties Staycation」，房價$1,999起，包$800餐飲消費額，免費體驗班、SKYE天台酒吧4杯 Cocktails。
預訂：https://flyagain.la/red7（11月3日 至12月17日）
https://flyagain.la/v4dj（12月18日 至2021年1月3日）
房間
真係感謝酒店嘅安排，小編入住嗰日係紅日，但房間都可以安排升級到尊貴家庭客房，今次真賺咗（平時就咁訂間房都成千五蚊左右㗎）！兩張特大雙人床，瞓上去都唔會迫！家庭房沒有浴缸，但小編覺得還好，多啲時間同屋企人一齊enjoy個Staycation。
入住後會有專人送上氣泡酒及馬卡龍，小編覺得最特別嘅係有一張手寫嘅Welcome Card，全人手製作，一筆一劃都感受到酒店嘅心思。或者係呢啲細節位，令小編感到份外窩心（寫字畫圖唔駛時間咩！）。
餐飲選擇
今次套票優惠包咗$800餐飲消費額及4杯 SKYE天台酒吧嘅Cocktails，認真，SKYE天台酒吧真係好正，位處27樓嘅酒吧擁有無敵海景，可遠眺九龍半島及維港景色，如果係黃昏時間嚟到，打卡影相絕對一流。
至於Cocktail方面，小編點咗4杯，分別係「Global Bartender」、「Bo-Lo-Yau」、「Mum’s Old Fashion」、「Remedy and tonic」，小編唔係成日飲，唔識詳評邊隻好飲，不過就覺得「Global Bartender」容易入口，似果汁味，女士應該覺得好飲；而「Bo-Lo-Yau」聽個名就覺得好有趣，飲落又真係有「菠蘿油」嘅味道先神奇。但店長同我哋講話呢款係限定飲品，唔係成日有㗎，所以飲到真係好好彩。
$800餐飲消費額小編用咗嚟叫in-room dining，分別有「咕嚕肉」、「蒜香雞翼」、「蕃茄海鮮意粉」、「蟹肉周打湯」，原本以為唔太夠食，但睇番其實都差唔多，食到好飽。以一家大細一齊嚟嚟講，可能啱啱好用得哂$800，但如果同朋友一齊嚟就可能未必夠，但每人都係補多二三十蚊，小編覺得唔錯。真真真真真係唔夠食嘅，過隔離Donki都好方便唓！
四選一體驗班
今次呢個Staycation有分別有Art Jamming/Photography Class/瑜伽/健身四個體驗班，小編揀咗Art Jamming，貪佢日日都有班，唔駛就日子，屋企有小朋友嘅仲可以同佢一齊畫𠻹，係唔錯嘅親子體驗嚟㗎！
行政禮遇
如果你揀12月18日之後入住嘅，雖然無咗餐飲消費額同酒吧Cocktails，但就有另一個體驗，就係包咗早餐及行政尊尚禮遇（下午茶、雞尾酒及小食）。呢個禮遇係位於26樓的Lounge享用，認真，呢個Lounge真係好正，可以望到維港海景，而且裝潢華麗，絕對係打卡必嚟，無論係同屋企人同好朋友嚟都好好Feel！小編去到嗰日人唔算好多，夠靜、又唔駛排隊，喺近期少見嘅寧靜呀（誤）！不過提供嘅食物就無咁多，同埋可能衛生關係，食物由專人送上，不過小編覺得還好，嚟Staycation都係想歎吓開心吓啫 ！
早餐係位於2樓嘅 PLAYT，提供嘅食物大同小異，有中式嘅粥、炸饅頭、炒麵、湯河類等竹，亦都有西式嘅榖物、all day breakfast、水果、果汁等等，大家嚟到食早餐嘅，可以睇睇幾塊特色牆，由藝術家席地而作嘅塗鴉作 品，食完同佢哋影相留個念啦！
呢個Plan賣到11月1日，你都想同屋企人或者朋友仔體驗吓嘅，就快啲去訂房啦！
#今晚要住你
小編的staycation 在 #小編的staycation... - 又飛啦! Flyagain.la | Facebook 的推薦與評價
餐飲：小編食過佢早餐。可能閒日入住唔算多人，自助早餐Big Bay Cafe唔開，轉去貴賓廊食半自助早餐，雖然感覺選擇少咗但有海景搭救。半自助區方便小編覺得抹茶牛角包、辣汁 ... ... <看更多>