【 坐的士的二三事，是這樣的 】
「你係咪唔使瞓覺？點解長時間可以煲咁多劇、睇咁多戲、寫咁多文得嚟，又抽到時間同藝人做訪問、同留言嘅讀者傾到凌晨兩三點，Keep住喺Instagram出Post，仲可以唧到時間約朋友食下飯、飲下酒、行下山、野下餐，兼夾『得閒』嘅時候有精神同屋企人打12圈衛生麻雀？」上述這大段話，阿媽、阿爸、親戚、同事、藝人，甚至讀者已重覆問過很多次，然而殘酷真相只有自己知，過去三年，一直都以現有模式經營專頁，一邊返工一邊睇劇一邊寫文一邊生活，經已攰到一個可以隨時瞓得着的程度 ── 行路時常打喊露，上車兩秒即恰着，為盡量爭取時間完成工作，很多時候我都情願花錢買時間 ── 搭的士。
興許是純粹夠運，更大可能是憑以往累積的經驗，避開無數「截的地雷」 ── 專誠跑到與前往目的地最順路的方向，兼且長時間有的士排隊等客的地點截車；若然別無選擇，必須在繁忙時間內於「客多過車」的地區成功「截的」，就需要啟用「移動模式」，邊行邊望邊截車（最激一次，放工時間由天后截車截到去北角，傻傻哋！）；熟讀地圖，了解上落車位置，甫上車，立即向司機清楚講出要落車的位置，留意停車點未必「喺正門口」，或需要多走幾步路才到達，但此舉正好減少司機有可能乘機兜路，總之一般情況下，無論是在街上隨意「截的」抑或「Call的」，都絕少遭人「冚旗」拒載。
但也要坦白講句，每逢揚手截車，都難免有種博一鋪的奇怪感覺，所着「的士TAXI」的紅白車門一開，可能會發現車廂有怪味，但攪動車窗的手柄壞了；也有可能是坐椅彈簧已坐至變型，令整個人往下沉；或者是司機喜歡一邊開車一邊聽收音機，卻總是頻道調校不對，喇叭只懂播放擾人的沙沙聲；更慘情的是喜歡攀談的司機，開車時就連「籠雀」都開埋，新聞時事娛樂八卦飲飲食食天文地理……我的天，求你讓我閉上眼「眠一眠」吧，而堪稱「地獄體驗」的當然是不幸遇到「路痴」司機，試過最癲一次，「晨咁早」要由大圍趕去香港大球場開工，結果對方夠膽死一開閘連人帶車駛到銅鑼灣維多利亞公園，我話：「大球場喎司機大佬！」對方回應：「呢度咪就係大球場……」Unbelievable到一個點，當堂下意識反白眼反到上車頂再「轉體三周半」，再暗自爆一句：「我真係恭喜你呀！」好在那位司機大哥夠誠實，咪標顯示車費是多少就收多少，不會找續時才發現：咦，喂，點解會無端端多收我幾毫子，難度坐的士就得「老逢」畀貼士？說來，這些畫面，根本就是經典港產片《富貴再逼人》（1988年）之中，的士佬差點誤載鏢叔、肥姐一家去半山干德道（應是九龍塘根德道）拜年，繼而收$50車資打算不找錢的情節呀。
唉～～！像港劇《天地豪情》主題曲 ── 羅嘉良《說天說地說空虛》其中兩句歌詞：「我想不通，我想不懂！」為何今時今日在香港有錢坐的士，也要像「打仗」一樣？就算沒有自恃「客人大晒」的極端觀念，也未至於要貼錢買氣受吧？記得小時候，每逢過時過節，大人提議「不如坐的士到親戚家裏拜年」的時候，都會有種無以名狀的喜悅，或者是，終於都再有機會可以坐在靠近車窗的位置，細看城市風景移動吧，如果獲安排坐在車頭的副駕座位，感覺更是媲美坐飛機由Economy Class突然獲Upgrade去坐Business Class，興奮到冇朋友，可惜的是，「呢支歌仔」 ── 這種能讓自我感覺良好的時刻，早已在香港消失。
直至最近，朋友着我不如試用「XAB」這個Call的士手機應用程式，完成幾個簡單註冊程序，隨即可以Call車。只需輸入上落車地點，手機應用程式會即時計算，並且顯示車資，明碼實價，至於上車時間，分開「即時Call車」以及「預約指定日子和時間上車」兩種選擇，留意後者需要在預約後等候40分鐘或以上，如果臨時變卦，亦可以在預約後取消Call車，極適合我這種需要全天候工作的人，我親身試過，司機比原定時間提早到達上車地點，換言之，日後如果我需要Call車，只需要提早40分鐘前預約即可（暫時只限市區內往返，或由市區前往新界，例如機場），快捷方便，更重要，當然是車廂整潔沒異味，司機專業不多言，坐的士再不用受氣，一切盡在掌握之中，其實諗深一層，的士根本就「應該」咁搭！
【 立即下載XAB手機應用程式，體驗輕鬆截的 】
Google Play
https://play.google.com/store/apps/details?id=com.xab
App Store
https://itunes.apple.com/…/xab-%E9%A6%99%E6%B…/id1363445814…
攝影：Josh Lee @ s.p.o.t.l.e.s.s.m.i.n.d
（01022019）
＃游大東 ＃游大東影視筆記 XAB ＃坐的士 ＃富貴再逼人 ＃天地豪情 ＃港劇 ＃港產片 #的士 #TAXI #司機大佬 #葉佩雯
