關於 就係咁叫左個外賣 ，我們在網路上蒐集到這些相關的討論、資訊與評價

食完晚飯都無2個鐘…
爸B：「巧！不如叫外賣？！」
巧巧：「都好喎！😍」
靖天：「我唔食喇！唔洗預我~~ （停頓5秒後）不過如果你地叫我幫你地食少少啦~」
😑😑😑😑😑
係咪痴左線？！

#就係咁叫左個外賣
#仲要係好邪惡嘅韓國炸鷄
#減肥？！#咩嚟架？#食得架？

韓國小店 尖沙咀最多！
今次過到黎呢間叫韓屋，小小一間店，就係最多韓國人開餐廳金巴利道！
有好多款韓式主食,湯品,仲有餃子
咁兩個人叫左款人蔘雞湯同餃子試下！
出奇地美味，仲同韓國食到既味道幾乎一樣！
味道超正宗，住家味道，不落味精！
越平凡越見真功夫！
餃子大隻飽滿，皮身薄嫩，包住超巨份量餡料，食到有泡菜同粉絲蔥碎等食材,食落口感豐富,泡菜味酸帶辣,好開胃！
煎餃子皮脆餡少，但肉味濃郁！純粹食脆口！
人蔘雞湯 味道清甜 啖啖都係雞肉精華, 湯色少少白,濃湯加嫩雞！
雞肉骨少肉多，燉煮到已經溶化邊緣！一絲味精咸味都沒有！值得一試～

#韓屋 #韓式 #韓國菜 #小店 #尖沙咀 #尖沙咀美食 #堂食 #外賣
地址：尖沙咀金巴利道69-71A號美園大廈地鋪
電話：2638 2832

銅鑼灣越開越開多新餐廳,除左好多過江龍之外,亦有好多東南亞菜
今次有朋友介紹,開左一間新既泰式餐廳
咁一於襯有時間就約人食飯
晚市有2或4人餐,價錢平均200蚊一位
湯品2選1,冬蔭海鮮或椰汁雞湯
小食三款選一,酸辣鳳爪或脆炸蝦餅,或青木瓜沙律
主食,海南雞半隻或原隻滷手豬手或青黃咖哩豬雞牛
仲未完,仲要上多碟泰式炒雜菜,仲有2碗油飯,包飲品2杯
未食已經覺得肯定食唔曬,呢個份量根本夠3-4人食...lol
$398咁多野食,最好自備外賣盒,食剩唔好浪費！
最快先上飲品，凍檸茶無乜特別，茶味唔夠濃

再黎就係唔洗煮既海南雞飯,有加熱過

份量超勁,半隻?!雞胸肉厚,皮薄帶脂,但本身雞味淡,浸雞應該無咩落香料,食唔到
但唔算柴皮,合格水準,雞肉厚身啖啖肉,靠個辣汁同黑醬汁提味
再黎兩碗勁大油飯,食得出好乾爽,淡淡油香,薑黃唔會重味

再黎就係炒雜菜
乜都有,大堆頭,連椰菜花都有,估佢唔到
炒出黎幾香口,份量又係勁大碟,食左七成已經投降

再黎就飲湯,冬蔭功湯,足料酸辣,料頭比足,蝦,魷魚,各種香料,飲落味濃刺激開胃
全靠佢解膩將個兩人餐食得七七八八,係好飲既



我忘記左原來仲有個大佬,叫做炸蝦餅~四大件!牛肉咁大球~

炸至脆身黃金色澤,咬開勁彈牙,仲有蝦肉碎,出奇地好食,咁大粒都咁彈牙香脆

最後只食剩2件雞半碗飯,總算無浪費廚房心機
食量細既朋友唔好點2人餐,肯定食唔曬,份量勁多
足料抵食,價錢合理,食物水準中上水平 冷氣夠勁凍

#銅鑼灣 駱克道463-483號 #銅鑼灣廣場 2期6樓
#泰式 #泰國菜 #銅鑼灣美食 #炸蝦餅 #堂食 #外賣

父親節,搵左位食飯未呢?^_^
不如考慮一下呢間潮州菜
食返個滷水鵝片,素湯羹,炒飯,簡單得黎又美味,環境又舒服
尖沙咀分店係新開既,正宗潮州菜,許美德師傅主理
帶埋老豆食飯就岩曬
滷水鵝肉拼盤
滷水膽有五十年歷史,味香不膩,同平時食到既好唔同,品嚐到鵝肉既鮮嫩肉味
豆腐一樣最岩滷水,豆香加滷水香氣,平凡變上品,墨魚片同滷蛋都係味道剛好,不會蓋過食材味道

太極素菜湯羹
單看賣相已非常精緻,在酒樓已經好難見到
雖名為素羹但味道一樣咁足,飲落有波菜既清新,白色部份應是豆腐
清新不油膩,最岩老人家品嚐

黃金炸雙棗
炸得香口,食落爽脆彈牙,一隻係蟹一隻係蝦肉,外皮酥香咬落係另一種鮮味
賣相簡單,但工夫多而繁,潮州菜都係出街食方便,煎炸小吃前菜,大人小朋友都岩食

蔥蒜牛肉崧煨飯
主食類,食完前菜鵝片,來一客飯,名叫煨飯,但一樣炒得好爽身,但食落飯粒有彈性
蔥蒜香氣與牛肉崧令味道更為豐富

金絲玉帶九肚魚烙
烙即煎炸,九肚魚拆肉入饌,保留魚既原味同鮮味
加入不同食材混合下煎至兩面金黃酥香上碟
本身味淡,先吃一口原味,再添魚露更能突出魚肉鮮味

潮州反沙芋條
精挑細選芋頭再切成相同份量
只留最中間段既部份,糖衣全包裹芋頭,食時脆香,咬開芋頭夠軟綿香氣十足

由茶水到主食至甜品都咁有水準,我係一個潮州2代都十分滿意

#滿樂潮州 #MoonLokChiuChow (Mira Place One)
尖沙咀彌敦道132號 #美麗華廣場 一期 #食四方 4樓405 號舖
#尖沙咀 #中菜 #飲茶 #點心 #晚市 #潮州菜