【 文章分享 ~ 報紙檔點賺錢】
原來賣汽水最好賺... =^_^=
大家以後去玩報紙檔的可愛喵，不妨順便買罐汽水，以荷包來支持報紙檔吧！
<創業小知識＞報紙檔/士多/便利店
大家好。相信大家成日經過報紙檔/士多，知唔知道他們通常點賺錢？
大大話話，我前後都開過約十間報紙店/便利店。先後位於荃灣、紅磡、元朗、土瓜灣、葵涌、北角、小西灣、杏花邨、筲箕灣等。生意額很大，但利潤很薄（約每月$1至3萬）。
雖然我們最終全部賣出，但現在都已經冇再開，因為：
（1）辛苦錢！同事們往往要做到晚上一兩時收工、早上四五時又要上班，年終無休，風雨不改。簡直唔係「普通人」做！
（2）請人「收現金」難管理。「煙仔」最值錢。但我先後都俾人試過「爆格」，偷走幾萬元「煙仔」，等如成一兩個月「白做」！
（3）Circle K 及711 越來越壟斷，簡直就是綁住手俾人打！
睇住買家做到「氣都喘」，所以最近已經冇再開。但我也累積了不少報紙檔/便利店知識，現和你分享下。
大家知唔知賣報紙毛利是多少？賣什麼是最賺錢、什麼是「好睇、唔好食」？
今時今日，以下價格作參考。
賣唔晒，可退貨的有：
- 報紙建議賣$7，來貨是$5.25 （批發商：同德、勤力德等）
- 雜誌（壹仔/東周等）建議賣$20，來貨價是$16
- 香煙（萬寶路、沙龍等）建議賣$50，來貨價$46.7 （私煙則冇得講）
未必可以退貨的：
- 汽水（可樂、七喜等）建議賣$6，來貨價是$2.6 （批發商：日發、創興、太古等）
- 啤酒（生力等）建議賣$8，來貨價是$4.5
- 零食（薯片等）建議賣$6，來貨價是$4.8
- 礦泉水/蒸餾水建議賣$5，來貨價是$1.6 （最好賺！）
當然連鎖店（711及CircleK 等）入貨價可以「摙」到更平。
一般來說，越出名的品牌（例如：卡樂B，屈臣氏等），越少利潤。聽都未聽過的牌子，雖然平，分分鐘利潤是最多。賺錢全靠佢。
由於報紙好多時減$1，又要送紙巾（成本約一毫），賣報紙及煙仔最難賺錢。煙仔存貨成本重、及分分鐘比人「爆格」，真的「好睇、唔好食！」
如果你想幫下小商戶，最好幫他們買多些「水」或「汽水」，或唔出名的「零食」，利潤通常多幾倍。
大家盡力支持下本土經濟、特別是小商戶！
時間長、加埋免費報紙、小商戶生存空間越來越窄...靠間小店養活全家，他們的創業精神、堅持毅力，實在值得我們尊重！Salute!
屈臣氏 蒸餾水 批發 在 蒸餾水18公升價錢2023-在Facebook/IG/Youtube上的焦點新聞 ... 的推薦與評價
屈臣氏蒸餾水 電子水券適用於18公升商用裝及12公升家庭裝，水券售價及有效期因應 ... 更推出了不同型號和功能的冷熱飲水機，主營產品， 價錢，優質批發/ 供應等信息。 ... <看更多>