屯馬線全走全記錄，由朝早8am 跑到夜晚 8pm，27個站 72.8km 嘅心路歷程。由興奮到抽筋，由懷疑人生到最後無事。原來，真係可以跑到喊⋯
條片係有啲長，但係睇返尾段，都真係好大感觸。死唔去，自然強大咗。
What doesn’t kill you makes you stronger.
#柳仔跑會 屯馬通走2021虛擬跑
屯馬通走2021 在 Facebook 的最佳解答
屯馬通走2021 在 Facebook 的精選貼文
屯馬線全走，72.8公里，仲要過兩座山，人生第一個Ultra marathon。一共用咗12個半鐘。過程係點，稍後剪條片俾大家睇，我只能夠講，完成嗰一刻，我忍唔住喊咗出嚟。
講真，我其實冇足夠體能完成呢件事，但我一旦決定咗要做，就唔會縮，亦唔會去後悔。
長跑最有意義嘅事，唔係訓練時間速度同體能，而係鍛練心志，亦一定會令人更瞭解自己。今日，我有足足十二個半小時可以唔理呢個世界，同自己對話。
去到美孚站，距離終點仲有四十公里，我開始抽筋，我懷疑自己可唔可以完成，然後我同自己講：「你得嘅，堅持。」
到鑽石山，我兩隻腳都抽曬筋，仲要面對登上獅子山，我冇一刻閃過放棄嘅念頭，我同自己講：「你得嘅，堅持。」
過咗大圍，仲有最後12公里，我雙腳已經痛到俾火燒咁，我問自己：「行埋佢得唔得？」「唔得，我講咗要堅持，唔係形式上，係實際上。痛都要跑埋佢。」
到馬鞍山，終點在望。全身痛到不行，我笑自己憨居，我欣賞自己憨居，我為憨居而驕傲。因為我有勇氣選擇困難嘅路，因為我有意志去堅持，因為我有能量面對一切困難。我敢講，如果冇呢啲特質，我嘅人生未必能夠繼續前行。
我明，喺跑步嘅過程，我更明。
最後一公里，土崩瓦解嘅身體突然間輕盈起來，重踏第一公里的步調，直抵終點。我又領悟到，長跑最重要的不是身體，是精神意志。又或者係，我最後一公里嘅身體，終於臣服於之前72公里嘅意志之下。
特別多謝好多 #柳仔跑會 嘅院友同行， I love you guys! 另外多謝中學同學兼跑界戰神 @ycshero 、火車Sir帶路，細Ken沿途照顧。當然唔少得搞手兼我最尊敬嘅教練王春榮，仲有沿途補給工作人員，少你地一個我都完成唔到🙏🏻
Photo credit:
@makee_snapshot @trailwalkerhenry Candy Lau
#屯馬通走2021
屯馬通走2021 在 Facebook 的精選貼文
10點到元朗，經錦上路，到河背稍稍補給。上山過水塘後爆林到荃元古道落荃灣西。到呢度先得28km，中午再經貨櫃碼頭曝曬6km到美孚。34km未到半程，已經懷疑人生。但係我係唔會咁易放棄嘅😤 #屯馬通走2021 #柳仔跑會
屯馬通走2021 在 馬鞍山跑到屯門屯馬線。全走(上篇) ⛈️狂風暴雨越獅山 的推薦與評價
28,921 views Jul 9, 2021 屯馬 開通真的好興奮 既然咁興奮通車首日就一於試試佢啦 由馬鞍山烏溪沙直接跑到屯門，跑過全線二十七個站，以腳步貫穿 ... ... <看更多>
屯馬通走2021 在 屯馬通走2021虛擬跑- Home | Facebook 的推薦與評價
屯馬通走2021 虛擬跑. 476 likes. 屯馬開通真的很興奮！不少跑友已組隊試走新路線，亦表示果然興奮。既然如此，不如給大家一點鼓勵，齊齊來個《屯馬通走2021 虛擬跑》！ ... <看更多>
相關內容