其實由一月尾開始，Pokeguide腦細同Pokeguide仔、Pokeguide囡囡，已經用盡各種方法幫大家搵口罩，試過由最初日本、泰國、東南亞，到斯里蘭卡，到東歐都搵過，搵咗應該有一百間左右，間間廠都話無哂貨..... 心灰意冷嘅Pokeguide仔女們喺兩個禮拜前，終於搭路搵到一間印尼廠，願意讓150,000個口罩俾我地，點知臨俾錢前位印尼ching話比一個大陸人高價搶走咗批貨............ 真係唔知好嬲定好笑.... 後來睇到有新聞報導過話原來全球口罩生產，中國係佔50%，而每日全中國最多只可以生產2000萬個，即係話，全球每日生產都未必到5000萬。大陸人保守估計每日消耗5000萬至幾億個，再加上體驗+聽聞過佢地點樣扣起各國嘅口罩，全球再多口罩生產出嚟，其實都係會俾大陸人搶哂。所以我地嘅諗法係，預期同大陸人鬥搶，不如我地另覓出路。
近排俾我地留意到，原來香港已經開始興起DIY製作布口罩套，港大微生物學系講座教授袁國勇，曾經表示布口罩雖然唔及外科口罩可以減到9成病毒，但都有大約7成作用。所以我地即刻google吓，參考咗網上布口罩嘅製作方法，整咗個布口罩套sample，發現只要揀好一隻靚布，裁成一個套，前後包住個口罩，原來一D都唔焗，既可以減到9成病毒，更可以延長入面外科口罩嘅壽命多幾日！
所以我地已經揸緊時間，喺香港搵布料批發商、製衣廠幫大家趕起一批黑色布口罩。魔鬼在細節，考慮到中國嘅布可能會有病毒架嘛，點知大陸廠嘅工人會唔會戴口罩？去廁所會唔會洗手？所以我地專登貴少少都揀咗隻高汁嘅「印度布」，100% cotton，而且100%香港廠本地製造，我幫大家fc咗架喇，班車衣姐姐絕對純正香港口音，老闆仲帶有點點黃 😉
呢家已經去到最後階段，造好咗過千隻，未來兩三日會不斷update大家點樣可以買到，我地會盡量以成本價發售，希望可以令所有人受惠。大家分享俾身邊更多朋友知啦，
重點係，只有香港人先俾買！！！ ❤️
布料批發商 在 專櫃布料零售批發【Candy的家】 - Home 的推薦與評價
專櫃布料零售批發【Candy的家】 · 1. 郵寄：運費80元 · 2. 超商取貨：全家好賣家39元 7-11交貨便35元本館將不定期舉辦優惠活動，活動資訊將會發在公告欄，煩請各位朋友多留意 ... ... <看更多>