2018好書推介
噚日，兩枱朋友八個人，麻雀耍樂，晚飯直落，富貴險中求，我食咗一鋪小四喜，擸埋個水，攪到雀友無晒心情，埋單計數，輕輕鬆鬆贏咗千三大元，正所謂「打劫紅毛鬼，進貢法蘭西」，上繳老婆大人，遊戲夢一場。
但係，我唔開心lol。第一，正凖備影低大四喜獨欠西嘅戰績，朋友一手推散佢，影乜呀影，有啲落寞；第二，全日無睇一頁書，硬係覺得語言無味囉。唯一辦法，一年一度，整番份好書清單，聊以自慰：
哈拉瑞《人類大歷史 : 從野獸到扮演上帝》
哈拉瑞《人類大命運 : 從智人到神人》
邁可.摩斯《糖、脂肪、鹽》
李光耀《李光耀回憶錄 : 新加坡雙語之路》
雷·庫茲威爾《人工智慧的未來》
Matthew Walker《Why we sleep》
John Carreyrou《Bad blood》
Andy Weir《The Martian》
尼爾.弗格森《帝國 : 大英世界秩序興衰以及給世界強權的啟示》
2018，拜拜你條尾，2019，新年新希望，疊埋心水洗牌再砌過，祝大家日日開心，時時快活，秒秒做個正常人，親賢人遠小人，以平常心觀得失，天份外藍，月份外明，人份外美。
此謂之2018好書推介是也。
後記：
電影「火星任務」，有一個場境，麥迪文面對被上帝遺棄嘅荒土，一支公，好寂寞，好孤單，好無助，但佢無放棄過喎，始終相信，山窮水盡疑無路，柳暗花明又一村，用佢嘅學識知識常識，絕處逢生，終於返番地球，其實，性格決定命運，幽默寛容機智隨遇而安隨機應變，先至係佢嘅救命恩人。送畀𠵱家水深火熱，積蓄唔多，馬死落地行，需要鼓勵嘅朋友們，add oil！
帝國 大英 帝國世界秩序的興衰以及給世界強權的啟示 在 俞可平新作《帝國新論》一尊時代的歷史揭示人類 ... - YouTube 的推薦與評價
俞可平新作《 帝國 新論》一尊時代的歷史揭示人類歷史上 帝國興衰 的客觀規律，在全球化时代，人类需要全新的国际 秩序 结构。尽管 帝国 主义还将存在，但 帝国 ... ... <看更多>