關於 幕後玩家ted ，我們在網路上蒐集到這些相關的討論、資訊與評價

當 #錢嘉欣 再次遇上 #Ted。😎👊
#幕後玩家

大結局啦！為了有第二個完美的結局，Ted復活了給大家！King 3回歸！
#幕後玩家 #錢嘉欣
@kandybubu @6wing_fama

BY 紙情 Lovestoryhk

【價值觀係棘手問題，十對情侶九對散】
　
《幕後玩家》已經黎到尾聲，黃翠如飾演既顧成雙同Sheldon(黃宗澤飾)狼狽為奸，兩個人為左得到復生集團就整死呀Ted同陷落主席成勳。當然Sheldon同成雙既價值觀其實有好大問題，而呢個問題亦係直接導致成雙同汐然(蕭正楠飾)離婚既主因。
　
成雙佢講過只要達成目標，過程用左咩手法根本唔重要。佢會喺背後暗算人、抺黑人，甚至將人置於死地，如果結果如佢所願就冇問題。但汐然唔可以，佢為人非常正直，呢啲小人或者咁低級既事佢根本不屑去做，因為佢認為有實力就可以贏。一個不擇手段，一個奉行「明人不做暗事」，最後兩個人當然會分手。
　
我成日話情侶愛對方就會互相遷就，就算大家生活習慣唔同、性格唔同都唔係問題架。例如我好污糟邋遢，不嬲唔會掃頭髮架喇，而佢份人就好中意乾淨既話，呢個情況下我唯有要迫自己掃，有時唔記得咗就佢幫手掃囉。又或者我好文靜唔多出聲，但佢係好active既人，咁我就有時陪佢去見朋友、出event，佢亦要抽時間同我睇書、睇戲。總之愛對方就會為左對方改變，慢慢搵到一個屬於你地、適合你地既相處模式。咁點解成雙同汐然要去到離婚咁嚴重，難道真係冇彎轉？
　
因為成雙同汐然涉及既係價值觀問題，所謂既價值觀係指一個好根深蒂固既思想。你由細到大已經信呢個講法，一直以來都以呢個價值觀生活，絕對唔會咁輕易改變、放棄。兩個人都唔想因為對方放棄自己一直以來奉行既價值觀，最後必然決裂。
　
我再舉多個例子吖，你覺得工作係最重要，雖然平時會陪屋企人同另一半，你都認為工作為先。因為你真係好想達到目標、身份地位，所以對玩樂既野你冇乜大興趣。不過另一半諗法就同你完全相，佢有返工，但返工諗盡計仔蛇王。本住「返工係為左生存」既道理，每日放工會約埋成班朋友去玩，周不時上網搶平機票，佢話人生得意需盡歡喎！最後其實你地兩個都冇錯只係追求既野同人生目標唔同而已。
　
價值觀呢個問題永遠都講唔曬，仲有好多好多矛盾未講。加上有啲價值觀可能係錯，係唔合乎道德，你又點樣說服對方放棄價值觀？同時，你覺得自己個價值觀係啱曬咩？種種問題實在好難解決，係我現時為止遇過最棘手既炸彈。所以我每次遇到呢啲讀者，我都會坦白講：真係幫唔到你。