上司話：
「我後生搏緊上位嗰陣時，上司叫我聽日交嘅嘢，我嗰晚就算通宵都會死掂畀佢！」
.
半宅職薯拆解：
十分明顯，上司正在表達搏上位應有的態度。所以這句說話的真實用意是：「如果你想搏上位嘅話，我畀你做嘅嘢無論deadline幾短都好，你都要幫我死掂佢。」
.
上司話：
「我哋成日都OT，所以大家開工對住個mon食早餐其實都係無可厚非。」
.
半宅職薯拆解：
呢句說話有個大前提，就是先要OT，後才有福利，而且這樣的福利是有底線的。所以這句說話的真實用意是：「我知道大家成日OT好辛苦，所以就畀大家對住部電腦食早餐，但係千祈唔好離開公司，有客打電話嚟一定要聽㗎！」
.
上司話：
「夠鐘就好出去食lunch啦，如果唔係餓壞自己都做唔到嘢喇」
.
半宅職薯拆解：
這句說話的關鍵詞是「夠鐘」和「做嘢」，所以這句說話的真實用意是：「大家夠鐘先至好出去食lunch呀！同埋食完好返嚟做嘢喇！」
.
上司話：
「我今日打電話去某某公司問一啲嘢，個電話響成7、8聲先有人聽，聽電話嗰個又唔講自己係邊位，真係唔掂。」
.
半宅職薯拆解：
很多時上司為了保存下屬的面子，不會直接指令下屬做一些太基本的工作，而希望他們自發改善。所以這句說話的真實用意是：「如果公司有電話打入嚟，我期望大家盡快聽同埋講自己係邊位，維持公司嘅專業形象。」
.
上司話：
「我放假都會check WhatsApp，如果大家真係有事嘅話可以WhatsApp我」
.
半宅職薯拆解：
這句說話的關鍵詞是「真係有事」。所以這句說話的真實用意是：「我放假嘅時候，嗰啲雞毛蒜皮嘅事千祈唔好騷擾我！」
原文刊於 香港01
