關於 床蝨 臭 味 ，我們在網路上蒐集到這些相關的討論、資訊與評價

【璞醫香】「 Puressentiel璞醫香 41 天然精油空氣淨化噴霧(P41) 」有效去除異味，並留下清新宜人的芬芳！

之前一路都有用開「 Puressentiel HK 璞醫香」的產品
它以 #複方精油 聞名
是 #法國第一 香薰治療品牌
而我一向都有 #鼻敏感 情況
有時屋企嘅地毯，沙發或床舖等的致敏源
會誘發我的鼻敏感發作
會不停地打乞嗤、流鼻水等
不過自從法國製造、含 41 種天然精油的
#法國璞醫香Puressentiel清新淨化空氣噴霧
以上的鼻敏感情況大大改善了

蘊含41種 專利精油配方
更有15 項研究證明有效 #除蟎驅蟲 、 #消毒殺菌
對臭蟲及衣蛾同樣有效
從而消除家中引致敏感或生病的源頭

🦠殺滅病毒 : 甲型流感 H1N1(1min)、腺病毒(5min)、諾羅病毒(5min)、脊髓灰質炎病毒 (30min) EN 14476
🦠殺滅細菌 : 金黃葡萄球菌、綠膿桿菌、腸球菌、大腸桿菌 (5min) EN 13727 EN 13697
🦠殺滅真菌 : 黑麴黴、白色念珠菌 (5min) EN 13624、(15min) EN 13697

🏡 適用於任何地方，包括 :
客廳、房間、浴室、辦公室、車廂及床套衣物

⊰⊹════════════════⊹⊱
✎用後感 ：✨

【 #法國璞醫香Puressentiel清新淨化空氣噴霧 】
而家每日都會在房間的上方四角噴一噴
從而去預防致敏原
維持室內空氣清淨
除咗聞到清新怡人精油嘅香氣之外
仲能夠舒緩情緒
而容易形成蟎、床蝨及衣服蟎的床舖
以及日常難以清洗的地氈及梳化
我就會每星期做一次
喺佢哋嘅表面噴灑6- 8 下
等待 30 分鐘就能夠起作用
讓它通風後再以吸塵機清潔
我仲會放定一支喺車入面
可以隨時隨地淨化車廂添🥰
咁好用嘅好物一定要推介俾我身邊嘅朋友使用！

➖➖➖➖➖➖➖➖➖

🛍 【銷售點】
📍萬寧藥劑部
📍屈臣氏藥劑部
📍 HKTVmall (璞醫香官方旗艦店)
📍康研藥業網店

🔎關於「 Puressentiel 璞醫香 」
🌐官方網店 : http://www.silroc.com.hk/tc/puressentiel/
🔹🔸🔹🔸🔹🔸🔹🔸🔹🔸🔹🔸🔹🔸
#Puressentiel #璞醫香 #Puressentielhk #法國璞醫香 #香薰治療 #essentialoil #精油 #除蟎 #消毒 #殺菌 #鼻敏感 #轉季 #潮濕 #香薰精油 #香薰療法 #好物分享 #極力推介 #tachoi #hkbeauty #beauty #beautyinfluencer

【澳洲「煉獄Hostel」Part 2：集體回憶點少得床蟲🙈】

溫馨提示：圖片可能會令人情緒不安

上個Post回憶起澳洲嘅「煉獄Hostel」，有讀者即刻Inbox同我分享「床蟲恐怖史」，我明，我點會唔明，當年中過一次，早排去澳洲，又中一次。

澳洲有種最恐怖毒物叫床蟲，你可以叫床蝨都得－－其實歐美都有，但冇澳洲咁勁。佢會不知不覺攻擊你，當你feel到痕時，你就仆街了。據說床蟲其中一樣出嚟原因，就係西方人唔沖涼焗出嚟，都係澳洲「煉獄Hostel」其中一個原因。西方人唔沖涼唔洗衫，仲要周街掉，搞到間房又臭又污糟。如果同房有西方女性（九成係法國妹），唔沖涼噴劣質香水遮味，果種臭，仲難頂。

床蟲咬到你痕都算，最恐怖係，佢哋會依附喺你衫或袋上，你睇唔到、你唔知道佢幾時再攻擊。你以為冇事，佢隔一排又再攻擊。呢個時候，你會覺得自己好似帶住個計時炸彈，隨時就爆。

對付床蟲，住過Hostel你自會知道，一聽「床蟲」就如臨大敵。一間嘢review你點插佢都好，可能都有人住，一見有「Bed bugs」，係咁先。做過Housekeeping都知道，證實一間房有床蟲，係好似生化級別咁包到實，入去大洗一次。老老實實，叫你入去都好似死士咁，唔係個個肯入。

當年喺澳洲成日聽到一個故事，喺某某Hostel床蟲太勁，噴啲藥勁到殺咗個人，啲床蟲仲健在，可想而知幾咁癡線。

三次去澳洲，三次都俾床蟲攻擊，絕對係「集體回憶」。其實我已經每一次都check床有冇蟲，但估你唔到今次Greyhound（長途巴士）中，仲係最嚴重嘅一次，第一次連頸都有。如果你有中，應該知道唔會即刻發，當你發果陣，已經成身腫曬。我去果陣，仲要熱住咁玩，痕到眼淚水都標埋，大支白花油係咁倒，全用曬。

要處理床蟲，有好多方法，但work唔work真係睇彩數。當年，我係depress到咩都試，高溫熱水呀、超強殺菌清潔劑呀、去搵專對付床蟲嘅粉噴間房，都係唔得。最後，根本冇可能清得到，床蟲跟咗我接近兩個月先至甩。

今次，一如以往，病態地用超熱水洗衫，再日日影相紀錄患處，睇下有冇跟上身。今次好啲，痕咗三日兩夜，終於結疤，都好好彩，床蟲冇「扮唔攻擊」，返到香港真係冇曬。

當年冇得睇醫生，唯有忍痕同去藥房買藥。今次返香港有得睇醫生，原來要治呢啲紅腫，都唔係食藥咁簡單，要玩到搽類固醇藥，睇到啲瘡拿到係咁爆，我就覺得好痛快，但出街就驚人哋以為我咩事...

順帶宣傳，想知我當年第一次點中招，又有幾恐怖，請買我原著小說睇👇
‼最後機會‼小弟執筆之原創小說已賣剩最後一批，售完即止，請即訂購：http://bit.ly/2PKXYFA

‼自製南美明信片同時開售，請多支持：http://bit.ly/34oCtyh

【IG請follow】www.instagram.com/travelerwithmovie

【常見的誤解｜跳蚤與木蝨的分別】
成日話比蝨咬，你知唔知咩係蝨先！？

香港常見嘅蝨有兩種，一種係跳蚤，另一種係木蝨。
先講跳蚤（讀：早），佢地係一種善於跳躍嘅寄居性昆蟲，以吸血為主，一般吸完血後可以2至3年都唔食野。佢地會透過震動﹑體溫同二氧化碳尋找宿主，通常係喺地毯﹑寵物同草叢搵到。其實肉眼係好難見到佢地，不過你會感受到佢地跳躍嘅動作，比佢地咬完都唔會見到佢地，一般嚟講咬痕亦會較快消退。至於對付佢地亦較容易，好多時用煙霧滅蚤蛋就得啦。

相反，木蝨就較難處理，可以用惡夢嚟形容。佢地稱為木蝨，係因為佢地一般會黏附喺木嘅附近，而唔係喺木上生長。因為大多數嘅床都係用木造，所以佢地亦有另一個名稱叫做床蝨。由於殺死佢地嘅時候，佢地又會因為吸完血而發出臭味，所以又會叫佢地做臭蟲。木蝨唔似跳蚤，佢地唔識跳，移動方式主要係爬行，一般係床﹑梳化﹑窗簾布或者喺牆紙搵到，因為呢啲地方提供咗好多裂縫位比佢地躲藏。而佢地入屋嘅原因，主要係由外來地方帶入屋，例如去完旅行又或者親戚朋友嘅行李，都提供良好嘅地方比佢地跟我地入屋。

木蝨咬你嘅時候，佢地會釋出麻醉毒素，令大家感受唔到吸血。食到飽曬，再慢慢爬走，到我地過左一段時間先會痕到醒，結果無教好訓，咬痕要成個月先會散！亦因為佢地爬走嘅時候，有機會比我地改變睡姿而壓死，所以亦有機會係床單上面發現血跡。謹記，用煙霧滅蚤蛋係殺佢地唔死架！因為煙霧滅蚤蛋係殺跳蚤而唔係木蝨，亂咁會仲有搞到佢地通屋都係，所以要小心呀！

都係個句，去完旅行返到屋企要即刻沖洗衣物，亦要保持個人清潔，如果唔係真係極大嘅精神刺激呀！
------------------
◆ 每日分享知識、每月提供課程
◆ Beginneros網站：https://www.beginneros.com/
◆ Youtube：https://goo.gl/OEJrGt
◆ 冷知識投稿：http://goo.gl/zEYS3q