爸B用咗好多誠意去邀請燦神黎參與演出，大家一定都好掛住燦神啦!!到時一家大細齊齊去戲院睇《一家大晒》啦!!
【30012018on.cc】由藝人李思捷自導自演的新片即將上映，除了破天荒找來狄龍演搞笑戲，更邀請到闊別銀幕多年的廖偉雄亮相。廖偉雄上一部演出的港產片，已經是2001年的《漫畫風雲》，能夠打動廖偉雄十七年後出山拍笑片，片酬只屬其次，重點是導演李思捷交出二百分誠意，才令棄演從商的廖偉雄復出幕前，廖偉雄謂：「其實思捷畀劇本我睇時，我唔想拍，因為實在冇時間，更加唔想分心拍戲，影響農場的工作，後來思捷專誠到我位於廣州花都的農場搵我，誠意十足，想推都推唔甩，但我事先聲明，只有一日檔期可以幫忙拍攝。」
提到酬勞是否很吸引，廖偉雄坦言就算收一蚊酬勞都會拍：「錢，大家都未傾，事實是我依家唔係靠演藝行業搵飯食，多與少唔係重點，畀一蚊又好，唔畀都好，我當玩吓客串冇所謂。」廖偉雄仗義相助，導演李思捷當然識做，安排廖偉雄飾演自己老闆，辦公室內還有多位比堅尼性感靚女與他做對手戲：「思捷戲中飾演我公司嘅老臣子，對公司一條心，難得佢肯放大假陪老婆慶祝結婚十五周年，劇情講我們公司上下開心到不得了，於是開party慶祝。」
雖然久未在幕前演出，但廖偉雄一埋位，搞笑細胞便馬上爆發，導演李思捷更稱呼廖偉雄做「燦神」，他說：「燦神好犀利，值200分，好耐冇睇過佢做呢類戲，狀態依然好fit，做喜劇，幽默感好重要，燦神就是天生呢類人，真係好多謝佢幫忙。」除了「燦神」出山客串，導演李思捷的好友蘇永康，當日也專誠來到現場探班，為導演打氣，令李思捷相當感動。
http://hk.on.cc/…/20180130/bkn-20180130153134167-0130_00862…
