免得有讀者話我叫人唔好防疫，今日我地講疫症傳播模式。
結論放開頭：你。係。唔。需。要。N95。的
感染傳播一般分三類型。
最常見，係飛沫傳播（Droplet Transmission），傷風、感冒等等都屬於呢一種傳播模式。要預防好簡單，普通外科口罩加個人清潔就可以。
另一款大陣仗啲，係接觸傳播（Contact Transmission）。例如一個病人患上行內俗稱「雞髀」嘅疥瘡（Scabies），佢皮膏上會佈滿呢類寄生蟲。要預防，我地要著上保護衣、戴上手套，因為有接觸就有機會傳染。反而口罩嘅作用就細啲，因為理論上我唔會親吻病人。
最後一款，亦係需要 N95 嘅一款，叫做空氣傳播（Airborne Transmission）。最高規格，係要住入隔離病房、有保護衣、再加 N95，肺癆、炭疽、德國麻疹就係呢一類。N95 其實係美國嘅一個規格簡稱，係要可以過濾 95% 嘅 airborne particles。
如果大家入過醫院，都可能見過床頭有個三角形嘅牌仔，講明一個病人需要邊一款預防。
咁你可能話「有殺錯過無放過丫嘛」。
咁如果你喜歡日日著漁農署殺雞裝出街，我係阻止唔到你嘅。問題係要穿上同埋卸下呢一身裝備，係需要訓練，唔係好似係廚房除低圍裙咁簡單。因為假設你套衫表面有菌，我地要搵個方法，完全唔會揚起返佢地、包實、再丟棄，做學生、做實習都周不時就要上堂學多次，市民大眾著黎又有咩好處呢？
另外，N95係好蝦人戴。係醫院返工之前，每一個員工都要去做一次配戴測試（Fit Test），戴住個罩，用一部儀器去量度呢個大細嘅口罩同你嘅面形配唔配合，會漏幾多氣。Fit 完就以後只戴個款，同埋每次戴都要自己做多一次漏氣測試。
而且，N95 表面好脆弱，唔可以觸摸、唔可以濕水。
再者，N95 好焗，醫護人員都係要入隔離病房先會戴。
如果做唔到以上要點，戴 N95 根本同無戴無分別，仲要 250 蚊十個。何苦呢？
都係個句，防疫足夠就可以。漂白水清潔、日常護理、普通口罩，其餘你做多左唔係唔得，藥房叔叔笑住收錢添。
唔信我，可以睇下教授點講：
https://news.mingpao.com/ins/港聞/article/20200107/s00001/1578378362868/【武漢肺炎】許樹昌-戴外科口罩足以阻隔飛沫防疫-長戴n95易不適頭痛
#DrWhoHK
廚房漂白水普通漂白水分別 在 漂白水有兩種，氧系氯系妳用對了嗎？ | 媽媽經 - LINE TODAY 的推薦與評價
如果是牆縫、死角發霉，可用舊牙刷沾稀釋漂白水刷洗去除，廚房、流理台等也都適用。但清潔後，記得要打開窗戶或電扇通風，讓氯味揮發，免得聞久了感到身體 ... ... <看更多>