[唔識又要亂9up趕客po] 鬼哥睇晒風火雷電拉闊重播，聽罷有感。
背景: 鬼哥雖然四位歌手個名都聽過，但接近零認識。認樣則淨係認得Tyson Yoshi同姜濤。演唱會中大概20%歌聽過一至兩次，80%第一次聽，冇一隻歌識唱。
整體感覺:
柳應廷唱歌最好聽，有音域有感情，夠氣夠穩，兼有台型。佢亦識得同觀眾connect，感覺上最接近傳統類型，唱得吓嘅廣東歌偶像。
林家謙音樂造詣最高，真假音變化控制舒服順暢，公子哥兒形象鮮明。不過台上態度太chill，風格不太適合拉闊舞台上需要的expressiveness。佢唱一個結他一個鋼琴，老牛T-shirt全程坐低唱嗰類型音樂向live就fit晒。
Tyson Yoshi最好玩，視野明顯四位中最闊，聲線性感，個人風格突出，而且充滿恭碩良影子。舞台presence夠搶，自然得嚟好effortless。不過一唱廣東話就好唔掂，口齒不清又唱得求其，俾人感覺好不屑唱廣東話歌。
姜濤保守估計有5%走音率，冇聲又唔夠氣，係完全唔得。中二兼喪chok嘅台風，極度靚仔，救番唔少件事。喺舞台佢只係沉醉喺自己世界；走位、造手、眼神，就連同觀眾傾偈，都好似生硬地跟緊劇本演出。整體實力四位中最弱。
另外，我係好希望我聽錯，四位歌手唱live均有auto-tune嘅痕跡，尤以Tyson Yoshi同姜濤較明顯。好希望係我聽錯。
#風火雷電 #拉闊 #林家謙 #姜濤 #柳應廷 #TysonYoshi
廣東話歌 在 90後都唱過的流行曲#2 經典廣東歌香港粵語情歌 ... - YouTube 的推薦與評價
90後都唱過的流行曲#2 經典廣東歌香港 粵語 情歌慢活KKBOX Cantonese Classic Songs【無廣告| 自選 歌曲 】給那些我和你都有過的愛情故事❤️免費訂閱本 ... ... <看更多>